Azərbaycandan məlum bankların əli ilə çıxarılan milyardların son oturum nöqtəsi nədir və haradır? Milli Təhlükəsizlik Nazirliyini nüfuzdan salmaq ustalıqla aparılan düşünülmüş əməliyyat ola bilərmi? Yəni həm pul qazanmaq, həm də şanlı ənənələri olan MTN-i çökdürmək...
Göründüyü kimi, suallar çoxdur və hər biri ayrılıqda geniş müzakirə istəyir.
Daha maraqlı bir sual isə təcrübəli siyasətçi ekspertlərdən biri ilə söhbət zamanı yarandı. Bu həqiqətən şok effekti yaradan mülahizələr sayıla bilər: "11 il sahibkarlara qarşı belə "məhsuldar" işləmək, hətta bəzilərini qısa müddətə olsa da girov götürmək və ifşa olunmamaq-bunlar çox düşündürücüdür. Mən istisna etmirəm ki, bu işdə Eldar Mahmudovun dəstəsinin çox təcrübəli müşaviri olub. Məsələn, MTN-in təcridxanasında saxlanan Hacı Məmmədov bu işdə dəstənin işinə yaraya bilərdi. Hər halda yoxlanmalıdır ki, onun bu əməllərdə iştirakı olubmu?
Bəlkə də Hacı Məmmədov birbaşa iştirakçı olmayıb. Ancaq özü də bilmədən onun keçmiş təcrubəsindən istifadə edənlər ola bilər. Təcridxanada təkcə hacının çəkdiyi rəsmlərə baxmaqla kifayətlənmirdilər ki..." Hər halda, onun izləmə, girov götürmə, saxlama və şantaj etmə ilə pul qazanmaq əməliyyatlarının hələ bir çoxu, yəqin ki, cəmiyyət üçün açılmayıb. Ancaq bunları təcridxanada ondan öyrənənlər, təbii ki, var və olub. Bütün bu faktlar kimlər üçünsə, ilk növbədə Hacı ilə az qala gündəlik təmas imkanına malik Eldar Mahmudovun dəstə üzvləri üçün "əla təcrübə mənbəyi ola bilərdi"...
Maraqlıdır...
Baki-xeber.com
