Britaniyanın müdafiə naziri Con Heylini daşıyan Kral Hərbi Hava Qüvvələrinə məxsus təyyarə Rusiya sərhədi yaxınlığında uçarkən elektron müharibə sistemləri tərəfindən hücuma məruz qalıb.
The Times-ın xəbərinə görə, Siyasi və hərbi müşavirlər, general-leytenant, iki fotoqraf və qəzetin müxbiri ilə birlikdə nazir cənub-şərqi Estoniyada yerləşən Britaniya qoşunlarını ziyarət etdikdən sonra evə qayıdarkən göyərtədəki GPS sistemi bütün üç saatlıq uçuş boyunca işləməyib.
Peyk bağlantısı kəsildikdən sonra noutbuk və smartfonlar da internetə qoşula bilməyib və pilotlar yerlərini müəyyən etmək üçün ehtiyat naviqasiya sistemindən istifadə etməyə məcbur olublar. Müdaxilə həmçinin kokpit cihazlar panelinin bəzi komponentlərində nasazlıqlara səbəb olub. Buna baxmayaraq, uçuş normal davam edib.
Müdaxilənin yalnız uçuşun əvvəlində, təyyarə Rusiya ərazisinə yaxın olduqda baş verdiyi güman edilir. Lakin peyk siqnalını bərpa etmək üçün təyyarənin sistemlərini söndürmək və yenidən başlatmaq lazım gəlib ki, bu da uçuş şəraitində mümkün deyildi.
Böyük Britaniya Müdafiə Nazirliyindəki mənbə "The Times" qəzetinə hadisəni Rusiyanın mülki təyyarələrə təsir edə biləcək "ehtiyatsız" müdaxiləsi kimi təsvir edib, lakin qeyd edib ki, Kral Hərbi Hava Qüvvələri "bu cür vəziyyətlərə cavab verməyə yaxşı hazırlaşıb".
"The Times" onu da qeyd edir ki, Böyük Britaniya Müdafiə Nazirinin qəsdən hədəf olub-olmadığı məlum deyil, lakin onun uçuş marşrutu uçuş izləmə veb saytlarında mövcud idi.
SAMİRƏ
