Bakıda yük maşınlarının hərəkəti nəzarətə götürülür

Tarix: 08.01.2015 / 01:30
Bölmə: Sosial

Şahin Camalov: "Ağırtonnajlı avtomobillər yolların tez sıradan çıxmasına səbəb olur"

"Avtomobil yolu üçün istismar müddəti 20-30 il nəzərdə tutulubsa, ağırçəkili maşınlar onların istismar müddətini 2-3 dəfə azaldır"

Ağırtonnajlı yük avtomobillərinin yollara vurduğu ziyan dəfələrlə gündəmə gətirilən mövzulardan biridir. Bu tipli avtomobillərin yol hərəkətinin tənzimlənməsi ilə bağlı Nazirlər Kabinetinin müvafiq qərarı olsa da, qaydaların pozulmasına görə daim inzibati tədbirlər görülsə də, mövcud problem hələ də davam edir.
Daxili İşlər Nazirliyi (DİN) Bakı Şəhər Baş Polis İdarəsinin Dövlət Yol Polisi İdarəsi bu il ərzində paytaxt yollarında hərəkət edəcək yük avtomobillərinə nəzarəti gücləndirəcək.
İdarənin İctimai qurumlarla əlaqə bölməsinin rəisi, polis polkovnik-leytenantı Vaqif Əsədov mətbuata açıqlamasında deyib ki, paytaxtda yük avtomobillərinin hərəkətinə diqqət və nəzarətin artırılması məqsədilə yanvarın 7-dən etibarən mütəmadi reydlərin keçirilməsinə başlanıb. 2015-ci ildə Bakıda yük avtomobillərinin hərəkətinə diqqət və nəzarət artırılacaq: "İdarənin əməkdaşları paytaxtda əsasən 3-cü kənar dairəvi yol, Ziya Bünyadov, Aeroport şosesi və digər yollar üzrə reydlər keçirib. 2014-cü ildə Bakı şəhəri ərazisində qeydə alınan yol-nəqliyyat hadisələrinin təhlili, eləcə də paytaxtın küçə və prospektlərində sıxlığın, tıxacların yaranmasında qabaritli, yükgötürmə qabiliyyəti 5 tondan artıq olan yük avtomobillərinin xüsusi "rolu" olduğu aşkar edilib. Ona görə də Baş Dövlət Yol Polisi İdarəsi yükdaşıma fəaliyyəti ilə məşğul olan fiziki və hüquqi şəxslərin nəzərinə çatdırır ki, özlərinə məxsus və ya istifadələrində olan yük avtomobilləri ilə saat 08:00-dan 21:00-dək Bakı şəhərinin ərazisinə daxil olmasınlar. Bu qadağa ilə bağlı müvafiq yol nişanlarının və müəyyən edilmiş vaxt rejiminin tələblərini pozan sürücülər mövcud qanunvericiliklə nəzərdə tutulmuş qaydada inzibati məsuliyyətə cəlb ediləcək". V.Əsədov qeyd edib ki, yük avtomobillərinin paytaxt yollarında hərəkəti yalnız vaxt və hərəkət marşrutunun göstərildiyi buraxılış vərəqləri ilə mümkündür: "Yük avtomobilləri ilə fəaliyyət göstərən hüquqi və fiziki şəxslərin nəzərinə çatdırılır ki, tabeliyində olan avtomobillərin sürücülərinin yol polisi tərəfindən məsuliyyətə cəlb edilməməsi üçün nəzarəti gücləndirsinlər, qeyd edilən yük avtomobillərinin hərəkətinin göstərilən vaxtda və icazə verilən marşrut üzrə təmin edilməsinə diqqəti artırsınlar. Onlar yükdaşıma normativlərinin yerinə yetirilməsinə, yükün avtomobilin oxları üzrə düzgün paylanmasına və ya onun normadan artıq olmamasına, daşınan tikinti materiallarının qablaşdırılmasına xüsusi diqqət yetirməlidirlər. Çox təəssüf ki, bu tələblər tez-tez pozulduğundan, əlavə tədbirlərin görülməsi zərurəti yaranır".
Ekspertlər yük maşınlarına xüsusi nəzarətin tətbiq olunmasını müsbət qarşılayır.
"Təhlükəsiz Yol" Alyansının koordinatoru Şahin Camalovun sözlərinə görə, ağırtonnajlı avtomobillər həqiqətən də yolların tez sıradan çıxmasına səbəb olur: "Avtomobil yolları layihələndirilərkən və inşa edilərkən müəyyən buraxıla bilən yükə hesablanır. Və Azərbaycan Respublikasında Nazirlər Kabinetinin 2009-cu il 7 iyul tarixli, 104 nömrəli Qərarı var. Bu, Azərbaycanda ağırçəkili yüklərin ümumi istifadəsi, yollarda hərəkəti haqda bir qərardır. Həmin qərarda birmənalı şəkildə göstərilib ki, bir oxa düşən ən böyük yük 10 tona qədər ola bilər. Hətta oxların sayı çox olduqda, avtomobil 3-4 oxlu olduqda bu oxa düşən yük bir qədər də azalır. Maksimal yük həddi isə 38 tondur. Qərara əsasən, bundan artıq daşınmaya icazə verilmir. Amma reallıqda, məsələn, tikinti materialları, daş, sement, çınqıl və s. daşınmasına xidmət edən maşınların sürücüləri o normaları gözləmir. Avtomobilin oxuna düşən yükün çoxalması da o demək deyil ki, elə avtomobil yolu qısa bir müddətdə dağılmalıdır. Yeni inşa olunmuş avtomobil yolları bir ilin içərisində o avtomobillər hesabına dağılmamalıdır. Əgər avtomobil yolu üçün istismar müddəti 20-30 il nəzərdə tutulubsa, bu ağırçəkili avtomobillər onların istismar müddətini 2 dəfə, uzağı 3 dəfə azaldacaq. Bu da o deməkdir ki, yol ən az 10 il xidmət etməlidir. Amma reallıqda görürük ki, yollar bəzən həddən artıq tez dağılır. Burda ağırçəkili avtomobillərdən başqa yol inşaatının texnologiyasına ciddi əməl olunması müəyyən qədər sual doğuran bir məsələdir. Yəni 2 amil birlikdə - həm avtomobil yollarının inşası zamanı texnologiyada buraxıla bilən qüsurlu məqamlar, həm də bəzən qüsurlu inşa olunan yollarımızın ağır avtomobillərlə yüklənib dağılması bizə ikitərəfli ziyan vurur. Yol isə milli sərvətdir, hamımıza aiddir. Onları qorumaq lazımdır".

DİGƏR XƏBƏRLƏR

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...