Banklarla bağlı növbəti qorxunc xəbərdarlıq...

Tarix: 22.09.2014 / 02:30
Bölmə: İqtisadiyyat

Cari ilin sonu yaxınlaşdıqca bank sektoruna diqqət daha da artmağa başlayıb. Artıq bir neçə bankın fəaliyyətini dayandıracağı barədə getdikcə daha çox fikir səsləndirilməkdədir. Növbəti dəfə bu mövzuya toxunan Milli Məclisin İqtisadi siyasət komitəsinin üzvü Vahid Əhmədov da bildirir ki, 2015-ci il yanvarın 1-nə qədər kommersiya banklarından bəziləri məcmu kapitalın həcmini 50 milyon manata çatdıra bilməyəcək.
Onun fikrincə, məhz bu səbəbdən 10-a yaxın bank bazardan çıxa bilər: "Bilirsiniz ki, 2013-cü ildə bankların məcmu kapitalı 10 milyon manat idi. Mərkəzi Bank qərar verdi ki, 2014-cü il yanvarın 1-dən məcmu kapitalı 50 milyon manat olsun. Amma müəyyən səbəblərdən sonradan bu vaxtı dəyişdirdi və müddəti 2015-ci il yanvarın 1-nə kimi uzatdı. Mən hesab edirəm ki, bu səhv addım idi. Bu müddət saxlanmalı idi. 2015-ci il yanvarın 1-ə qədər məcmu kapitalı 50 milyon manat olmayan banklar bunu yığa bilməyəcək. Mən bilirəm ki, bu, bankların əksəriyyəti üçün mümkün deyil. Onlar məcbur olacaq ki, başqa banklarla birləşsinlər". Millət vəkili hesab edir ki, bankların konsolidasiyası bazara müsbət təsir edə bilər. Bu, ilk növbədə kreditlərin faiz dərəcələrinin aşağı düşməsinə gətirib çıxaracaq: "Azərbaycanda bu gün 44 bank var. Elə banklar var ki, zərərlə işləyir. Zərərlə işlədikləri, əhalidən külli miqdarda əmanət toplaya bilmədikləri üçün faizləri də yüksək verirlər. Misal üçün, Azərbaycanda elə bank var ki, 30-35%-lə əhaliyə kredit verir, əhalidən isə əmanətləri, misal üçün, 10%-lə qəbul edir. Yəni burada çox ciddi problem var. Banklar birləşdikdən sonra isə kapitalları çox olacaq, dövriyyə vəsaitləri, likvidlik artacaq. Onda banklar kredit faizlərini də aşağı salmağa məcbur olacaq".
Qeyd edək ki, ekspertlərin əksəriyyəti bu mövqeni bölüşür. Lakin bank sektorunda vəziyyətin təhlili onların birləşməkdə o qədər də maraqlı olmadığını üzə çıxarır. Bu isə bank sektorunda ilin sonunda bağlanma halının daha çox olacağını deməyə əsas verir. Lakin Mərkəzi Bank əsas etibarı ilə bankların birləşərək sayının azalmasında maraqlıdır. Xatırladaq ki, bu günlərdə Mərkəzi Bank "Bankların yenidən təşkili Qaydaları"nı təsdiqləyib. Avqustun 29-dan qüvvəyə minən Qaydalar bankların bir-biri ilə birləşməsini, başqa banklara qoşulmasını, eləcə də bank kimi fəaliyyətini dayandırıb bank olmayan kredit təşkilatına (BOKT) çevrilməsini nəzərdə tutur.
Bankın BOKT-a çevrilməsi 3 ay ərzində həyata keçirilməlidir. Sənədə görə, bankın BOKT-a çevrilməsi üçün keçid dövrünə 6 ayadək vaxt ayrılır. Hazırda əsas etibarı ilə ziyanla işləyən bankların birləşdirilməsi xüsusi maraq dairəsindədir. Bankların birləşdirilməsi məsələsi isə bu banklarda əmanətləri olan vətəndaşları narahat etməyə başlayıb. Lakin iqtisadçı-ekspert Vüqar Bayramovun sözlərinə görə, ziyanla işləyən bankların birləşdirilməsi bu bankların əhali qarşısındakı öhdəliklərinə təsir göstərməyəcək: "Məsələn, vətəndaşın bu banklardan birində 20 min manat əmanəti varsa, bank birləşəndən sonra avtomatik olaraq vahid bankın səlahiyyətinə keçir. Yəni həmin bank əhalinin əmanətlərinin saxlanması imkanına malik olur. Sadəcə, bu zaman vətəndaşın əmanətinin qorunub saxlanması, vəsaitlərinin ödənilməsi ilə birləşdirilərək yaradılan bir bank məşğul olacaq. Bu isə o deməkdir ki, vətəndaşların əmanəti itməyəcək". Onun sözlərinə görə, bankların birləşdirilməsi indiki halda müsbət xarakter daşıyır. Ekspert hesab edir ki, bankların sayının azalması bu sektorda ciddi problemlərə gətirib çıxarmayacaq: "Bankların birləşməsi qeyri kapitala malik bankların sayının artmasına səbəb olacaq. Bu isə bank sektorunun güclənməsinə, banklar arasında daha ciddi rəqabətin aparılmasına gətirib çıxaracaq. Bankların birləşdirilməsi prosesi uğurla baş verərsə, eyni zamanda bu süni şəkildə deyil, bankların öz istəyi ilə həyata keçirilərsə bu sektora çox müsbət təsir edəcək. Bankların birləşdirilməsi təklif edilən kredit faizlərinin də aşağı düşməsinə gətirib çıxara bilər. Sadəcə olaraq, bu birləşmə heç bir halda inzibati metodlarla həyata keçirilməməlidir". Lakin məsələnin maraq doğuran tərəfi odur ki, banklar hələ də birləşməyə meyl etmir. Bu isə bank sahəsində ilin sonunda bağlanma hallarının daha yüksək olacağını deməyə əsas verir. Məhz bu şəraitdə həmin banklara qoyulan vəsaitlərin taleyi ciddi sual altına düşür.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...