10-a yaxın sığorta şirkətinə şəraitin acı diktəsi...

Tarix: 17.09.2014 / 02:37
Bölmə: İqtisadiyyat

Sığorta bazarında son vəziyyətin təhlili burada hələ də kifayət qədər gərgin bir vəziyyətin yarandığını göstərir. Eyni zamanda, sığorta haqlarının yığımında azalma da müşahidə olunur. Xüsusən də avtomobil sığortası ilə bağlı gəlirlər xeyli azalıb. Son araşdırmalar da göstərir ki, ölkədə sığorta şirkətlərinin könüllü avtomobil sığortası üzrə topladıqları sığorta haqları azalır.
Artıq geriləmə 34-35 faizə çatır. Belə ki, cari ilin yanvar-avqust aylarında könüllü avtomobil sığortası üzrə toplanmış sığorta haqları ötən ilin eyni dövrü ilə müqayisədə 35,4% azalaraq 20,4 milyon manat təşkil edib. Qeyd edək ki, avtomobil sığortası üzrə yığımların azalmasının səbəbi bankların avtomobil kreditlərini daha sərtləşdirilmiş qaydada təqdim etməsidir.
Ümumiyyətlə, sığorta bazarında olduqca maraqlı proses müşahidə olunur. Belə ki, bir neçə şirkət sürətlə böyüyərkən, 10-a yaxın şirkət sığorta haqları toplamaqda çətinlik çəkir. Bu fonda isə xatırladaq ki, artıq Maliyyə Nazirliyi yığımları bir neçə min manata qədər azalmış "Royal Sığorta"nın lisenziyasını ləğv etdi. Sığorta haqqı toplamaqda çətinlik çəkən şirkətlərin də eyni aqibətlə üzləşə biləcəyi gözlənir. Belə bir vəziyyətdə sığorta şirkətlərinin satılması və birləşməsi aktuallaşır. Azərbaycan Sığortaçılar Assosiasiyasının sədri Orxan Bayramov məsələ ilə bağlı "Marja"ya bildirib ki, zəifləyən sığorta şirkətləri güclərini artırmaq üçün birləşmə yolunu seçməlidir: "Assosiasiyanın iştirakçıları arasında bu barədə müzakirə aparılmayıb. Aşağı həcmdə sığorta haqları yığmış şirkətlərin birləşib-birləşməməsi onların daxili işidir. Təmərküzləşmə böyüdüyündən və sırf bazarın gələcək inkişafı baxımından zəif şirkətlərin birləşməsi yaxşı olardı".
Qeyd edək ki, 2014-cü ilin yanvar-avqust aylarında Azərbaycanın 28 sığorta şirkətinin xəttilə 283,3 milyon manat sığorta haqqı toplanıb. Həmin 28 sığorta şirkətinin 11-də sığorta haqlarının artımı, 17-də isə azalması baş verib.
Xatırladaq ki, sığorta bazarının tənzimləyicisi olan Maliyyə Nazirliyi minimum kapital tələbinin artırılması nəticəsində zəif sığorta şirkətlərinin bağlanmasını bazarın sağlamlaşması kimi görür. Hələ beşinci Azərbaycan Beynəlxalq Sığorta Forumunda maliyyə naziri Samir Şərifov bununla bağlı qeyd edirdi: "Biz həyat və qeyri-həyat sığortaçıları, o cümlədən təkrar sığortaçılar üçün minimum kapital tələblərini artırmışıq. Bu da sığorta şirkətlərinin sayının azalmasına gətirib çıxarır. Biz bunu bazarın sağılamlaşdırılması kimi görürük". Xatırladaq ki, bu ilin yazında Maliyyə Nazirliyinin Kollegiyası sığorta şirkətlərində xarici kapitalın payı ilə bağlı qərar qəbul edib. Qərara əsasən, bu ilin sonuna qədər ölkədə fəaliyyət göstərən bütün sığortaçıların ümumi nizamnamə kapitalında xarici kapitalın payı 50%-ə qədər ola bilər. 2015-ci ildən bu göstərici 70%-ə, 2016-cı ildən 85%-ə, 2017-ci ildən isə 100%-ə çatdırılacaq. Hazırda isə sığorta bazarında xarici kapitalın payı 4% civarındadır. Lakin xaricilər ölkənin sığorta bazarına hələ də çox meyl göstərmir. Bu şəraitdə isə sığorta haqları toplamaqda çətinlik çəkən 10-a yaxın şirkətin taleyi də sual altına düşür. Xüsusən də avtomobil kreditlərinin verilməsinə qoyulan məhdudiyyətlər sığorta sektoruna ciddi təsir göstərməyə başlayıb. Ekspertlər də bildirir ki, avtomobil kreditlərinə qoyulmuş məhdudiyyətlər ümumilikdə sığorta sektorunda avtomobil sığortası üzrə yığılmış sığorta haqlarının azalmasına səbəb olub. Araşdırmalara görə, avtomobil kreditlərinin dayandırılması yığımlarda azalmaya səbəb olmaqla yanaşı, həm də sığorta sektoruna ciddi bir siqnaldır. Hesab olunur ki, sığorta şirkətləri portfelin sığorta növləri və satış kanalları üzrə diversifikasiya edilməsinə diqqəti artırmalıdır.
İndilikdə isə sığorta şirkətləri, xüsusilə kasko sığortası üzrə ixtisaslaşan şirkətlərin zərərə düşəcəyi ehtimalı böyükdür. 2013-cü ildə ölkə üzrə avtomobil nəqliyyatı vasitələrinin sığortasından təxminən 57 milyon manata yaxın sığorta haqqı yığılıb. Bu vəsaitin böyük hissəsi məhz kreditlə alınan avtomobillərin sığortalanmasından yığılıb. Lakin indi vəziyyət dəyişir. Yuxarıda qeyd olunduğu kimi, cari ilin yanvar-avqust aylarında könüllü avtomobil sığortası üzrə toplanmış sığorta haqları ötən ilin eyni dövrü ilə müqayisədə 35,4% azalaraq 20,4 milyon manat təşkil edib. İlin sonuna kimi bu rəqəmin daha da azalması gözlənir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...