Gələn ilin dövlət büdcəsi ətrafında maraqlı müzakirələr başlayıb

Tarix: 22.09.2014 / 12:29
Bölmə: İqtisadiyyat

Xəbər verildiyi kimi, 2015-ci il dövlət büdcəsi haqqında qanun layihəsi Nazirlər Kabinetinə göndərilib. Qeyd edək ki, Maliyyə Nazirliyində Nazirlər Kabinetinə təqdim olunan 2015-ci il dövlət budcəsinin və icmal büdcənin layihəsi və sonrakı üç il üçün icmal büdcənin göstəricilərinin müzakirəsinə və qarşıda duran vəzifələrə həsr olunan kollegiya iclası keçirilib.
Nazirliyin yaydığı xəbərə görə, kollegiya iclasında çıxış edən maliyyə naziri Samir Şərifov gələn ilin dövlət büdcəsi layihəsinin strukturu və əsas prioritetləri barədə məlumat verib. Nazir bildirib ki, 2015-ci il və sonrakı üç il üçün dövlət büdcəsi xərclərinin layihəsi "Büdcə sistemi haqqında" Qanuna müvafiq olaraq ölkənin əsas makroiqtisadi proqnoz göstəriciləri, büdcədən maliyyələşən və maliyyə yardımı alan təşkilatların real büdcə sifarişləri və gözlənilən büdcə gəlirləri nəzərə alınmaqla hazırlanıb: "Gələn ilin dövlət büdcəsi layihəsinin xərcləri Prezident İlham Əliyevin həyata keçirdiyi sosial siyasətin davam etdirilməsi və digər prioritet hədəflərin həyata keçirilməsi üçün maliyyə təminatı yaradacaq. O cümlədən, iqtisadi və sosial islahatlara dəstək olmaq, dövlətin müdafiə qabiliyyətini gücləndirmək, iqtisadi, ərzaq, ekoloji təhlükəsizliyi təmin etmək, investisiya və sosial proqramların, xarici borc və öhdəliklərin yerinə yetirilməsinə, qeyri-neft sektorunun inkişafına və s. nail olmaq 2015-ci il və sonrakı üç ildə qarşıda duran vəzifələrdən olacaq. Artıq bir neçə ildir ki, dövlət və icmal büdcələrinin layihələri Milli Məclisə təqdim olunmazdan əvvəl Maliyyə Nazirliyinin rəsmi internet səhifəsində yerləşdirilərək ictimai müzakirəyə çıxarılır. Bununla yanaşı, büdcənin parametrləri ilə bağlı əhalini maarifləndirmək məqsədilə sadə və anlaşıqlı dildə vətəndaşın büdcə bələdçisi hazırlanır və bütün bunlar ictimaiyyət, o cümlədən vətəndaş cəmiyyəti institutları və beynəlxalq maliyyə təşkilatları tərəfindən böyük maraqla qarşılanır".

Növbəti həftədə Nazirlər Kabinetində 2015-ci il dövlət büdcəsi haqqında qanun layihəsinin geniş müzakirəsinin keçirilməsi nəzərdə tutulur.
İqtisadçı-ekspert Natiq Cəfərli bizimlə söhbətində qeyd etdi ki, 2015-ci ilin dövlət büdcəsi haqqında məlumatlar hələ tam hazırlanmayıb: "2015-ci ilin dövlət büdcəsi bir sıra müzakirələrdən keçəndən sonra qəbul olunacaq. Dövlət büdcəsi qəbul olunarkən neftin hansı qiymətlə hesablanacağı hər kəsi düşündürən məsələlərdən biridir. Ehtimal olunur ki, neftin qiyməti, ötən il olduğu kimi, 100 dollar civarında hesablansın. 2015-ci ilin büdcəsi hazırlanarkən digər düşündürücü məsələ isə gəlirin azalıb-azalmayacağı ilə bağlıdır. 2014-cü ilin dövlət büdcəsində ilk dəfə olaraq gəlir hissə 4 dəfə azaldı. Maraqlıdır, 2015-ci ilin dövlət büdcəsində gəlirin azalması müşahidə olunacaqmı? Üçüncü əsas məsələ büdcə kəsirinin nəzərdə tutulub-tutulmamasıdır. 2014-cü ilin dövlət büdcəsi hesablanarkən 1,6 milyard dollar büdcə kəsiri planlaşdırılmışdı. Çox güman ki, ilin sonuna kimi bu proqnoz özünü doğruldacaq".
Müsahibimiz ümid edir ki, ötən il müşahidə olunan təcrübə bu il də təkrar olunar. Yəni 2014-cü ilin dövlət büdcəsi ötən il erkən elan olundu: "Maliyyə Nazirliyinin elektron saytında büdcə ilə bağlı bütün məlumatlar yerləşdirilmişdi".
Milli Məclisin İqtisadi siyasət komitəsinin sədri, millət vəkili Vahid Əhmədov hesab edir ki, Azərbaycanın 2015-ci il üçün dövlət büdcəsinin layihəsində neftin baza qiyməti 90 ABŞ dollarından yüksək olmamalıdır. Onun sözlərinə görə, 2015-ci ildə neftin qiymətində azalmaya doğru müəyyən dəyişiklik olacaq: "Məlum olduğu kimi, Qərb dövlətləri Rusiyaya qarşı sanksiyalar tətbiq edib. Bu sanksiyalardan biri də neftin qiymətinin azaldılmasıdır. Mən belə hesab edirəm ki, gələn il neftin ucuzlaşması prosesi gedəcək və neftin qiyməti orta hesabla 80-85 dollar arasında dəyişəcək.
Buna görə də dövlət büdcəsində neftin qiymətini 90 dollardan artıq götürmək olmaz. Maksimum 90 dollar götürmək lazımdır ki, müəyyən problemlərlə üzləşməyək, büdcədə kəsir hissəsində müəyyən problemlər yaranmasın".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...