Qazaxıstan 2026-cı ildə Ümumi Daxili Məhsuluna görə dünyanın ən böyük 50 iqtisadiyyatı arasına yer alıb. Ölkənin nominal ÜDM-i təxminən 320 milyard dollarla 50-ci yerdədir və bu, "Visual Capitalist" tərəfindən hazırlanmış qlobal iqtisadiyyat reytinqində bildirilir. Reytinq sırasında ABŞ, Çin, Almaniya, Hindistan kimi ölkələrin iqtisadi göstəriciləri ilə yanaşı Qazaxıstanın bu siyahıya daxil olub.
Qazaxıstan ÜDM-ə görə dünyanın 50 ən böyük iqtisadiyyatı siyahsına düçdü, Azərbaycan nə vaxt bu nöqtəyə çata bilər?
2026-cı ildə Qazaxıstan təxminən 320 milyard ABŞ dolları məbləğində nominal ÜDM ilə dünyanın ən böyük 50 iqtisadiyyatı sırasına daxil olub. Bu göstərici ölkənin qlobal reytinqdə 50-ci yeri tutmasına imkan verib.
Azərbaycan isə 2024-cü ilin yekunlarına görə təxminən 74-75 milyard dollar səviyyəsində nominal ÜDM-ə malik olub. Bu göstərici ilə ölkə həm MDB ölkələri arasında 5-ci yeri tutub, həm də regionda Rusiya, Qazaxıstan və Özbəkistan kimi daha böyük iqtisadiyyatlara nisbətən xeyli kiçik qalıb.
Sadə müqayisə belə göstərir ki, Qazaxıstanın ÜDM-inin iqtisadi həcmi Azərbaycanın göstəricisindən təxminən 4-5 dəfə böyükdür. Belə olmasına görə, Azərbaycanın hal-hazırki iqtisadi həcmi 50-liyə daxil olmaq üçün çox aşağıdır və bu səviyyəyə çatmaq üçün böyük və davamlı iqtisadi inkişaf tələb olunur.
Bu, təkcə nominal artımı deyil, həm də iqtisadiyyatın struktur dəyişməsini nəzərdə tutur. Məsələn, neft və qaz sektorundan daha çox asılılığı azaltmaq, qeyri-neft sektorunun payını artırmaq, ixracı şaxələndirmək və xarici investisiyaları cəlb etmək kimi addımlar zamanla iqtisadi həcmi yüksəldə bilər. Bu proses illərlə ölçülür, regional və qlobal iqtisadi şərtlərdən də asılıdır.
Sadə nəticə ondan ibarətdir ki, Azərbaycanın nominal ÜDM-i Qazaxıstanla müqayisədə xeyli kiçikdir və 50 ən böyük iqtisadiyyat sırasına daxil olmaq üçün hələ çox yol var - bunun üçün ölkə iqtisadiyyatını bir neçə dəfə böyütməlidir.
Akif NƏSİRLİ
