Bazar günü günü, 22 noyabr 2026
     

Ac-yalavac suriyalı, iraqlı uşaqlar, onların valideynlərinin böyük günahı və sabitlik imtahanına çəkilən biz azərbaycanlılar...

Image


Qlobal dünya proseslərinə bağlılıq kontekstində Azərbaycanın nə qədər kiçik, ancaq eyni coğrafi-siyasi koordinatlar çərçivəsində yerləşən digər ölkələrlə müqayisədə oxşar və fərqli xüsusiyyətləri ilə həm də nə qədər böyük, təsirli və qənimət ölkə olduğunu bir daha görməkdəyik. Zahirən belə görünə bilər ki, bu fikirləri qalan ölkələrin hamısı barədə demək mümkündür. Ancaq formaca hamıya şamil edilə bilən elə mahiyyətli cəhətlər var ki, onlar yalnız Azərbaycanındır, Azərbaycana məxsusdur.
Əslində hər bir azərbaycanlı üçün vətəndaş təəssübkeşliyinin mənbəyi sayılan bu cəhətlərin detallı mənzərəsinə daha sıx baxmağa indi həmişəkindən çox ehtiyac var. Elə bir vaxtda ki, qloballaşan dünya proseslərinin ayrılmaz hissəsi kimi mövqeyini möhkəmləndirməyə məcbur və meylli olan ölkəmiz həm də içimizdə kimlərəsə xoş gəlməyən, kimlərinsə mübahisəli qarşıladığı, kimlərinsə anlayışla dəstəklədiyi addımlara getmək zorundadır. Elə bir vaxtda ki, Azərbaycanı zərrəbin altında ələk-vələk edərək hər şeyi siyasiləşdirməyə və onu formaca hakimiyyətə, əslində isə bütün Azərbaycan dövlətçiliyinə, onun firavanlığına, stabilliyinə, gələcək nəsillərinə qarşı yönəltmək yanğısı ilə alışıb-yanan təşnə dünya qüvvələri fəallaşmağa çalışır, ölkənin içində özlərinə siyasi müttəfiqlər axtarır, hərəni aldadıcı mahiyyətə və zahiri parıltıya malik bir siyasi vədlə özünə cəlb etmək istəyir, beləliklə əslində bu gün bütün Azərbaycan xalqına və onun gələcək nəsillərinə çox gərəkli olan, son 21 ildə böyük əziyyətlər bahasına əldə olunmuş bir sıra qənimət dəyərləri hədəfə aldıqlarını pərdə altında görünməz etmək istəyirlər.
Baxın, bu gün saysız dünya ölkələri arasında tək Azərbaycana aid hesab etdiyimiz qənimətlər deyəndə sözü ilə dünyanı fəth etmiş dühaları yox, öz qədimliyi ilə tariximizi qürur mənbəyinə çevirmiş incəsənət-memarlıq abidələrini yox, böyük sərkərdələrimizi yox, ləzzətli meyvələrlə bərabər əsl "İnsan-Şəxsiyyət" yetişdirə bilən münbit torpaqlarımızı yox, bunların hamısını qoruyub-saxlamaqda yeganə etibarlı güc olan müasir Azərbaycan dövlətçiliyini, onun daxili stabilliyini, milli-dini tolerant mühitini nəzərdə tuturam.

Ətrafa baxaq və saydığım elementlərin üstündə Azərbaycanı hər hansı başqa ölkə və ölkələrlə müqayisə edək. Rusiya, Ermənistan, Gürcüstan, Ukrayna, Suriya, İraq, lap elə bir zamanların "cənnət Avropasının" bu gün az qala cəhənnəmə döndərilməkdə olan ölkələri - Almaniya, İtaliya, Fransa, Yunanıstan və sair. İçərilərində bizim kimi neft ölkələri ilə bərabər qeyri-neft ölkələrinin də olduğu bu siyahı müqayisəli təhlillərin obyektinə çevriləndə Azərbaycanın çox fərqli, həm də müsbət mənada fərqli obraza malik olduğunu görməmək olmur. Bir əli ilə Qərbdən yapışmağa çalışdıqca o biri əlini Rusiyadan qopara bilməyən Gürcüstan kimi qeyri-müəyyən perspektiv durumda deyil Azərbaycan. Apardığı siyasət ucbatından dünyanın 90 faizi ilə mənasız qarşıdurmanın birbaşa acı nəticələrini yaşamaq zorunda qalmış Rusiya da deyil Azərbaycan. Açıq təcavüzkar siyasəti ilə bütün dünyanın mütərəqqi qüvvələrinin gözündə ifşa və təcrid edilmiş Ermənistanla tolerant və çox sivil görüntülü Azərbaycanı heç müqayisə etməyə dəyməz. Bəli, Azərbaycan da onlar kimi son ayların ən populyar "devalvasiya" adlanan prosesinə getdi, zorən getdi, heç də indiyə qədər ölkənin içində aparılan kursun nəticəsi kimi yox, məhz bağlandığımız dünyanın bizə diqtə etdiyi qaçılmazlıq kimi getdi. "Getməli idik, ya getməli deyildik" sualının ən asan cavabını bu gün yalnız dediyi sözə, etdiyi hərəkətə görə heç bir məsuliyyət daşımayacağına əmin olan həvəskar və siyasiləşmiş populist dairələr verə bilir. Deyirlər ki, Azərbaycan buna getməli deyildi. Bəziləri, guya onlardan savadlı və elmi mövqe tutduqlarını hamıya göstərmək üçün məsələyə bir qədər fərqli yanaşır. Məsələn, xüsusilə müxalif siyasi dairələrdə bu fikrə daha çox vurğunluq var ki, illər öncə nefti əvəzləyərək ölkəyə nəhəng valyuta gətirən başqa malların istehsalı qurulsaydı, bu gün devalvasiyaya getməzdik və ya gedərdiksə, onun nəticələri çox da neqativ olmazdı. İnsan üçün söz deməkdən asan nə var ki?!
Bir anlığa hesab edək ki, həqiqətən də həmin deyilən məhsulların istehsalı olsaydı, ölkə kütləvi valyuta axınından məhrum olmazdı. Ancaq real baxış indi yavaş-yavaş çoxlarının qəbul etməyə başladığı bəzi məqamları ortaya çıxarır. Əgər bu gün dünyanın bəlli ölkələrinə böyük valyutalar gətirən hərbi, ərzaq, məişət texnikası və maşınqayırma məhsulları brendləşərək inhisara alınıbsa, Azərbaycan yeni nə yarada bilərdi? Kimsə düşünürsə ki, "Samsung"dan, LG, "Beko"dan üstün keyfiyyətli soyuducu, "Mercedes"dən "Porşe"dən cazibədar avtomibil, F-16-dan, SU-29-dan üstün qırıcılar və sair istehsal edib ABŞ, Almaniya, Rusiya, Cənubi Koreya, Türkiyə və digərlərini dünya bazarında sıxışdıra bilərdik, böyük səhvə yol verir. Belə məhsulları dünya bazarlarına çıxarmağa bizə heç imkan verərlərmi? Yalnız o məhsulları dünya bazarına çıxarmağa imkan və razılıq verərlər ki, tək Azərbaycanda və bəzi başqa ölkələrdə var, onların özlərində yoxdur. Bəlkə də yeganə olan bu məhsulun adı neftdi, necə ki, onu heç bir maneə yaratmadan dünyanın "süfrəsinə" cıxarmağa bizə imkan verdilər. Ölkəyə valyuta axınının əsasən neftin üstündə qurulması siyasətinə irad tutanlara bu bir tutarlı cavab arqumentidir. Azərbaycanı illər boyu bahalı neft ixracına qurşanaraq valyuta gətirən başqa istehsal sahələri yaratmamaqda suçlayan təftişçilər üçün daha bir cavab, daha doğrusu sual - "Bəs nefti-qazı olmayan Ermənistan, Ukrayna, Belarus, Baltik ölkələri, cənnət Avropanın "göbəyindəki" Yunanıstan niyə həmin sahələri yaratmadı və bugünkü böhran şəraitində sel kimi axan qeyri-neft valyutalarının istisində rahatca xumarlanmaq şansını buraxdılar?" Şansı buraxmaq yoxdu, onların sadəcə belə şansı yox idi, heç Azərbaycanın da yox idi, ancaq onlardan fərqli olaraq, nə yaxşı ki, Azərbaycan heç olmasa neft ixraçı üstündə sanballı valyuta ehtiyatları, az-çox istehsal sahələrini qura bildi. Bunun nə qədər fərqli nüanslar olduğunu görmək üçün hazırkı insan yaşayışı göstəriciləri kontekstində açlıq və səfalət üzündən insanların ölkəni kütləvi tərk etdiyi, hətta düşmən saydıqları Azərbaycana pənah gətirdikləri Ermənistanla müqayisə olunmaq kifayətdir. Aclıq, yoxsulluq, səfalət bəlası son beş-on ildir ki, Ermənistanı, Suriyanı, İraqı, Liviyanı, Misiri, Ukraynanı bürüdüyü halda, Azərbaycanda insanlar üçün yaşayış çətinlikləri hələ təzə-təzə özünü göstərməyə başlayır.
Həm də bir yandan həmin çətinliklərin dərinləşdirilməsi cəhdlərinə qarşı sistemli tədbirlər, bir yandan isə ölkədə hökm sürən və artıq çoxdan xalqın nəzərində ali dəyərlərdən birinə çevrilmiş daxili sabitlik Azərbaycanı Ermənistan kimi sakit aclığa-səfalətə, Suriya, Ukrayna, Liviya, İraq kimi vətəndaş müharibəsi səfalətinə girməkdən sığorta edən ən möhkəm təminatlardır. Bu güclü təminatın qarşısında bəzi rayonların sakinlərini azacıq qiymət qalxınmaları üstündə hərəkətə və xaosa çəkmək cəhdlərinin çox zəif olduğunu sübut etməyə, fikrimizcə, çox da ehtiyac yoxdur.
Çünki çörəyin, unun süni bahalaşdırılmasına qarşı haqlı şəkildə icra hakimiyyətləri qarşısında kütləvi şikayətlərə və kütləvi etirazlara toplaşan insanların sonadək bu motivlərlə gedəcəyini düşünənlər yanılır. Əvvəla, dövlət özü də süni qiymətlərdən qeyzlənmiş insanların yanlış və ya cinayət yolunda olduğunu demir, etirazçı insanlara haqq verir, süni qiymət artımına gedən, vicdanı ilə yox, tamahı ilə danışan məmurları cəzalandırmağa çalışır. Digər tərəfdən bu etirazçı insanlar çox yaxşı anlayır və ya ən son anda anlayacaq ki, bu gün suriyalı, iraqlı, ukraynalı kasıbın da, milyonçunun da həsəd apardığı, günorta şam işığı ilə axtardığı itirilmiş daxili stabillik beş-üç qəpik müvəqqəti bahalaşdırılmış ərzaqlara qurban verilə bilməz. Gec-tez hamı anlayacaq ki, bircə "buxanka" çörək naminə iki körpə balasını qucağına alaraq özünü Aralıq dənizinə vuran suriyalı ananın, vaxtilə baha da olsa, çörəyi də, sakit həyat tərzi də var idi. Bu gün hər ikisini itirib. Kim şübhə edir ki, indi Egeyin soyuq sularında batan, başına od ələnən, Avropada kafe-restoranların qarşısında sülənən küçə itlərinin ağzındakı çörək parçasını qapmaq istəyən suriyalı, iraqlı, ukraynalı həmin anda belə düşünmür: "Kaş qorxusuz yaşadığım o kasıb daxmam olaydı, bir az bahalı çörək yesəydim də olardı". Bu "kaş" sözünün arxasınca o insanların əvəzində bilirsinizmi nə qədər ürək parçalayan mətləblər düşünmək olur... Kaş, kaş, kaş...
Bu gün İstanbulun, Berlinin küçələrində saatlarca bir böyrü üstə büzüşərək yatan ac-yalavac suriyalı, iraqlı uşaqların bir vaxtlar özləri də xoşbəxt idi, xoşbəxt ata-anaları, nənə-babaları var idi, çörəkləri, qorxusuz yaşayışları var idi. İndi heç biri qalmayıb. Ola bilərmi Azərbaycanda insanlar anlamasın ki, bu gün hətta iqtisadi çətinliklərlə olsa belə, kölgəsinə rahat və qorxusuz sığındığımız sabitlik Azərbaycanın özü qədər dəyərlidir?! Bir vaxtlar uşaqdan böyüyə hər bir suriyalının öyündüyü əfsanəvi qədim
Palmira şəhərinin qalıqları indi hardadır, suriyalılar belə qürur hissi ilə yaşamaq şansını niyə itirdilər? Ölkələrində stabillik olanda Palmira da var idi, suriyalıların onunla duyduqları qürur hissi də var idi, macəralı Artek pioner düşərgəsi var idi, hər bir ukraynalı uşağın bu macəradan xoş pay almaq şansı var idi. Bəs onlar necə oldu? Ölkələrinin itirilmiş stabilliyi ilə onlar da yox olub getdi. Bu gün İstanbulun, Berlinin küçələrində ac-yalavac dolaşan və indi-indi Avropada yenidən baş qaldıran faşist davranışların hədəfinə çevrilən həmin uşaqların özləri günahsızdır. Onların tək günahları budur ki, vaxtilə öz ölkələrində daxili sabitliyə göz bəbəyi kimi baxaraq onu qoruya bilməmiş uzaqgörməz valideynlərin balalarıdır. Qayıdaq Azərbaycana. Bizdə də belə valideynlərin ola bilib-bilməyəcəyi indi hər kəsin düşünməli olduğu məqamdır. İndi ya Palmiranı, Arteki, çox şeyləri itirmiş suriyalıların, ukraynalıların gününə düşməmək üçün daxili sabitliyi ali dəyər kimi qorumalı, birliyin, stabilliyin qarantı olan Prezidentin yanında durmalı, ya da sabitlik şansını buraxmış günahkar suriyalı valideynlərin Avropanın küçələrinə səpələnmiş körpə uşaqlarının acı taleyini özümüzünkülər üçün qaçınılmalı bir perspektiv kimi qəbul etməliyik. Üçüncü yol yoxdur. Yalnız sabitlik şəraitində əhalini çörəklə imtahan etmək istəyən möhtəkirlərin, xaos bayquşlarının yolunu kəsə, Azərbaycanın daha pis mənzərələrə sürüklənməsinin qarşısını ala, zəngin tariximiz və gözəl təbiətimizlə bir vətəndaş kimi qürur hissimizi yaşada, torpaqlarımızın işğalaltı taleyinə son qoya bilərik. Bu gün Azərbaycanı müsbət mənada bütün region ölkələrindən, hətta tərifli Amerikadan, Fransadan, Almaniyadan fərqləndirən xüsusiyyətlərə, sözün həqiqi mənasında, etnik-dini tolerantlığı da əlavə etsək, mənzərə tam aydınlaşır. Biz bütün bunları yalnız ictimai-siyasi sabitlik şəraitində əldə etdiyimiz kimi, pozulmuş sabitliklə də onlardan məhrum ola bilərik. Son hökumət müşavirəsində Prezidentin sərtliklə hədəf seçdiyi inhisarçılıq, qeyri-şəffaf idxal-ixrac əməliyyatları, qiymətləri süni şişirtmə halları, dövlət vəsaitlərinin mənimsənilməsi, məmur özbaşınalığları, israfçılıqlar və sairlər artıq ali dəyərə çevrilmiş daxili sabitliklə bağlı məsələlərdir. Prezident son müşavirədəki çıxışı ilə pozulmaz sabitliyin, deməli, xalqa gərəkli olan ən qiymətli dəyərin yanında, keşiyində sonadək durmaq istədiyini göstərdi. İndi hər kəs də buna uyğun öz mövqeyini müəyyənləşdirməlidir. Müəyyənləşdirməlidir ki, sonradan hər şeyini - çörəyini, təhlükəsizliyini, şəxsi-milli qürur hissini itirərək dünya boyu səpələnmiş suriyalı, iraqlı, ukraynalı qaçqınlar kimi acı "kaş, kaş..." sözlərini gecikmiş şəkildə təkrarlamasın... Ayıq olun, fitnə-fəsadlara uymayın!



VİDEO

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Biri ermənini öpür, biri sovet bayrağı qaldırır... Günümüzə baxın! - VİDEO

Lavrov işdən kənarlaşdırılır, yoxsa oyun qurulur? - VİDEO

“Günəş fəallığı” Xəzər suyuna təsir edən sonuncu amıldir - Rusiyadan gələn izaha cavab...

Putin “nüvə çantası”nı özü ilə Çinə niyə aparmışdı...

Ermənilər Qarabağda Amaras udin-alban abidəsinə kor iddialardan əl çəkmirlər...

SON XƏBƏRLƏR

22.11.2026 / 14:43
WSJ: Tramp Epşteyn əlaqələri səbəbindən katib Lutniki işdən çıxarmağı düşünüb

22.11.2026 / 14:37
NATO Şurası 23 noyabrda Polşaya düşən raketlərlə bağlı hadisəni müzakirə edəcək

22.11.2026 / 14:28
"El Pais": Kallas Rusiya ilə danışıqlar aparmaq üçün real namizəd deyildi

22.11.2026 / 14:04
Qəribabadi: “ABŞ ilə diplomatiya pəncərəsi açıqdır”

22.11.2026 / 14:01
Rzayi: “ ABŞ artıq qalib deyil, məğlub dövlətə çevrilib”

22.11.2026 / 13:23
SEPAH: "ABŞ-a məxsus "MQ-1" tipli PUA Hörmüz boğazında vurulub"

22.11.2026 / 12:14
Cənubi Koreyanın təhsil naziri bu səbəbdən istefa verib

22.11.2026 / 11:39
Tramp artıq İranda rejim dəyişikliyinin baş verdiyini deyir - “Üçüncü eşelon” kim(lər)dir?

22.11.2026 / 10:42
Vidadi Qafarovun “Teatr sənət deyil” kitabı: düşüncənin konseptual axtarışları

21.11.2026 / 22:23
Rusiya raketləri Polşada gərginliyi artırdı – NATO hərəkətə keçəcəyini açıqladı...

21.11.2026 / 22:05
Prezident İlham Əliyevin Vyetnama səfəri başa çatıb

21.11.2026 / 21:24
Trampdan İranla bağlı ŞOK PLAN – gələcək Ağ Ev rəhbərlərinin də əl-qolu bağlanacaq...

21.11.2026 / 20:19
Ukrayna ilə bağlı bənd Tramp-Si-Putin bəyanatından son anda çıxarıldı... Finlandiya prezidentindən sensasion iddia...

21.11.2026 / 19:50
Zelenski Krım körpüsünü hədəf göstərdi – “Rusiya müharibənin nə olduğunu hiss etməlidir”

21.11.2026 / 19:23
İran ABŞ F-16-sını vurduğunu iddia edir – Pentaqondan açıqlama gəldi...

21.11.2026 / 19:07
Məleykə Abbaszadənin Nərmin Heydərlini işdən çıxarması ilə bağlı xəbərlərə RƏSMİ REAKSİYA...

21.11.2026 / 18:28
Leyla Əliyeva Hanoy Tiсarət və Turizm Kollecində Bakı guşəsi və Azərbaycan kulinariya zonasının açılışında iştirak edib - FOTO

21.11.2026 / 17:42
Elektron hökumıət inkişafı üzrə Azərbaycanın nəticələrini hər ölkə göstərə bilməz...

21.11.2026 / 17:12
Rusiyada miqrantlara sərt nəzarət başlayır – dekabrın 1-dən hər addımları izlənəcək...

21.11.2026 / 16:27
Britaniyanın Aİ-yə qayıtması gündəmə gəldi – Londondan gözlənilməz açıqlama...

21.11.2026 / 15:35
TRIPP layihəsinə rəsmən start verilir... Paşinyan anons etdi - Ermənistan Azərbaycan və Türkiyənin enerji şəbəkəsinə qoşulur...

21.11.2026 / 15:34
Mehriban Əliyeva və Vyetnamın birinci xanımı Hanoyda İrs Evində olublar - FOTO

21.11.2026 / 15:05
Prezident: "Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq"

21.11.2026 / 15:02
"Vyetnam bizim üçün dost ölkə və strateji tərəfdaşdır" - Prezident İlham Əliyev

21.11.2026 / 14:59
"Tamamilə əminəm ki, Azərbaycan bundan da böyük inkişafa nail olacaq" - Vyetnam Prezidenti

21.11.2026 / 14:56
"Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur" - To Lam

21.11.2026 / 14:53
Hanoyda Prezident İlham Əliyevin və Birinci xanım Mehriban Əliyevanın şərəfinə rəsmi nahar verilib - FOTO

21.11.2026 / 14:06
Almaniyadan İrəvana mesaj - sülh müqaviləsi üçün Konstitusiya dəyişdirilməlidir

21.11.2026 / 13:43
Trampın İranla müharibə planına maliyyə əngəli – Demokratlar Konqresə ultimatum verdi...

21.11.2026 / 13:25
Saxlanılan şəxsin üzərindən 5 kq-dan çox narkotik çıxdı

21.11.2026 / 13:14
İran təhdidi ABŞ nazirini hərbi bazaya sığınmağa məcbur etdi – Bessentdən Tehrana sərt mesaj...

21.11.2026 / 12:58
DİN narkotikə görə həbs olunan vəkil Orxan Kəngərli və digərləri ilə bağlı görüntülər yaydı - VİDEO

21.11.2026 / 12:31
Beynəlxalq Qalereyada İsrail Səfiri ilə mədəniyyət sahəsində əməkdaşliq müzakirə olunub

21.11.2026 / 12:10
Avtomobil almaq üçün götürdüyü krediti tanışı oğurladı....

21.11.2026 / 11:47
"Biz Azərbaycanı regionda daimi olaraq mühüm strateji tərəfdaş kimi qəbul etmişik" - Vyetnam Prezidenti

21.11.2026 / 11:43
Prezident İlham Əliyev: "Azərbaycan-Vyetnam münasibətləri strateji əhəmiyyət daşıyır"

21.11.2026 / 11:28
Prezident İlham Əliyevin Vyetnam Prezidenti ilə geniş tərkibdə görüşü olub - FOTO

21.11.2026 / 10:14
Müdafiə Nazirliyində NATO nümayəndə heyəti ilə görüş olub

21.11.2026 / 09:36
Rusiya Türkiyənin S-400 sistemlərini üçüncü ölkəyə satması məsələsini müzakirə edir...

21.11.2026 / 09:11
Avtoxuliqanlıq edən daha bir sürücü həbs edildi

21.11.2026 / 08:51
Prezidentlər İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub - FOTO

21.11.2026 / 08:44
Prezident İlham Əliyev gürcüstanlı həmkarına başsağlığı verib

21.11.2026 / 08:41
Prezident İlham Əliyevin Hanoyda rəsmi qarşılanma mərasimi olub

20.11.2026 / 23:10
Minlərlə ailənin torpaq probleminin həlli istiqamətində mühüm addım - çıxarış almaq mümkün olacaq...

20.11.2026 / 22:37
İraqda məzhəb savaşı başlanır, işin içində yenə İran var

20.11.2026 / 22:15
Tramp Konqresdə nəzarəti itirməzdən əvvəl hərəkətə keçdi - Ukraynada sülh üçün son tarix açıqlandı...

20.11.2026 / 21:58
BMT-ni bərbad günə qoyanlar onun “köklü islahatına” qərar verdilər...

20.11.2026 / 21:43
Danimarka Rusiya hərbi attaşesini ölkədən qovur, ruslar üçün vizaları da dayandırır – vaxt verildi...

20.11.2026 / 21:35
Britaniya ordusu dron dövrünə hazırlaşır?

20.11.2026 / 21:24
Moskvadan Tallinn və Buxarestə etiraz - hər iki ölkənin diplomatları Rusiya XİN-ə çağırıldı

20.11.2026 / 21:16
Paşinyan “Qərbi Ermənistandan” imtina etdi ki, Bakı da Qərbi Azərbaycandan imtina etsin - Hay ki, hay...

20.11.2026 / 20:58
Qərbi Zəngəzurun tarixi irsinin UNESCO-da mənimsənilməsinə start verildi...

20.11.2026 / 20:41
Tramp Çindəki hadisədən sonra təyyarədaşıyan bir gəmini İranın "qapısından" çəkib apardı...

20.11.2026 / 20:22
Rəsmi Ankara NATO-ya sərt mesaj verdi – Alyans Türkiyəni Yaxın Şərqdə tək qoydu...

20.11.2026 / 20:07
Parlament buraxılır, Konstitusiya dəyişdirilir, müxalifət ləğv edilir - Paşinyan mürəkkəb ssenariyə baş vurdu...

20.11.2026 / 19:49
Azərbaycanda kitabxanalar 26 faiz azalıb, bəzi kəndlərdə onlar fəaliyyətini tamamilə dayandırıb

20.11.2026 / 19:44
Dədə Qorqud epoxasının memarlıq irsi:Nəzəri fikirlər, tarixi baxışlar və məkan semantikası

20.11.2026 / 19:25
Macarıstan Ukrayna siyasətini tam dəyişdi - Madyar Orbanı sildi...

20.11.2026 / 19:25
Vyetnam üçün Avropaya Azərbaycanın üzərindın yol açıldı...

20.11.2026 / 19:10
İŞİD-in “Vilayəti Xorasan” qruplaşmasının iki üzvü Azərbaycana gətirilərək həbs edildi - FOTO

20.11.2026 / 18:57
Moskvadan Azərbaycan və Ermənistan liderlərinin Dublin görüşünə reaksiya...

20.11.2026 / 18:43
Maşın alan yoxdur, amma qiymətlər sürətlə artır

20.11.2026 / 18:27
Yeni Yalta sammiti alınmadı, amma Rusiya, Çin, ABŞ liderləri istəklərinə nail oldular

20.11.2026 / 18:11
Fransa və Hindistan BTQ-yə açıq savaş açdı - təşkilatın sosial media hesablarına kiberhücumlar başladı...

20.11.2026 / 17:57
Şəmkir xəstəxanasını su basdı - TƏBİB-dən açıqlama...

20.11.2026 / 17:51
İslam yaxın onillikdə dünyanın ən böyük dininə çevriləcək

20.11.2026 / 17:40
İcra başçısının birinci müavini ilə bağlı 2 milyonluq qalmaqal - iş prokurorluğa çıxdı...

20.11.2026 / 17:32
Almaniya və Ukrayna arasında fikir ayrılığı - Avropalı liderlər Moskvaya gedəcəkmi...

20.11.2026 / 17:26
Dünyanın "3 iddialı ağası" Qəzzada on minlərlə müsəlmanın faciəsinə susdu...

20.11.2026 / 17:12
Mehriban Əliyevanın sosial media hesablarında Vyetnamın vitse-prezidenti ilə görüşünə dair paylaşım edilib

20.11.2026 / 17:05
Trampdan Ukrayna ilə bağlı mühüm açıqlama - Vaşinqton Kiyevsiz qərar verməyəcək...

20.11.2026 / 16:32
Kolleclərə qəbul qaydaları dəyişir - qiyabi təhsil ləğv edilir...

20.11.2026 / 16:25
Prezident İlham Əliyevin sosial media hesablarında Vyetnama rəsmi səfəri ilə bağlı videoçarx paylaşılıb

20.11.2026 / 16:09
Ermənilər pasportlarda doğulduğu yer kimi "Azərbaycan " yazdırırlar...

20.11.2026 / 16:02
Prezident İlham Əliyevin səfəri Vyetnam mediasının diqqət mərkəzində... - FOTO

20.11.2026 / 15:44
Çin lideri Putini niyə bu qədər soyuq qarşıladı...

20.11.2026 / 15:29
Mehriban Əliyeva Vyetnamın vitse-prezidenti ilə görüşüb - FOTO

20.11.2026 / 15:23
Azərbaycanda boşanmaların sayı artır - hər 100 nikahın 48-i dağılır...

20.11.2026 / 15:20
Bakı–Balakən–Bakı marşrutu üzrə qatarların hərəkəti bərpa olunur

20.11.2026 / 15:09
Rusiyanı Ukraynada yeni işğala ruhlandıran kimdir - ABŞ müdafiə nazirinin yanlışı...

20.11.2026 / 15:08
“Vətəndaşlar referendumda yeni Konstitusiyanın əleyhinə səs verərsə, istefa verməyə hazıram” - Paşinyan

İnformasiya texnologiyaları Azərbaycanın inkişafında yeni güclü mənbə kimi özünü daha çox təsdiqləyir....

XƏBƏR ARXİVİ