Abortların artımının iki əsas səbəbi göstərildi

Tarix: 04.05.2015 / 02:10
Bölmə: Sosial

Nailə Hüseynova: "Abortların çoxu qeydiyyatsız, qanunsuz şəkildə müxtəlif kabinetlərdə həyata keçirilir"

"Erkən nikah və arzuolunmayan hamiləlik abortların sayının artmasına səbəb olur"

Bu gün dünyada daha çox siyasi məsələlərdən, siyasi problemlərdən danışılır. Ancaq bəzi qeyri-siyasi və daha vacib problemlər var ki, onlar haqda az danışılır. Məsələn, götürək abort məsələsini. Belə ki, qız uşaqlarının ana bətnində məhv edilməsinə dünyanın bir çox yerlərində rast gəlmək mümkündür.
Bizim cəmiyyətimizdə isə bir çox ailələrdə nədənsə oğlan uşaqları qız uşaqlarından üstün tutulur. Belə ki, qız uşaqlarını istəməmək kimi faktorlar da abortların artmasına səbəb olur.
Açıqlanan statistik rəqəmlərə görə, ötən il ərzində ölkədə 27 mindən çox abort qeydə alınıb. Məlumatda qeyd olunur ki, 2014-cü ildə ən az abort etdirənlər 15-17 yaşlılar olub:
"15-19 yaşlılar arasında cəmi 1 161 abort baş verib ki, onlardan 88-i 15-17 yaşlılar, 1 073-ü isə 18-19 yaşlılar qrupunda qeydə alınıb. 20-24 yaşlı xanımlar arasında belə statistik rəqəmlər 5 738, 25-29 yaşlılarda 8 365, 30-34 yaşlılarda 7 756, 35 və yuxarı yaşlılarda isə 4 200 olub".
Doğuşların sayına gəlincə, bildirilir ki, cəmi 168 889 doğuş qeydə alınıb, bunlardan 30 561-i qeysəriyyə əməliyyatı ilə baş tutub.
Ginekoloq-həkim Nailə Hüseynova bizimlə söhbətində bildirdi ki, erkən nikah və arzuolunmayan hamiləlik abortların sayının artmasına səbəb olur. Onun sözlərinə görə, abort ancaq zərurət olduğu halda mümkündür: "Yəni uşaq ana bətnində ölərsə, ağır anamoniya, yaxud da talassemiyanın ağır formasına tutularsa, həmin uşağın dünyaya gətirilməsi qətiyyən düzgün deyil. Qalan situasiyalarda isə qeydiyyatı aparılmamış sağlam uşağın abort edilməsi kriminal haldır. Belə abortlar qanundankənar hadisə olduğu üçün cinayət tərkibi daşımalıdır. Bəzən ailələrdə arzuolunmaz hamiləliklər də olur. "Uşaq sağlamdır, doğumda da heç bir problem yoxdur, amma hamiləlik arzuolunmaz olduğu üçün "qələmini bəri başdan qırırlar". Nədi, valideynlər 3-4-cü uşağı istəmir. Hesab edirəm ki, maarifləndirici tədbirlər, KİV-də yayılan məlumatlar vasitəsilə belə halların qarşısını almaq lazımdır. Yəni ailələri maarifləndirmək lazımdır ki, arzuolunmaz hamiləliyin qarşısını alsınlar. Uşaq istəməyən cütlüklər qoruyucu vasitələrdən istifadə etməklə abortdan qaça bilər. Qorunma vasitələri müxtəlifdir: sterilizasiya, hormonal dərmanlar, "spiral", prezervativ, müxtəlif kremlər. Ən etibarlı vasitə sterilizasiyadır. El arasında buna "boruları bağlatdırmaq" deyilir. Bunu əsasən qadınlar üzərində edirlər. Ancaq kişilər üzərində də nadir hallarda sterilizasiya əməliyyatı aparılır".
Həmsöhbətimiz təəssüf hissi ilə vurğuladı ki, abortların çoxu qeydiyyatsız, qanunsuz şəkildə müxtəlif kabinetlərdə həyata keçirilir: "Hepatit viruslarının, HİV-in də kökü elə buradan qaynaqlanır. Çünki həmin kabinetlərdə ginekoloji prosedurlara düzgün əməl olunmur. Qanunsuz abortla məşğul olan şəxslər qanun qarşısında öz cəzasını çəkməlidir ki, digərlərinə də örnək olsun".
N.Hüseynovanın sözlərinə görə, abort yalnız uşağın həyatına son qoymur, bəzən sonsuzluğa da səbəb olur: "Əsasən ilk övladını abort etdirən qadının təkrar ana olmaq şansı itir. İkinci övladını abort etdirən anaların da yenidən ana olmaq istəyi çətin reallaşır. Abortun vurduğu ziyanlardan biri də gələcəkdə anormal, fiziki və əqli qüsuru olan uşaqların doğulmasıdır. Çünki abort zamanı uşaqlığın divarı tibbi alətlərlə o qədər zədələnir ki, bu da, öz növbəsində, növbəti hamiləlik üçün bir çox problemlər yaradır".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...