Ermənistanın həyata keçirdiyi işğal siyasətinin regionda ciddi təhdid mənbəyi olması, düşmənin zəbt olunmuş ərazilərdə törətdiyi vəhşiliklərə dünya birlyinin hələ də lazımi reaksiya verməməsinin ciddi fəsadlar yaratması barədə rəsmi Bakı indiyə qədər beynəlxalq səviyyədə dəfələrlə məsələ qaldırıb.
Düzdür, bütün bunların nəticəsi olaraq Ermənistanın işğal siyasətini pisləyən çoxsaylı qərar və qətnamələr, müxtəlif sənədlər qəbul olunub. Amma məsələnin narahatlıq yaradan tərəflərindən biri Ermənistanın bu bəd əməllərinin durdurulması üçün beynəlxalq birlik tərəfindən lazımi addımların atılmaması, məsələn, Ermənistana qarşı sanksiyalar tətbiq olunmamasıdır. Elə bu vəziyyət hələ də işğal siyasətinin davam etməsinə, eyni zamanda Ermənistanın daha təhlükəli addımlar atmasına səbəb olur. Məsələn, zəbt olunmuş ərazilərdə ermənilərlə yanaşı digər terror təşkialtlarının da yuva salması, bu yerlərin narkoticarət üçün istfiadə edilməsi qeyd edilənlərin real təsdiqi sayıla bilər.
Məsələnin ciddi təhdid sayıla biləcək digər tərəfləri də var. Belə ki, davam edən işğal siyasəti fonunda Ermənistan, Azərbaycanla yanaşı, digər qonşu ölkələrin də ərazilərinə açıq iddiasını ortaya qoyur. Bu səpkidə Ermənistanda məqsədyönlü şəkildə faşizm ideologiyası da inkişaf etdirilir. İndi iş o yerə çatıb ki, faşizmin Ermənistanda sürətlə yüksəlişi hətta işğalçı ölkənin əsas hamisi sayılan Rusiyanı belə ciddi şəkildə narahat edir. Belə ki, Ermənistan rəhbərliyinin milyonlarla insanın ölümünə səbəb olan faşizmi dövlət siyasəti seçməsi Rusiya Müdafiə Nazirliyinə məxsus “Zvezda” telekanalı tərəfindən də kəskin tənqid olunub. Kanal diqqəti ona yönəldir ki, Ermənistanda faşizmə xidmət göstərmiş Qaregin Njdenin həyat yolu hökumət səviyyəsində təbliğ olunur. Hətta nasistlərin simvolu bu ölkənin hakim partiyasının rəmzidir.
Xatırladılır ki, faşizmin təbliğini aparan rəsmi İrəvan bunu 2016-cı ilin mayında Ermənistanda Qaregin Njdeyə heykəl qoymaqla bir daha sübut edib. Verilişin müəllifi Veronika Kraşeninnikova deyib ki, 1942-ci ildə Njde üçüncü Reyxə sovet Ermənistanını alman koloniyasına çevirmək üçün müraciət edir. Məhz o, erməni nasist legionunu yaradıb. Njde əsir erməniləri inandırıb ki, kim Almaniya üçün ölür, deməli Ermənistan üçün ölmüş olur. Qeyd olunur ki, indi Ermənistanda qoyulan abidə İkinci Dünya müharibəsində Ermənistanda faşizmə qarşı döyüşənlərin xatirəsinə təhqirdir. Müəllif Ermənistanın mövcud iqtidarını sərt tənqid edib. Bildirib ki, faşizmi dəstəkləyən hökumət hər zamankı kimi ikili oyun oynayır: “Njde Ermənistanı idarə edən hakim Respublika Partiyasının qəhrəmanı və simvoludur. Onun ideologiyası milli konservatizmə çevrilib. Partiyanın loqotipi mənə üçüncü Reyxin simvolunu xatırlatdı. Bu yaxınlarda mən hakim Respublika Partiyasının rəhbərliyi ilə görüşdüm və loqotiplə bağlı sualı onlara verdim. İnanmazsınız, hakim partiyanın rəhbərlərindən biri bunu təsdiqlədi. Deyəsən, biz Ermənistanı idarə edənlər haqqında çox şeyi bilmirik”. Burada onu da xatırlatmaq yerinə düşərdi ki, Ermənistan hakimiyyətinin ideallaşdırdığı faşist Qaregin Njde, həmçinin, hələ Qafqaz sovetləşməzdən əvvəl Dağlıq Qarabağda azərbaycanlıların yaşadığı kəndlərdə yüzlərlə soydaşımızın qətlə yetirilməsində şəxsən iştirak edib. Ermənistanda bu nasist haqqında işğalçı ölkənin kino tarixində ən böyük büdcəyə malik film də çəkilib. Bu film yeddi milyon dollara başa gəlib. İşğalçı ölkədə vətəndaşlar səfil həyat tərzi yaşadığı bir vaxtda Ermənistan hökuməti faşizm ideologiyasının təbliğinə külli miqdarda vəsait sərf edir. Azərbaycan Ermənistanda bu təhlükəli olaylar haqqında vaxtında məsələ qaldıranda dünya buna lazımi reaksiya vermədi. Məhz həmin reaksiyanın yoxluğunun nəticəsidir ki, indi Ermənistanda faşizm tüğyan edir.
“Dro” ləqəbi ilə daha çox məşhur olan erməni antisemit Drastamat Kanayanın Ermənistanda qəhrəmanlaşdırılıması da qeyd edilənlərin real təsdiqi sayıla bilər. Bu şəxs də indi erməni tarixinə aid dərsliklərdə əsl qəhrəman kimi təbliğ olunur. Xatırlatmaq yerinə düşər ki, “Dro” İkinci Dünya müharibəsi illərində minlərlə yəhudinin məhv edilməsində şəxsən iştirak edib. Amma indi o, Ermənistanda qəhrəman kimi təqdim olunur. Ekspertlərin fikrincə, bu faşist Ermənistanın indiki hakim dairələrinə özlərinin işğalçı planlarına haqq qazandırmaq və böyüməkdə olan nəsli başqa xalqlara nifrət ruhunda tərbiyə etmək üçün bir simvol kimi lazımdır. Erməni faşistlərə göstərilən bu diqqət bir daha təsdiq edir ki, müasir Ermənistanda faşistlərə pərəstiş kampaniyası təşkil edilib. Şübhə yoxdur ki, Ermənistanın bugünkü rəhbərliyi faşizmi təbliğ edirsə, yaxın tezlikdə həmin rəhbərlik Hitlerin “ideya”larını da eyni dərəcədə təbliğ etməyə başalyacaq. Özü də bütün bunların arxasında müasir Ermənistan rəhbərliyi dayanır. Ermənistanda faşizmin dirçəldilməsi isə bu gün təkcə Azərbaycan yox. bütün region, dünya üçün ciddi təhdiddir. Elə bu səbəbdən, Azərbaycanın illərdir bəyan etdiyi kimi, erməni faşizminin durduruluması üçün əməli addımlar atılmalı, düşmən Azərbaycan ərazilərinin işğalı zamanı yol verdiyi cinaytələrə, törətdiyi soyqırımlara görə cəzasını almalıdır. Yəni erməni faşizminin durdurulmasının başlıca yolu işğal siyasətinə son qoyulması, Dağlıq Qarabağ münaqişəsinin həllindən keçir. Əks təqdirdə Ermənistanda faşizm, etnik millətçilik və şovinizmin daha da çiçəklənməsi qaçılmazdır. Bundan isə əzəiyyət çəkən ölkələrin sayı kifayət qədər olacaq. Hətta bu sıraya Ermənistanı ayaqda saxlayan Rusiya da daxildir. Elə bu səbəbdəndir ki, Ermənistanda çiçəklənən faşizm sözügedən ölkədə də narazılıq doğurur. Əslində, Ermənistanda möhkəmlənməkdə olan faşizmin durdurulması üçün dünyanın Dağlıq Qarabağ münaqişəsində obyektiv mövqe tutması kifayət edər. Çünki Ermənistan bu məsələdə birmənalı şəkildə işğal siyasəti yürüdən tərəf kimi qəbul olunur. Eyni zamanda, indiki Ermənistan rəhbərliyi Dağlıq Qarabağda, işğalla yanaşı, digər çoxsaylı cinayətlərə yol verdiklərini də etiarf edir. Məsələn, götürək elə Xocalı soyqırımını. Karnegi fondunun saytında Tomas de Vaalın yerləşdirdiyi müsahibədə türk millətinin qatı düşməni, cinayətkar, törədilmiş bütün faciələrin baiskarlarından biri olan prezident Serj Sarkisyan bu etirafları edib: "Xocalıya qədər azərbaycanlılar bizimlə, sadəcə, zarafat etdiklərini düşünürdülər. Azərbaycanlılar elə bilirdilər ki, ermənilər dinc əhaliyə əl qaldıra bilməyən insanlardır. Bütün bu düşüncələri dəyişmək lazım idi. Belə də oldu". Elə bu etirafın özü Sarksiyanın cəzalandırılması üçün lazımi hüquqi prosedurların başlanmasına imkan verir.
Digər təərfdən o da faktdır ki, bu gün Ermənistan terrora dövlət səviyyəsində dəstək verən ölkədir. Faktdır ki, ərazisi işğala məruz qalan Azərbaycan bu gün də Ermənistan tərəfindən dövlət səviyyəsində aparılan terrorizm təhlükəsi ilə üz-üzədir. Amma erməni terroru təkcə Azərbaycan üçün təhdid yaratmır. Ümumiyyətlə, ötən əsrin 70-ci illərindən başlayaraq vüsət alan erməni terrorizminin yeni dalğası ASALA və onun alt-qrupları olan “Orli Group”, “Geqaron”, “Erməni ittifaqı”, “Gənc erməni ittifaqı”, “9 iyun qrupu”, “Sui-qəsd eskadronu”, “Apostol”, “İsveç qrupu” kimi terror təşkilatlarının simasında yeni vüsət aldı. Bu qrupların Yaxın Şərq, Avropa və Şimali Amerikada törədiyi qanlı terror əməlləri hələ yaddan çıxmayıb. Problemin digər tərəfi ermənilərin indi həmin terror qruplarını yneidən dirçəltməsidir. Həmin qruplar üçün əlverişli sığınacaq qismində isə yenə də Azərbaycanın işğal olunmuş əraziləri çıxış edir. O da faktdır ki, Ermənistan dünyada yeganə ölkədir ki, terrorçuluq ənənələri ilə fəxr edir: Bunun bariz nümunəsi olaraq, yuxarıda qeyd olunduğu kimi, faşist müharibə cinayətkarı general “Dro”nun və ASALA-nın üzvü, qatı terrorçu Monte Melkonyanın Ermənistanın milli qəhrəmanları elan edilməsi və onların şərəfinə İrəvanda abidələr qoyulmasını göstərəmk olar. Erməni terrorçularının əməlləri həm də “milli qəhrəmanlıq” nümunəsi kimi orta və ali məktəb dərsliyinə daxil edilib. Elə bu da düşmən ölkədə gənc nəslin hansı ruhda tərbiyə olunduğunu aydın nümayiş etdirir.
Burada digər bir problemə də xüsusi diqqət çəkmək lazım gəlir. Söhbət erməni terrorunun Azərbaycanda təkcə insanları deyil, həm də xalqımızın maddi və mənəvi irsini hədəf götürməsindən gedir. Sirr deyil ki, bu gün Dağlıq Qarabağda işğal altında qalan maddi-mədəniyyət nümunələrimiz erməniləşdirilərək mənimsənilir. Ermənilər özününküləşdirə bilmədikləri abidələrimizi isə dağıdır, izini itirməyə çalışırlar. İşğal zonalarında maddi mədəniyyət yadigarlarımızın dağıdılması prosesi indi də davam edir. Bütün bunlar ermənilərin çirkin niyyətlərinə çatmaq üçün azərbaycanlılara və xalqımızın mədəni-mənəvi irsinə qarşı terror, soyqırım yolu seçdiklərini aydın şəkildə ortaya qoyur. Həm də aydın olur ki, ermənilərin əsas metodlarından olan terrorçuluq Ermənistanın dövlət siyasətinin tərkib hissəsidir. Yuxarıda qeyd olunduğu kimi, bu terror, ermənilərin faşizm siyasəti təkcə Azərbaycan yox, region və dünya üçün ciddi təhdid mənəbəyidir. Bu təhdidin aradan qaldırılması üçün ilk növbədə işğal siyasəti yürütdüyünə görə Ermənistan sərt formada cəzalandırılmalı, Azərbaycanın ərazi bütövlüyü bərpa olunmalıdır. Azərbaycan qeyd olunan istiqamətdə dünya birlyinin zəruri addımlar atacağına ümid deir. Əks təqdirdə ölkəmiz güc variantından istifadə edərək ermənilərin yaratdığı təhdidləri aradan qaldırmaq məcburiyyətindədir. Artıq qeyd olunan xüsusda rəsmi Bakı həm işğalçı Ermənistana, həm də dünya birliyinə öz xəbərdarlıqlarını edib.
Tahir TAĞIYEV
Yazı Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə dəstəyilə çap olunur.
