Hacı İbrahim işçilərini "Xəzər aylənd" barədə müqavilə imzalamaq üçün Pekinə göndərib

Tarix: 22.10.2015 / 02:52
Bölmə: Gündəm

İş adamı Prezidentin qərarının 2 il rahatlıq gətirəcəyinə böyük önəm verdi

Xəbər verdiyimiz kimi, Prezident İlham Əliyev sahibkarlıq sahəsində aparılan yoxlamaların 2 illik dayandırılması ilə bağlı fərman verib. Prezident məsələ ilə bağlı qanunvericilik təşəbbüsü qaydasında Milli Məclisə sahibkarlıq sahəsində aparılan yoxlamaların dayandırılmasını nəzərdə tutan qanun layihəsi göndərib. Qanun layihəsi Milli Məclisin son plenar iclasında səsə qoyularaq qəbul edilib.

İqtisadçılar yoxlamaların dayandırılmasının sahibkarlığın inkişafına müsbət təsir edəcəyini proqnozlaşdırır.

Aznews.az əməkdaşı məsələ ilə bağlı "Avesta" konserninin prezidenti, tanınmış iş adamı hacı İbrahim Nehrəmli ilə söhbətləşib.

- İbrahim müəllim, Sizə məxsus obyektlərdə də bu cür yoxlamalar aparılırdı?

- Xeyr. Bizdə o cür yoxlamalar aparılmırdı. Bu tip yoxlamalar adətən balaca biznes sahələrində aparılırdı. Bizdə isə yoxlamalar, əsasən, vergi sahələri üzrə aparılır. Biz bu sahədə aparılan yoxlamalarda elə də incidilmirdik. Çünki qarşılıqlı şəkildə işləyirik. Vergiləri vaxtlı-vaxtında ödəyirik. Demək olar ki, bizdə illər ərzində heç bir yoxlama olmayıb.

- Bir iş adamı olaraq bu qanunun qəbul olunmasını necə qiymətləndirsiniz?

- Son zamanlar yoxlamaların sayının artması, şikayətçilərin çoxalması, görünür, Prezident İlham Əliyevi qəzəbləndirib. Çünki Prezident ölkədə insanların qurumların və məmurların işindən şikayətçi olmasını istəmir. Prezident iş adamlarının incidilməsini istəmir. Ona görə də bu, yerində verilmiş qərardır. Yoxlamaların 2 illik dayandırılması və lisenziyaların verilməsinin asanlaşdırılması rüşvətxorluğun aradan qaldırılması üçün çox mühüm qərardır. Bu hamımız tərəfindən alqışlanır. Düşünürəm ki, biznes mühitinin yaxşılaşması üçün çox önəmli bir qərardır. Yaxşı olardı ki, vergilərin də yoxlamaları 2 illik dayandırılardı.

- Qəbul edilən qanun, Sizcə, gələcəkdə sahibkarlığa necə təsir edəcək?

- İstənilən qanun qəbul edilirsə, bu, sahibkarlığın inkişafı üçün edilir. Əlbəttə ki, belə bir qanunun qəbul olunması sahibkarlıq sahəsinə müsbət təsir edəcək.

- Yoxlamaların aparılması sahibkarların işinə nə kimi mənfi təsir göstərirdi?

- İstənilən bir yoxlama sahibkarın iş fəaliyyətini zəiflədir. Məhkəmələri misal olaraq qeyd edə bilərəm. Çünki vergilər tərəfindən bəzən qanunsuz yoxlamalarla bağlı iddialar qaldırılır. Məhkəmələrə düşürük. Süründürməçiliklə həmin məhkəmələr illərlə uzanır. Bu müddətdə bizim həm vaxtımız gedir, həm də əsəblərimiz korlanır. Bu da işimizə pis təsir göstərir. İstənilən neqativ hallar işimizə mənfi göstərir.

- Yoxlamalar 2 il müddətinə dayandırılır. Bu müddət ərzində sahibkarlıqda nələr dəyişəcək?

- İlk növbədə, insanlar incidilməyəcək, özlərini güvənli hesab edəcək və 2 il rahat nəfəs alacaqlar. Daha sonra bu 2 il ərzində bütün nöqsanlarını aradan qaldırıb özlərini növbəti yoxlamalara hazırlayacaqlar. Hər halda, iş mühiti yaxşılaşacaq. İnsanlar güvənli şəkildə işləyəcəklər. Amma yoxlamanın olmamağı o demək deyil ki, bütün məsuliyyətdən yaxa qurtarırıq. Əksinə, biz bundan ibrət dərsi götürüb bilməliyik ki, 2 il yoxlama yoxdursa, biz daha yaxşı işləməliyik. Elə etməliyik ki, işlərimiz daha düzənə düşsün. Çünki 2 ildən sonra olan yoxlamalara hazır olmalıyıq, verilən vaxtdan düzgün istifadə etməliyik.

- Hansı yeni lahiyələr üzərində işləyirsiniz?

- Hazırda yalnız bir "Xəzər adaları" layihəsi üzərində iş gedir. Biz bu layihə ilə bağlı Çinin iş adamları ilə müqavilə bağlamışıq. Hazırda bütün işçilərim bu işə görə Pekindədir. Danışıqlar davam edir. Bu ayın sonuna kimi bir nəticə olacaq.

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...