Naxçıvanın turizm potensialı artır

Tarix: 15.09.2014 / 02:37
Bölmə: İqtisadiyyat

Ümumən Azərbaycanda turizmlə bağlı vəziyyətin o qədər də qənaətbəxş olmaması fonunda Naxçıvan MR-lə bağlı bu sahəni əhatə edən ürəkaçan bir statistika ortaya çıxıb. Məlumatda bildirilir ki, cari ilin ötən səkkiz ayında Naxçıvana 200 mindən çox turist gəlib.
Bu da ötən ilin müvafiq dövrü ilə müqayisədə 2,5 faiz çoxdur.
İldən-ilə Muxtar Respublikaya gələn əcnəbi turistlərin sayında artım müşahidə olunmaqdadır. Bəhs olunan dövrdə Naxçıvana gələn turistlərin 84 min nəfərə yaxını xarici ölkələrin vətəndaşlarıdır.
Bu baxımdan, cari ilin avqust ayında Muxtar Respublikaya 11 min 333 əcnəbi gəlib. Muxtar Respublikaya Türkiyə, İran, Rusiya, Ukrayna, Qazaxıstan, Gürcüstan, Avropa İttifaqı ölkələri, ABŞ, Baltikyanı ölkələr, Koreya Respublikası, Çin və digər dövlətlərdən turist axını müşahidə edilməkdədir.
Əcnəbilərin Naxçıvanda olduqları müddətdə ən çox maraqlandıqları məkanlar sırasında isə Muxtar Respublikanın tarixi yerləri, mədəniyyət obyektləri, təbiət abidələri, ziyarətgahlar üstünlük təşkil edir. Onlara lazım olan xidmətlərin göstərilməsi üçün də hər cür şərait mövcuddur. Muxtar Respublikaya rekreasiya, ziyarət, işgüzar, müalicə, tanışlıq və s. məqsədlərlə səfər edən turistlərə müasir standartlara uyğun mehmanxana və nəqliyyat xidmətləri təklif olunur, onlar üçün ekskursiyalar təşkil edilir. "Gəmiqaya turizm" firması, Naxçıvan Muxtar Respublikası Turizm və Ekskursiyalar Birliyi bu işlərin təşkilində fəallıq göstərir. Xarici turistlərin Naxçıvana böyük maraq göstərməsinin başqa hansı səbəbləri ola bilər?
"SevGün Travel" Turizm Şirkətinin direktoru Bahadur Bilalov bunun səbəbini bir sıra faktorlarla izah etdi. Onun sözlərinə görə, ilk növbədə Naxçıvanın qədimliyi xarici turistləri cəlb edir: "Məsələn, Naxçıvanda olan bir sıra qədim türbələr və ziyarətgahlar xarici turistlərdə böyük maraq oyadır. Bunların sırasına Əshabu-Kəhf, Möminəxatun Türbəsini aid edə bilərik. Əlavə olaraq bunu deyə bilərəm ki, bəşəriyyətin bütünlüklə qəbul etdiyi Nuh peyğəmbərin qəbrinin məhz Naxçıvanda olması ilə bağlı versiyalar var. Nuhun qəbrinin axtarışı ilə bir neçə nüfuzlu ekspedisiya məşğul olur. Onlardan bəzilərinin gəldiyi qənaət budur ki, Nuhun qəbri məhz Naxçıvandadır. "Əshabu-Kəhf"in adı Quranda çəkilir. Bu səbəbdən də bir çoxlarının marağına səbəb olan bir yerdir. Həmin ziyarətahın da məhz Naxçıvan ərazisində yerləşməsi çoxlu sayda turisti həmin bölgəyə çəkib aparır. Bu yerlər əvvəllər də Naxçıvanda olub. Sadəcə, olaraq internet üzərindən həmin bölgənin görməli yerlərilə bağlı sistemli reklam işinin aparılması belə effektiv nəticəni ortaya qoyub. Bu gün axtarış portallarında Naxçıvan bölgəsilə bağlı bir neçə dildə məlumatlara rast gələ bilərsiniz. Bütün bu informasiyalar turistlərdə böyük maraq yaradır. Hesab edirəm ki, bir qədər də işlər intensivləşsə gələn il biz daha yüksək rəqəmlə rastlaşarıq. Digər bir amil isə son illər ərzində Naxçıvandakı yerli infrastrukturun sürətlə inkişaf etməsidir. Turistləri həmin amil də cəlb edir".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...