ABŞ Senatının Ticarət Komitəsi Çin kapitalı olan avtomobil istehsalçılarına məhdudiyyətləri sərtləşdirməyi hədəfləyən qanun layihəsini təsdiqləyib. Reuters xəbər verir ki, bu təşəbbüs qəbul edilərsə, Almaniyanın Mercedes-Benz şirkətinə də təsir göstərə bilər.
Təklif olunan qaydalara görə, ABŞ bazarında fəaliyyət göstərməyə qoyulan qadağa Çin investorlarının səhmlərinin 15%-dən çoxuna sahib olduğu şirkətlərə də şamil edilə bilər. Komitə sədri Ted Kruz bildirib ki, Mercedes-Benz, təxminən 20% Çin səhmdar payına sahib olduğu üçün bu tərifə düşəcək. Bununla belə, o, sənədin daha da nəzərdən keçirilməsini tələb etdiyini qeyd edib.
Kruz həmçinin bildirib ki, sənədin müəyyən müddəaları öz brendlərinin mövqeyini gücləndirməkdə maraqlı olan General Motors tərəfindən dəstəklənir. Lakin avtomobil istehsalçısı təklifin fərdi oyunçularla rəqabət aparmaqla deyil, Amerika istehsalına və sənayenin qlobal rəqabət qabiliyyətinə dəstək verməklə bağlı olduğunu vurğulayıb.
SAMİRƏ
