KTMT sədrliyinə gətiriləcəyi barədə söz-söhbətin başlaması “təsadüfən” Ermənistan Müdafiə naziri Seyran Ohanyanın xanımı Ruzanla çəhrayı geyimdə fotosessiyasının yayılması ilə eyni vaxta düşüb.
Ümumiyyətlə isə, yeni Konstitusiyaya görə adının Ermənistan prezidentliyinə mümkün naməzədlər sırasında çəkilməsindən sonra Ruzan Ohanyanın ailəvi şəkildə eyni rəngdə geyinərək fotosessiyalar etməsi bu ölkədə sosial şəbəkənin gülüş obyektinə çevrilib. Gəzən söz-söhbətə görə, arvadı Müdafiə nazirini bu fotosessiyalara məcbur edir. Bildirilir ki, bunu onun şəkillərdəki narazı simasından sezməmək mümkün deyil. Müdafiə nazirinin qadın qarşısında bu zəifliyi isə ölkəsində birmənalı qarşılanmır. Ruzan Ohanyanın bu amiranəliyini az qala Ermənistana təxribat kimi dəyərləndirən yerli KİV hətta baş verənləri Ohanyanın Rusiya qarşısında zəifliyilə müqayisə edir. Bildirilir ki, Seyran Ohanyan, Rusiyaya olduğu kimi, (!) arvadına da etiraz edə bilmir və hər ikisinin “boyunduruğunda” qalmaqda davam edir. Bunu isə erməni KİV-i ciddi hal sayır və bildirir ki, “hər əmrə tabe olan” Müdafiə naziri, əslində, içi özü qarışıq, heç bir şeyi müdafiə etmək imkanında deyil. Şəkil çəkdirməyə zorlandığının, hətta “yardım istəyən” ifadənin onun üzündən aydın oxunduğunu yazan mətbuat həmin ifadənin Rusiya ilə birgə Raketdən Müdafiə Sistemlərinin Ermənistanın müdafiəsini gücləndirəcəyini bəyan edərkən də “üzündə yazıldığını” bildirən nəşr nazirin onların hər ikisinə (Rusiya və Ruzan) eyni dərəcədə boyun əydiyini yazır.
Sonda isə nəşr sarkastik notlarla Seyran Ohanyanın çox sevdiyi bir ifadəni - “mən əsgərəm və əmrə tabeyəm”- ifadəsini çox tez-tez işlətdiyinə diqqət çəkərək, onun üçün bu “əmrin” kimdən gəldiyinin elə bir fərqi olmadığını xüsusi qeyd edir.
Bir ölkənin yüksək çinli vəzifəlisinin buyruq qulu olması həqiqətən faciədir, lakin bu yüksək çinli zat ölkənin Müdafiə naziridirsə, faciə sözü burada çox sönük görsənir. Sizcə də belə deyilmi?..
Samirə SƏFƏROVA
