Erməni kəşfiyyatçı Sarkisyanın işğaldan azad olunmuş torpaqlarımızla bağlı acıqlamasını alt-üst etdi
"Taktiki nöqteyi-nəzərdən onlar (azərbaycanlılar-red.) onlarla hərbçimizi məhv edə bilərlər”. APA-nın "news.am” saytına istinadən verdiyi məlumata görə, bunu İrəvanda keçirilən mətbuat konfransında keçmiş kəşfiyyatçı Vova Vardanov deyib.
O bildirib ki, aprel döyüşlərindən sonra Azərbaycan ordusu artıq erməni mövqelərini açıq-aydın müşahidə edə bilir.
"Müzakirə olunan həmin 700-800 hektar ərazi səngərlər arasındakı neytral xətdir. Əlbəttə ki, bu, vacib ərazidir. Bir mövqe böyük strateji əhəmiyyətə malik olmaya bilər, lakin böyük taktiki və operativ önəm daşıdığı birmənalıdır. Çünki artıq qarşı tərəf Talış kəndi istiqamətində bizim mövqelərimizi görə bilir”, - deyə o vurğulayıb.
