Köhnə maşınlar sürətlə bahalaşmağa başladı

Tarix: 16.09.2014 / 04:31
Bölmə: İqtisadiyyat

Maşın bazarında vəziyyətin təhlili burada ciddi durğunluq yaşandığını, eyni zamanda, bu hala rəğmən, köhnə avtomobillərin getdikcə bahalaşdığını göstərir. Təbii ki, maşın bazarında durğunluğun əsas səbəbi avtokreditlərin dayandırılması ilə bağlıdır. Ekspertlər qeyd edir ki, Azərbaycanda hər 10 maşından 7-si bank krediti vasitəsilə alınırdı. Avtomobil kreditlərinin şərtlərinin sərtləşdirilməsi isə birmənalı şəkildə bazara təsir edib.
Bu gün avtosalonlarda da eyni vəziyyətə rast gəlmək olar. Maşın kreditləri ilə bağlı şərtlərin sərtləşdirilməsi ilə yanaşı, "Avro-4" ekoloji standartının tətbiqi də, əvvəldən də gözlənildiyi kimi, avtomobil bazarına təsirsiz ötüşməyib. Hazırda ili 2005 və ondan sonrakı ilə təsadüf edən maşınların ölkəyə idxalı həyata keçirilir.
Belə vəziyyətdə köhnə avtomobillərin sayı azaldığından, onların qiymətində artım müşahidə edilir. Hazırda Azərbaycana daha çox yeni istehsal olunan avtomobillər gəlir. Lakin onların da sayında azalma var. Ümumiyyətlə, son məlumatlar göstərir ki, Azərbaycana avtomobil idxalında azalma davam edir. Belə ki, 2014-cü ilin yanvar-avqust ayları ərzində Azərbaycana 43276 ədəd avtomobil idxal olunub. Bu da ötən ilin analoji dövrü ilə müqayisədə 23950 ədəd və ya 35,6% azdır. Belə ki, ötən ilin 8 ayı ərzində Azərbaycana 67.226 ədəd avtomobil gətirilmişdi. Bu ilin 8 ayı ərzində ötən ilin eyni dövrü ilə müqayisədə minik avtomobillərinin idxalı 21726 ədəd və ya 35,6% azalıb.
Köhnə maşınlar isə daha az sayda gətirilir. Bu da onların bahalaşmasına təsir edir. Qeyd edək ki, işlənmiş maşınlar ölkəyə əsasən Gürcüstandan gətirilir. 2014-cü ilin yanvar-iyul aylarında Gürcüstandan Azərbaycana 167,1 milyon dollar dəyərində 12,86 min minik avtomobili ixrac olunub. Məlumata görə, göstərilən dövrdə Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 49,5 faiz təşkil edib. Sözügedən ölkənin bu kateqoriyadan olan ümumi ixracında isə Azərbaycanın xüsusi çəkisi 50,4 faiz təşkil edib. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 26,8 faiz, say nisbətində isə 11,51 min ədəd və ya 47,2 faiz azalıb. Müqayisə üçün bildirək ki, 2013-cü ilin yanvar-iyul aylarında Gürcüstandan Azərbaycana 228,2 milyon dollar həcmində 24,37 min avtomobil ixrac edilmişdi.
Ölkəyə avtomobil idxalının azalması, yuxarıda da qeyd olunduğu kimi, Azərbaycanın tətbiqinə cari ilin aprel ayının 1-dən başladığı "Avro-4"ekoloji standartına keçidi ilə izah edilir. "Avro-4"ün tətbiqi Gürcüstandan Azərbaycana idxal olunan nəqliyyat vasitələrinin böyük hissəsini təşkil edən köhnə avtomobillərin ölkəyə gətirilməsini məhdudlaşdırır.
Həmin avtomobillərin gətirilməsinə qadağa qoyulduğundan isə bu, belə demək olarsa, köhnə maşınların qıtlığına yol açır. Ekspertlərin qənaətincə, ili köhnə avtomaşınların qiymətini bahalaşdıran səbəblərdən biri də belə avtomobillər üçün kredit şərtlərinin daha sərt olmasıdır. Daha bir fakt isə odur ki, ili köhnə maşınların bahalaşması maşın alveri ilə məşğul olanların sayının azalması ilə bağlıdır. Belə şəxslər daha çox köhnə avtomobillər gətirirdi. Yeni standartın tətbiqi isə daha bahalı avtomaşınların gətirilməsini tələb edir ki, buna da əksər maşın alverçilərinin maliyyə imkanları yetmir. Belə vəziyyət avtomobil bazarlarına təsirsiz ötüşmür. Hələlik isə son vəziyyətin təhlili göstərir ki, hazırda insanlar bazara daha ucuz qiymətə avtomobil almaq üçün üz tutur. İstehsal tarixi 2005-ci ildən aşağı olan maşınların qiyməti bütün hallarda daha ucuzdur. Nəticə etibarilə bu müəyyən dövr ərzində həmin maşınlara tələbatı artırır. Araşdırmalar bir daha göstərir ki, bank kreditlərinin dayandırılması fonunda da insanlar o qədər də baha olmayan, ili köhnə maşınların alınmasına üstünlük verir. Bu proses isə ümumi bazarda köhnə avtomobillərin qiymət artımına təsir edir. Digər tərəfdən, bu gün avtomobil bazarında birbaşa avtomobil gətirilməsi ilə bağlı yaranan problem həm də ondan ibarətdir ki, yeni avtomobillərin gətirilməsi köhnələri sıxışdırır. Bu da köhnə avtomobillərin qiymətinə təsir göstərir. Yeni gətirilənlər isə çox olduğundan, qiymətlərində ucuzlaşma yaşanır. Güman olunur ki, birbaşa avtomobillərin gətirilməsi bazarda durğunluğun aradan qaldırılmasında müəyyən rol oynayacaq. Bütün hallarda, ölkəyə köhnə avtomobil gətirilmədiyi üçün qiymətində artım tempi müşahidə olunacaq. Köhnə avtomobillərə də tələbat artacaq. Çünki onların artıq idxalı çox az həyata keçirilir. Yeni avtomobillərin idxalı artdığı üçün isə onların qiymətində ucuzlaşma, ekspertlərə görə, bundan sonra da müşahidə ediləcək. Bir məqamı da qeyd edək ki, hazırda ölkədə verilən istehlak kreditlərinin böyük bir hissəsi avtomobil kreditlərinin payına düşür. Araşdırmalara görə, qaytarılmayan kredit borclarının da təqribən 40 faizə qədəri avtomobillərə verilən vəsaitlərdir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...