Qırğızıstan prezidenti BMT-nın Baş Məclisinin 71-ci sessiyasında iştrak etməyəcək. Baki-xeber.com xəbər verir ki, Nyu-Yorka yollanan Almazbek Atambayev İstanbulun Atatürk Hava limanında təyyarəyə minərkən özünü pis hiss edib.
Həkimlərin ilkin rəyinə görə, Atambayev təcili şəkildə həkim nəzarətindən keçməlidir.
Qırğızıstan Prezidentinin saytında yer alan məlumata görə, Almazbek Atambayev tibbi müayinədən keçiriləcək və bir müddət həkimlərin nəzarəti altında olacaq.
Nyu-York səfəri ləğv edilən Atambayevin yerinə BMT-nın Baş Məclisinin 71-ci sessiyasında iştirak edəcək Qırğızıstan nümayəndə heyətinə xarici işlər naziri Erlan Abdıldayev rəhbərlik edəcək.
Məlumata görə, Atambayev bir müddət Türkiyədə həkim nəzarətində qalacaq.
