Azərbaycan Əlillər Futbolu Federasiyasının yaz turniri başa çatıb

Tarix: 13.05.2016 / 02:05
Bölmə: İdman

Azərbaycan Əlillər Futbolu Federasiyasının təşkilatçılığı, AFFA, Bakcell şirkəti və Sahə Futbol Federasiyasının dəstəyi ilə eşitmə qabiliyyəti məhdudlar arasında futzal üzrə ənənəvi yaz turniri olub. Mayın 2-4-də keçirilən turnirdə mübarizəyə 3 saylı Xüsusi İnternat Məktəbinin "Şimşək", "Zirvə", 2 saylı Xüsusi İnternat Məktəbinin "Ümid" və həmin məktəblərin məzunlarından ibarət "Birlik" komandası qoşulub.

Turnirin açılış mərasimində nitq söyləyən federasiya rəhbəri Şaiq Həmidov idmançıları salamlayaraq onlara uğurlar arzulayıb. Federasiyanın fəaliyyətindən və ölkəmizdə idmanın inkişafından danışan Şaiq müəllim əlavə edib ki, belə turnirlərin keçirilməsi olduqca faydalıdır. "Azərbaycan Əlillər Futbolu Federasiyası 2007-ci ildən fəaliyyət göstərir. Federasiyamızın əsas məqsədi eşitmə qabiliyyəti məhdud insanların futbola cəlb edilməsi, onlar arasında futbolun təbliğ edilməsidir. Yaxşı bilirik ki, idman insanlara fiziki və mənəvi cəhətdən olduqca müsbət təsir edir, psixoloji cəhətdən güclü olmağa gətirib çıxarır. Belə turnirlərin keçirilməsi, futbolun inkişafı ilə bərabər, perspektivli futbolçuların təyin edilməsinə xidmət göstərir. Onu da deyim ki, 2005-2015-ci illərdə Azərbaycan Respublikasında futbolun inkişafına dair Dövlət Proqramı uğurla həyata keçirildi. Respublikamızda futbolun inkişafı yolunda uğurlu addımlar atılır. Federasiyamızın əsas məqsədlərindən biri eşitmə qabiliyyəti məhdud olanlar arasında futbolun kütləviliyinə nali olmaqdır", - deyə federasiya rəhbəri bildirib.

Gərgin keçən mübarizədə turnirin ən yüksək zirvəsinə "Birlik" komandası ucalıb

Qeyd edək ki, federasiya ənənəvi olaraq eşitmə qabiliyyəti məhdudlar arasında ildə üç dəfə- yaz, payız və 3 dekabr-Beynəlxalq Əlillər Gününə həsr olunan futzal turniri keçirir.

Gərgin keçən mübarizədə turnirin ən yüksək zirvəsinə "Birlik" komandası ucalıb. "Zirvə" komandası II, "Şimşək" komandası isə III pillədə qərarlaşıb. Yarışda fərqləndiyinə görə "Zirvə" klubunun idmançısı Güləli Baxşıyev "Ən yaxşı oyunçu", "Birlik" klubunun futbolçuları Mürşüd Hüseynov "Ən yaxşı qapıçı", İslam Əliyev isə "Məhsuldar idmançı" adına layiq görülüb. Qalib komandalar diplom və medallarla mükafatlandırılıblar.

Məlumat üçün bildirək ki, Şaiq Həmidov Azərbaycan Əlillər Futbolu Federasiyasının prezidenti olmaqla bərabər, həm də Azərbaycan Paralimpiya Komitəsinin vitse-prezidentidir. Paralimpiyaçılarımızın necə çətinliklərlə medal qazandıqlarını daha yaxşı bilən Şaiq müəlim bildirdi ki, idmançıların qazandıqları hər bir medal böyük zəhmətin nəticəsində əldə olunur. "Heç bir idmançı qələbəyə asanlıqla sahib olmur. Göstərilən diqqət, qayğı idmançını qələbə qazanmağa daha da həvəsləndirir. Onlar məsuliyyət qarşısında olduqlarını yaxşı bilirlər. Elə bu məsuliyyət də idmançını qələbəyə aparır. Mən fəxr edirəm ki, ölkəmizdə idman yüksək sürətlə inkişaf edir, Vətənimiz gündən-günə çiçəklənir, yeni görkəm alır. Belə gözəl ölkədə əlbəttə ki, insan gözəl işlərlə məşğul olmaq, yaşamaq, yaratmaq istəyir. Olimpiya və Paralimpiya oyunlarında ölkəmizi ən güclü idmançılar təmsil edirlər", - deyə Şaiq müəllim bildirdi.

"Bu gün ölkəmiz bütün sahələrdə yüksək sürətlə inkişaf edir"

Paralimpiyaçılar, sözün əsl mənasında, fədakar insanlardır. Onlar zədələrdən, bəzən sağalmayan yaralardan əziyyət çəkirlər. Ancaq buna baxmayaraq, fədakarlıq göstərərək idmanla məşğul olur, Azərbaycanı təbliğ edirlər. Beynəlxalq yarışlarda Azərbaycanın bayrağını qaldırırlar.Sevindirici haldır ki, ölkəmizdə Paralimpiya Hərəkatı sürətlə inkişaf edir. Azərbaycan Respublikasının Prezidenti, Milli Olimpiya Komitəsinin Prezidenti, ölkə başçımız İlham Əliyevin idmana göstərdiyi böyük diqqət nəticəsində ölkəmizdə idman daha da inkişaf edir. İdman sahəsində qazandığımız nailiyyətlər isə ğöz qabağındadır. İndi idmanla hamı məşğul olmaq istəyir. İdmançı olmaq, yarışlarda vətənimizi təmsil etmək böyük şərəfdir. Bu şərəfli işlə məşğul olan bütün idmançılar cəmiyyət tərəfindən yüksək qiymətləndirilir, onlara böyük qayğı və diqqət göstərilir.

Şaiq Həmidov əlavə etdi ki, ölkəmizdə Milli Paralimpiya Komitəsinin yaradılması, Paralimpiya Hərəkatının başlanması dahi lider Heydər Əliyevin adı ilə bağlıdır. "Böyük şəxsiyyətin varlığı Azərbaycanın bütün sahələrdə inkişaf etməsinə, çiçəklənməsinə gətirib çıxardı. Bu gün inkişaf etmiş Azərbaycanı bizlərə məhz ulu öndər Heydər Əliyev bəxş edib. Bu gün ölkəmiz bütün sahələrdə yüksək sürətlə inkişaf edir. Azərbaycanda müxtəlif beynəlxalq idman yarışları keçirilir,vətənimiz dünya və Avropa çempionatlarına ev sahibliyi edir, Paralimpiya oyunlarında müvəffəqiyyətlə iştirak edir. İlk Avropa Oyunları kimi mötəbər bir yarışın ölkəmizdə keçirilməsi də ən böyük uğurlarımızdan biridir. Ümid edirəm ki, bir neçə ay sonra paralimpiyaçılarımız Rio- de- Janeyroda böyük qələbələr əldə edəcəklər", - deyə Şaiq müəllim bildirdi.

R.Jalə

DİGƏR XƏBƏRLƏR

Tarix: 18.06.2026 / 17:40

Azərbaycanın kamandan oxatma üzrə idmançısı IV Avropa Oyunlarında iştirak etmək üçün kvota qazanıb

Tarix: 18.06.2026 / 16:27

Azərbaycanda ilk dəfə paraüzgüçülük üzrə ölkə çempionatı keçirilib

Tarix: 15.06.2026 / 20:44

FIFA prezidentindən sensasiyalı təklif – Fələstin-İsrail matçı ilə açılış edilsin...

Tarix: 11.06.2026 / 09:43

Futbol üzrə dünya çempionatı başlayır - Meksika və CAR bu gün qarşılaşır...

Tarix: 10.06.2026 / 15:39

Milli Paralimpiya Komitəsinin rəhbərliyi medal qazanan parataekvondoçularla görüşüb

Tarix: 09.06.2026 / 20:52

Beynəlxalq media əfsanəvi 10 karateçinin sırasına azərbaycanlını da saldı - Rafael Ağayev

Tarix: 07.06.2026 / 22:39

Parataekvondoçularımız Prezident Kubokunda 1 qızıl və 2 bürünc medal qazanıblar

Tarix: 05.06.2026 / 00:02

Minifutbol millimiz Avropa Çempionu oldu!

Tarix: 04.06.2026 / 17:40

"Fənərbağça" prezidenti Sadettin Saran həbs edildi

Tarix: 03.06.2026 / 10:23

UEFA "Turan Tovuz"u avrokuboklardan kənarlaşdırdı

Tarix: 21.05.2026 / 18:52

İkiqat Olimpiya çempionunun oğlu Azərbaycan üçün yarəşacaq

Tarix: 21.05.2026 / 18:52

İkiqat Olimpiya çempionunun oğlu Azərbaycan üçün yarəşacaq

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...