Rusiyanın bank sektoru Azərbaycanda inadla maliyyə axtarışında...

Tarix: 22.09.2014 / 05:44
Bölmə: İqtisadiyyat

Ukrayna ətrafında cərəyan edən proseslərdən sonra Qərbin Rusiyaya tətbiq etdiyi sanksiyalar öz effektini verməyə başlayıb. Bir sıra ekspertlərin rəylərinə görə, artıq Rusiyanın maliyyə bazarında tənəzzül başlayıb. Təbii ki, Rusiya hökuməti bunun fərqindədir və vəziyyətdən çıxış yolları axtarır.
"Çin, Sinqapur və digər aparıcı Asiya bazarlarından başqa Rusiya bankları maliyyə resursunu Azərbaycanda və Qazaxıstanda da cəlb edə bilər".
Bunu Soçidə keçirilən beynəlxalq investisiya forumunda iştirak edən "VTB" bankının rəhbəri Andrey Kostin İTAR-TASS agentliyinə müsahibəsində bildirib.
"Rusiya maliyyə strukturları Şərqlə Qərbdən daha gec işləməyə başlayıblar, burada tərəfdaşlıq münasibətlərini inkişaf etdirmək lazımdır, bunun üçün isə bazis qurmaq lazımdır. Azərbaycan və Qazaxıstan kimi maraqlı ölkələr də var ki, orada da çalışmaq olar, çünki orada maliyyə resursu mövcuddur", - deyə Kostin qeyd edib.
Andrey Kostinin fikrincə, Rusiya banklarının, o cümlədən də "VTB" bankının Şərq və Asiya bazarlarında maliyyə resurslarının cəlb edilməsi işində böyük təcrübəsi var və bu kifayət qədər perspektivli bir fəaliyyətdir.
Rusiya rəsmisi Azərbaycana göz dikdiklərini gizlətmir. Maraqlıdır, Azərbaycan tərəfi Rusiyanın təklifləri ilə razılaşsa, hansısa formada Qərbin sanksiyaları ilə üzləşə bilərmi?
İqtisadçı Oqtay Haqverdiyev "Bakı-Xəbər"ə açıqlamasında bildirdi ki, Kostinin verdiyi açıqlama bank sektoruna aiddir":Reallıq bundan ibarətdir ki, Azərbaycanın bank sektoru o qədər də güclü inkişaf etməyib. Yəni bizim bank sektorumuz göz qabağındadır. Bütün fəaliyyət daxildə kreditlərin verilməsi və onlardan gələn faizdən qazanc götürməyə köklənib. Bunu ona görə xatırladıram ki, bizim hansısa bankın gedib Rusiyaya maliyyə yatıracağı heç də inandırıcı deyil. Xaricə investisiya qoyan Azərbaycanın tanınmış şirkətlərinin adı hamıya məlumdur. Həmin şirkətlərin də sanksiyalardan əvvəl Rusiya ilə əməkdaşlıqları olub. Təbii ki, müqavilə bitənə kimi şirkətlərimiz Rusiya ilə əməkdaşlığı davam etdirəcək. Buna görə heç bir Qərb ölkəsi bizə irad bildirə bilməz. Hətta sanksiyalardan sonra da hansısa əməkdaşlığın olması belə Qərbin Azərbaycana təzyiq edə biləcəyi anlamına gəlməməlidir. Çünki Rusiya ilə Qərbin arasında yaranan münaqişənin bizə heç bir aidiyyəti yoxdur. Digər tərəfdən isə, Qərbin özü Azərbaycanla əməkdaşlıqda maraqlıdır. Onlar bura neftə görə gəlirdi, indi də qaza görə gələcəklər. Azərbaycanın daxili imkanları imkan verir ki, xarici investisiyanı cəlb etmədən istənilən layihəni təkbaşına reallaşdırsın. Bu baxımdan da Azərbaycan iqtisadi cəhətdən inkişaf etmiş, müstəqil iqtisadi siyasət yürütməyə qadir olan bir ölkə kimi hansı ölkə ilə necə əməkdaşlıq etməyi özü müəyyənləşdirir. Bunun üçün kimdənsə icazə almağa da borclu deyilik".

DİGƏR XƏBƏRLƏR

Tarix: 03.06.2026 / 19:32

Avropanın ən böyük qaz saxlama anbarları Azərbaycana təklif olundu...

Tarix: 03.06.2026 / 16:58

Qara kampaniyalar üzündən doğma adını dəyişən neft şirkətləri... Əliyev nə dedi?..

Tarix: 03.06.2026 / 14:43

Azərbaycanın 94-dən başlamış "enerji yüksəlişinin" 32 illik sonucları...

Tarix: 03.06.2026 / 13:46

Azərbaycan Mərkəzi Bankının inflyasiya ilə mübarizəsi dünyada təqdir edildi

Tarix: 03.06.2026 / 12:35

Azərbaycan iki günə ABŞ şirkətlərindən 8 milyard dollar investisiya cəlb etdi

Tarix: 02.06.2026 / 21:43

Azərbaycan Mərkəzi Asiyanın qaz ixracatçılarına böyük şans açır...

Tarix: 02.06.2026 / 20:41

Aqrar Sığorta Fondu - Azərbaycan kənd təsərrüfatının yeni qalxanı

Tarix: 02.06.2026 / 19:51

ABŞ-la Azərbaycan arasında yeni sazişlərinin ümumi dəyəri 8 milyard dolları keçdi...

Tarix: 02.06.2026 / 19:35

"ABŞ Azərbaycanın enerji sektoruna konkret investisiyalar planlaşdırır" - Kaleb Orr

Tarix: 02.06.2026 / 19:22

Azərbaycan-ABŞ İqtisadi Dialoqunun ilk iclası keçirildi

Tarix: 02.06.2026 / 18:27

Azərbaycan-ABŞ iqtisadi əməkdaşlığında yeni səhifə açıldı - kritik minerallar sahəsi...

Tarix: 02.06.2026 / 16:25

Bakı–Tbilisi–Qars dəmir yolu modernləşdirildikdən sonra istifadəyə verildi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.06.2026 / 13:56

Ermənilər bir ailənin 5 üzvünü qətl etdi -Bakıdakı dipmissiyalar susdu...

Tarix: 01.06.2026 / 13:51

Bakıda iqlimin kəskin dəyişməsinin səbəbi bilindi - inanmayacaqsınız, lakin...

Tarix: 01.06.2026 / 13:39

Suriya terrorunda əli olan "Holcim"in Azərbaycandakı fəaliyyətinə də növbə çatdı...

WUF13 Azərbaycanın milli, mədəni, əxlaqi, tarixi kimliyinin nümayiş meydanıdır...