MTN-in zədələnmiş nüfuzunu bərpa etmənin yolları və mümkünlüyü...

Tarix: 23.10.2015 / 03:08
Bölmə: Gündəm

Qabil Hüseynli: "Bahalı, dəbdəbəli həyat tərzi və maşınlardan imtina edilməlidir"

"Ölkənin xaricində, xüsusilə də Ermənistanda ciddi agentura şəbəkəsi yaradılmalıdır"

MTN ətrafında baş verən hadisələr ürəkaçan deyil. Etibar edilərək dövlətin ən mühüm strukturuna yerləşdirilən bəzi kadrlar həm onlara göstərilən etimadı doğrultmayıblar, həm də bu cür ciddi qurumun adına ləkə gətiriblər.

Biz görürük ki, mediada bu mövzu ilə bağlı səsləndirilən tənqidlərdə haqlı olaraq MTN-nin adı çəkilir. Başqa cür təqdimat heç ola da bilməz. Çünki həmin xoşagəlməzliklər məhz orada yaşanıb. Təbiidir ki, bu mövzu ətrafında şişirtmələrə də yol verilir. Bəzən dezinformasiya xarakterli informasiyalar da mətbuata ayaq açır.

Təsadüfi deyil ki, Azərbaycan Milli Təhlükəsizlik Nazirliyi (MTN) son günlər yayılan məlumatlara öz rəsmi münasibətini bildirib. Qurumun İctimai Əlaqələr İdarəsinin məlumatında deyilir: "Son vaxtlar intensiv surətdə yoxlanılmamış və həqiqətə uyğun olmayan, şayiə xarakterli məlumatlar verilir. Həmin şayiələrdə guya Milli Təhlükəsizlik Nazirliyinin yüksək rütbəli və vəzifəli əməkdaşlarının "həbs olunması", habelə onların xidmətlə bağlı olmayan fəaliyyətləri barədə məlumatlar yayılır. O da qeyd olunmalıdır ki, bu cür yalan, böhtan və təhqir xarakterli informasiyaların yayılması yolverilməzdir".

Qeyd olunur ki, Milli Təhlükəsizlik Nazirliyi ölkədə sabitliyin və təhlükəsizliyin etibarlı təmin edilməsi üzrə fəaliyyətini əzmlə davam etdirir, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin bütün əmr və göstərişləri dərhal və vicdanla yerinə yetirilir.

Göründüyü kimi, MTN yenə əmin əllərdə olduğunu bəyan edir.

Bu baxımdan da son hadisələr nəticəsində qurumun imicinə dəyən zərərin aradan qaldırılması zərurəti yaranır. Bunu necə etmək olar?

Politoloq Qabil Hüseynli qəzetimizə bildirdi ki, son hadisələr nə qədər ürəkaçan olmasa da, biz MTN-in nüfuzu barədə də düşünməliyik: "Desək ki, bunun MTN-in nüfuzuna zərrə qədər də olsun zərəri olmadı yanılarıq. Bəlli oldu ki, bu cür strateji əhəmiyyətli quruma çoxlu sayda diletant yerləşdirilib. Rəhbər vəzifəli şəxslər böyük var-dövlət içində yaşayıb. Səlahiyyətlərinə aid olmayan işlərlə məşğul olublar. Bunun da nəticəsində ifşa edilən məlumatlar belə çox olur. MTN-in nüfuzunu özünə qaytarmaq üçün ilk növbədə həmin qurumun tərkibində böyük dəyişiklik aparılmalıdır.

Söhbət ciddi kadr islahatından gedir. Sonra isə korrupsiyanın kökü tamamilə aradan götürülməlidir. Bahalı, dəbdəbəli həyat tərzi və maşınlardan imtina edilməlidir. Ölkənin xaricində, xüsusilə də Ermənistanda ciddi agentura şəbəkəsi yaradılmalıdır. Xüsusilə də rəhbər vəzifələrə əməliyyat işini gözəl bilən peşəkarlar təyin olunmalıdır. Yalnız bunlardan sonra MTN-in əvvəlki nüfuzu özünə qayıda bilər. Mediamız da qurumun adı ilə bağlı tənqidlərə ara verməlidir".

Məhəmmədəli QƏRİBLİ

DİGƏR XƏBƏRLƏR

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...