Güney Azərbaycanda soydaşlarımız daha bir tarixi nailiyyətə imza atır

Tarix: 22.09.2014 / 02:32
Bölmə: İqtisadiyyat

İranda son hakimiyyət dəyişikliyindən sonra burada yaşayan milyonlarla soydaşımızın əvvələr pozulan hüquqlarının bərpası istiqamətində genişmiqyaslı işlərin görülməsi özünü qabarıq surətdə büruzə verir.
Hər halda, qanunvericilik səviyyəsində atılan addımlar, görülən digər işlər bu qənaətə gəlməyə əsas verir. Artıq bu fonda atılması gözlənən növbəti addım isə "Azərbaycan milli mədəniyyət fondu" layihəsinin gündəmə gəlməsidir. Şərqi Azərbaycan valisi İsmayıl Cabbarzadə də "Azərbaycan milli mədəniyyət fondu" layihəsinin gündəmə alındığını qeyd edib. Təbrizdə "Mirək" adlı sənətlər konservatoriyasının açılış mərasimində danışan Cabbarzadə yeni layihənin incəsənət və mədəniyyət xadimlərinin tələbi istiqamətində təklif olunduğunu irəli sürüb: "Prezident Təbrizdə Türk Dili Qurumunun yaradılmasına dair söz verib. Əhali də bunun gerçəkləşməsini ciddi şəkildə təqib edir. Lakin bu arada, Azərbaycanın sənət və mədəniyyət xadimləri bu vilayətin mədəniyyəti ilə bağlı milli səviyyədə bir fondun yaradılmasını istəyib". Həmin mərasimdə çıxış edən İran İslam Respublikasının mədəniyyət naziri Əli Cənnəti isə yeni təklifi yaxşı bir layihə kimi dəyərləndirərək "Azərbaycan milli mədəniyyət fondu"nun əsasnaməsinin qısa zamanda hazırlanmasını tələb edib. İsmayıl Cabbarzadə məsələ ilə bağlı bildirir: "Azərbaycanın mədəniyyəti sadəcə türk dilindən ibarət deyil, bunun üçün Azərbaycan mədəniyyətinin tamamını əhatə edən bir fondun yaradılması istənilir".
Bu arada, Təbrizdə keçirilən Ustad Şəhriyar seminarında çıxış edən prezident Həsən Ruhaninin yardımçısı Höccətül-İslam Əli Yunesi Şərqi Azərbaycan vilayəti əhalisinin hamısının şiə və azəri olduğunu və hər hansı bir etnik ayrı-seçkiliyə məruz qalmadığını vurğulayıb. İranın qeyri-fars etnik qrupları və dini azlıqlarla bağlı məsələlər üzrə prezident yardımçısı olan Yunesi qeyd edib: "Bəziləri türk-fars ixtilafı törətmək istəyir. Onlar bunu bacarmayacaq. Dövlətdə Azərbaycan əhalisinə qarşı ən kiçik mənfi baxış mövcud deyil... Şərqi Azərbaycan əhalisinin hamısı şiə və azəridir, buna görə də onlar İranda hər hansı etnik, ya məzhəbi çətinliklə üzləşmir. Ölkənin bir çox yüksək rütbəli rəsmisi, o cümlədən böyük öndərimiz Xamneyi Azərbaycan kökənlidir". Şərqi Azərbaycan valisi və Tehran rəsmilərinin bu mövqeyini təhlil edən bəzi ekspertlərin fikrincə, hökumət məsulları seçki kampaniyaları zamanı verilən sözləri yerinə yetirmək istiqamətində artıq real işlərə başlamağı düşünür.
Məsələnin daha bir maraqlı tərəfi isə Güney Azərbaycanın beynəlxalq əlaqələrinin də genişlənməsidir. Məsələn, elə bu günlərdə Şərqi Azərbaycan valisi və Təbriz bələdiyyə sədri Tatarıstan mədəniyyət nazirinin müavini və Ərzurum bələdiyyə başqanı ilə görüşlər keçirərək ticari və mədəni əlaqələrin genişləndirilməsi haqqında müzakirələr aparıb. İsmayıl Cabbarzadə ilə görüşən Tatarıstan mədəniyyət nazirinin müavini Güzel Nigmatullina Tatarıstanla Azərbaycan arasında tarixi və mədəni yaxınlığın önəmini vurğulayaraq, bu yaxınlığın iqtisadi əlaqələrdə də özünü göstərəcəyini önə çəkib: "Əcdadlarımızın səyləri nəticəsində Təbriz və Kazan şəhərləri arasında qədim və tarixi əlaqələr mövcud olub. Bu mədəni əlaqələri digər sahələrdə, o cümlədən turizm sektorunda da inkişaf etdirmək lazımdir". İsmayıl Cabbarzadə isə Şərqi Azərbaycan Vilayəti və Tatarıstan Respublikası arasında ticari münasibətlərin genişlənməsi üçün tərəflər arasında aparılan müzakirələrin müsbət istiqamətdə irəlilədiyini bildirib. İsmayıl Cabbarzadə Ərzurum şəhəri bələdiyyə başqanı Mehmet Sekmenlə görüşündə isə Təbriz və Ərzurum arasındakı ortaq din, mədəniyyət və dil münasibətlərinin genişlənməsində böyük tərəqqi qeydə alındığını vurğulayıb: "Dost və qonşu Türkiyə ilə münasibətlərimizin genişlənməsində heç bir məhdudiyyət və sərhəd yoxdur". Bütün bunlar Güney Azərbaycanda soydaşlarımız üçün artıq yeni bir durum yarandığını göstərir. Düzdür, problemlər də var. Məsələn, milli komanda olan "Traxtur" komandasının ev oyunlarını keçirdiyi Təbrizin Səhənd stadionuna yeni qadağaların tətbiq edildiyi bildirilir. İran mediasının məlumatına görə, tərəfdarların stadiona milli simvollar, digər ölkələrin bayrağı, yazılı parça, plakat, rupor və təbil kimi əşyalar gətirməsi yasaqlanıb.
İran rəsmi xəbər agentliklərinin yazdığına görə, "Traxtur" 2008-ci ildən bəri stadionlara ən çox tərəfdar cəlb edən klub olub. Sadəcə Azərbaycan vilayətləri deyil, "Traxtur" umumiyyətlə Azərbaycan türklərinin yaşadığı bölgələr, o cümlədən Qaşqay türkləri arasında da çox sevilən bir komandadır. Klubun Portuqaliyadan olan sabiq baş məşqçisi Antonio Joze Oliveyra 34 illik idman və məşqçilik təcrübəsi zamanı "Traxtur" qədər azarkeşi olan bir klub görmədiyini demişdi.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...