01/04/2020 16:14
728 x 90

Suriya əsədlərinin ikiüzlülüyü bu dəfə saxta “erməni genosidi”nə sevgi formasında qabardı...

Ramil Hüseynov: “Əsəd rejimi qondarma “erməni soyqırımı” barədə qərar qəbul etməklə özünü gülünc duruma salır”

img

Məlum olduğu kimi, Suriya parlamenti qondarma “erməni soyqırımı”nı tanıyan qətnamə qəbul edib. Suriya parlamenti qondarma “soyqırım” ilə bağlı qətnaməni yekdilliklə qəbul edib.

Türkiyə Suriyanın qondarma "erməni soyqırımı" barədə qətnaməsini qınayıb. Türkiyə Xarici İşlər Nazirliyinin bununla bağlı yaydığı bəyanatda bildirilir ki, Suriya rejiminin qəbul etdiyi və 1915-ci il hadisələrini qondarma "soyqırım" kimi tanıyan qətnamə ibrətamiz bir nümunədir: “Bu, uzun illər öz xalqına, o cümlədən, uşaqlara qarşı qırğınlar törətmiş, milyonlarla insanı evlərini tərk etməyə məcbur buraxmış və kimyəvi silahdan istifadə etmiş rejimin riyakarlığının göstəricisidir”.

Bəyanatda, həmçinin, qeyd edilir ki, Suriya rejiminin məsuliyyət daşıdığı humanitar dram hələ də davam edir, Türkiyə və Suriya sərhədlərində tarixin ən ciddi fəlakətlərindən biri baş verir.

Görünən odur ki, Əsəd rejimi Türkiyəyə qarşı ən axırıncı vasitələrə belə əl atır. Hansı ki, Əsəd rejiminin buna haqqı yoxdur. Ona görə ki, bu rejim 1970-ci ildən bu günədək qanla idarə olunur. O vaxt ölkədə hakimiyyəti ələ keçirən Hafiz Əsəd çox keçmədi ki, ölkədə avtoritar rejim qurdu. Bütün narazı olan qüvvələri ya qətlə yetirməklə aradan götürdü, ya da həbsxanalara salmaqla neytrallaşdırdı. 1982-ci ildə ölkədə baş qaldıran narazılıqları zor gücü ilə yatıraraq Hama şəhərində 40 min nəfərin öldürülməsinə əmr verib. 2000-ci ildə prezident Hafiz Əsəd vəfat edəndən sonra yerinə oğlu Bəşər Əsəd gəlib. 2011-ci ildə ölkədə baş qaldıran narazılıqlar Suriyanın praktiki olaraq dağılmasına səbəb olub. Milyonlarla insan ölkədən didərgin düşüb. Yüz minlərlə insan vətəndaş müharibəsində öldürülüb. Ölkənin əksər şəhər və digər yaşayış məntəqələri viran qalıb. Bütün bunların səbəbkarı da məhz mövcud Əsəd rejimidir.

  • “Çünki 2011-ci ildən indiyədək Suriyada əsl soyqırım yaşanır”

Məsələyə münasibət bildirən siyasi ekspert Ramil Hüseynovun sözlərinə görə, əsl soyqırım Əsəd rejimi tərəfindən Suriya xalqına qarşı törədilib: “O baxımdan yaxşı olardı ki, bu barədə düşünsünlər. Çünki tarix qarşısında bu ləkəni heç vaxt silə bilməzlər. Suriyanın saxta genosidlə bağlı qərarı, zatən, nəyisə dəyişməyəcək. Sadəcə, bu günlərdə Türkiyənin sərt əks zərbələrinin qarşısında aciz qalan Əsəd rejimi bu varianta əl atıb. Sanki bununla Türkiyədən qisas alır. Ancaq Əsəd rejimi qondarma “erməni soyqırımı” barədə qərar qəbul etməklə, özünü gülünc duruma salır. Çünki 2011-ci ildən indiyədək Suriyada əsl soyqırım yaşanır. Ölkənin böyük hissəsi dağılıb. Bu gün Türkiyədə 3 milyondan çox Suriya qaçqını var. İdlibə 4 milyon insan sığınaraq Əsəd rejiminin zülmündən qorunmağa çalışır. Belə olan halda, Suriya parlamentinin məlum addımı Türkiyəyə yönəlik mənfur bir qərardır”.

Vidadi ORDAHALLI 

Son xəbərlər