"Alo, mən sahibkaram, qanunsuz 50 min tələb edən MTN-çilər mənə 1 həftə vaxt verib, kömək edin!..."

Tarix: 23.10.2015 / 03:50
Bölmə: Gündəm

Zakir Əhmədov: "Özünü doğrultmasa, o zaman başqa qurumun tərkibində əlavə "qaynar xətt" yaradıla bilər"

"Çox güman ki, yaxın vaxtlarda bunun müsbət nəticələrini görəcəyik"

"Bu həqiqətən tarixi və inqilabi islahatlardır, qanunsuz yoxlamalar aparılmamalıdır". Bu sözləri iqtisadiyyat və sənaye naziri Şahin Mustafayev Prezidentin yoxlamaların dayandırılması barədə qəbul etdiyi qərarı şərh edərkən bildirib. Nazir deyib ki, qeyri-neft sektorunun inkişafı ölkə iqtisadiyyatının prioritetidir.

Nazirin fikrincə, sənədin mahiyyəti sahibkarlıq subyektlərində bu ilin noyabr ayının 1-dən aparılan yoxlamaların dayandırılmasıdır.

"Yəni ölkə başçısı tərəfindən noyabrın 1-dən sonra 2 il müddətində sahibkarlıq subyektlərində yoxlamalar dayandırılacaq. İkincisi isə xüsusi lisenziya verilən sahəyə dair Prezident tərəfindən müvafiq fərman imzalanıb. Bu fərmana uyğun olaraq, bütün xüsusi lisenziyalar İqtisadiyyat və Sənaye Nazirliyi tərəfindən "ASAN xidmət" mərkəzləri vasitəsilə veriləcək. Eyni zamanda, cənab Prezident tərəfindən göstəriş verilib ki, 1 ay ərzində lisenziyanın verilməsi qaydası sadələşdirilsin. Bu sahədə həm də lisenziyaların sayı kəskin azalacaq".

Nazirin açıqlamasından o da məlum olub ki, rəhbərlik etdiyi nazirlikdə "qaynar xətt" yaradılıb: "Mən bir daha bütün sahibkarlara müraciət edirəm ki, qanunsuz yoxlamalarla bağlı nazirliyin "qaynar xətt"inə müraciət etsinlər".

Bu arada bəzi millət vəkilləri təklif edir ki, sahibkarlıq sahəsində qanunsuz müdaxilələrin qarşısını almaq üçün ayrıca "qaynar xətt" yaradılsın. Maraqlıdır, ekspertlər buna necə baxır?

Məsələyə münasibət bildirən ekspert Zakir Əhmədovun sözlərinə görə, ayrıca "qaynar xətt"in yaradılmasına bir neçə prizmadan yanaşmaq lazımdır: "Əvvəla Prezidentin ölkədə sahibkarlıq fəaliyyətinin genişləndirilməsi istiqamətində gördüyü işlər alqışa layiqdir. Bütün ölkə vətəndaşları bu istiqamətdə öz köməyini əsirgəməməlidir. Sahibkarlıq strukturlarına müxtəlif qanunsuz müdaxilələrin edilməsi, yersiz yoxlamaların aparılması uzun müddətdir mövcuddur. Düzdür, ölkə başçısı tərəfindən bunun qarşısını almaq üçün indiyəcən bir sıra tədbirlər görülüb. Zaman-zaman bəzi sahələrdə struktur islahatlar aparılıb, bir-birini təkrarlayan qurumlar ləğv edilib və s. Ancaq Prezidentin son çıxışından sonra daha genişmiqyaslı tədbirlərə start verildi.

Çox güman ki, yaxın vaxtlarda bunun müsbət nəticələrini görəcəyik. Qaldı ki, əlavə "qaynar xətt"in yaradılmasına, bu barədə işin gedişinə uyğun qərar verilməlidir. Yəni İqtisadiyyat və Sənaye Nazirliyindəki "qaynar xətt" özünü doğrultsa, o zaman bunun yaradılmasına ehtiyac yoxdur. Yox, özünü doğrultmasa, o zaman başqa qurumun tərkibində əlavə "qaynar xətt" yaradıla bilər. Yaxşı olardı ki, belə bir "qaynar xətt" Baş Prokurorluq nəzdində fəaliyyət göstərsin".

Vidadi ORDAHALLI

DİGƏR XƏBƏRLƏR

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...