Əmək müqaviləsi bağlamayan daş karxanaları Əmək Müfəttişliyinin hədəfində...

Tarix: 15.09.2014 / 03:03
Bölmə: İqtisadiyyat

Dövlət Əmək Müfəttişliyi Xidməti daş karxanalarında əmək qanunvericiliyinə əməl olunması vəziyyətini yerindəcə araşdırıb. Belə ki, sentyabrın 12-də Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) tərəfindən Bakının Qaradağ rayonu ərazisində fəaliyyət göstərən, "Viləş" firmasına və fiziki şəxs Hətəmov Rauf Dadaş oğluna məxsus mişar daşlarının istehsalı sahələrində (daş karxanalarında) əmək qanunvericiliyinə əməl olunması vəziyyəti yerindəcə araşdırılıb.
Dövlət nəzarətinin həyata keçirilməsində Sənaye və İqtisadiyyat Nazirliyinin, Daxili İşlər Nazirliyinin İnsan Alverinə Qarşı Mübarizə Baş İdarəsinin və Azərbaycan Həmkarlar İttifaqları Konfederasiyasının əməkdaşları da iştirak edib.
Araşdırma zamanı həmin daş karxanalarında işçilərin əmək münasibətləri rəsmiləşdirilmədən qeyri-leqal əmək fəaliyyətinə cəlb olunduğu aydın olub. Eyni zamanda, mişar daşı istehsal edən avadanlıq və qurğuların işçilərin həyat və sağlamlığı üçün olduqca təhlükəli şəraitdə fəaliyyət göstərdiyi, işçilərin əməyin mühafizəsi üzrə norma və qaydalarda nəzərdə tutulmuş fərdi və kollektiv mühafizə vasitələri, xüsusi geyimlərlə təmin olunmadığı aşkar edilib.
Qeyd olunan hüquq pozuntularına görə, Azərbaycan Respublikasının Əmək Məcəlləsinin 229-cu maddəsinə uyğun olaraq, daş karxanalarında mişar daşı istehsal edən avadanlıqların fəaliyyəti aşkar edilmiş nöqsanlar aradan qaldırılan vaxtadək dayandırılıb. Bununla yanaşı, işçilərin qanunsuz işə cəlb edilməsi və əməyin mühafizəsi norma və qaydalarının pozulması barədə DƏMX tərəfindən protokol tərtib edilib və müvafiq göstərişlər verilib.
Əmək Məcəlləsinin 215-ci maddəsinə əsasən, müəssisənin mülkiyyətçisi və işəgötürəni işçilərin iş yerlərində əməyin mühafizəsi normalarının və qaydalarının yerinə yetirilməsinə bilavasitə cavabdehlik daşıyır.
Əslində daş karxanalarının, demək olar ki, hamısında analoji vəziyyət hökm sürür. Hansısa daş karxanasında işçilərlə müvafiq tələblərə uyğun əmək müqaviləsinin bağlandığını təsəvvür etmək çətindir. Olsa belə, çox güman ki, bu, formal xarakterlidir. Ən azından uzun illərdir daş karxanalarında hökm sürən özbaşınalıq bu qənaətə gəlməyə əsas verir. Dəfələrlə bu haqda yazılsa da, bu sahədə müsbətə doğru əsaslı nəticə əldə edilməyib.
Əmək Hüquqlarının Müdafiəsi Liqasının rəhbəri Sahib Məmmədov hesab edir ki, daş karxanalarında əməyin mühafizəsi, texniki təhlükəsizlik standartları ciddi şəkildə pozulur: "Daş karxanalarında vəziyyət həmişə belə olub. Dəzgahlar fiziki cəhətdən aşınıb. İşçilər xüsusi əməyin mühafizəsi ilə bağlı təlimatlandırılmır. Xüsusi geyim formaları yoxdur. Bir sözlə, özbaşınalıqdır. Bu səbəbdən də işçilərin müqaviləsiz işlədilməsi orada geniş yayılıb. Karxana işlərinə daha çox rayondan gələn vətəndaşlar cəlb edilir ki, bu da səbəbsiz deyil. Rayondan gələnlər ucuz işçi qüvvəsidir və heç biri ilə əmək müqaviləsi bağlamadan işlədirlər. Daş karxanası elədir ki, hər adamı orda işlətmək olmaz. Orda işləyənlərin xüsusi təcrübəsi olmalıdır. Onlar vaxtaşırı təlimatlandırılmalıdır, vəzifə instruksiyaları olmalıdır, xüsusi geyim formaları olmalıdır. Rayondan gələn təcrübəsiz insanlardır ki, bir tikə çörəyin dalınca gəlirlər".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...