Qarabağ məsələsində "status-kvo" ilə bağlı Rusiyada inanılmaz təhlillər...

Tarix: 20.01.2016 / 02:54
Bölmə: Siyasət

Elşən Mustafayev: "Rusiyanın "status-kvo"nu saxlamaqda maraqlı olmasını bir çox amillər şərtləndirir"

"Hazırda Rusiyanın Avropa və ABŞ-la müharibə vəziyyətində olması, neftin qiymətinin məqsədli şəkildə aşağı salınması və Suriyadakı konfliktə cəlb olunması dövlətin gücünü zəiflədib"

Rusiyanın "Kommersant" qəzetində "Xarici siyasət" analitik agentliyinin təhlilçiləri Sergey Markedonov, Andrey Bezrukov, Mixail Mamonov və Andrey Suşentsovun həmmüəllifliyi ilə dərc olunan yazıda bildirilir ki, Dağlıq Qarabağ münaqişəsi Qafqazda ən təhlükəli problemlərdən biri olaraq qalır.

Münaqişə tərəfləri Dağlıq Qarabağın statusu, erməni silahlı qüvvələrinin nəzarətində olan Azərbaycan rayonlarının və qaçqınların geri qaytarılması kimi əsas məsələlər üzrə kompromisə hər hansı işarə olmadan 2016-cı ilə daxil olublar. Ekspertlər həm Rusiyanın, həm də Qərbin Dağlıq Qarabağ münaqişəsinin gərginləşməsindən ehtiyatlandığını qeyd ediblər: "Qarşıdurmanın "donunun açılması" ilə beynəlxalq sülhməramlı qüvvələr kontingentinin regiona mümkün yerləşdirilməsi münaqişənin regiondankənar oyunçuların iştirakı olmadan həllinin vacibliyini bəyan edən İranı da narahat edə bilər. Lakin Rusiya-Türkiyə ziddiyyəti, Azərbaycanla Türkiyənin və Rusiya ilə Ermənistanın strateji xarakter daşıyan kooperasiyası nəzərə alındıqda, müharibə risqini və Dağlıq Qarabağ münaqişəsinin Qafqaz çərçivəsindən kənara çıxması ehtimalını artırır. Bununla yanaşı, İrəvan və Bakı Moskva ilə Vaşinqton arasındakı ziddiyyəti müşahidə edərək Minsk Qrupunun və Kollektiv Təhlükəsizlik Müqaviləsi Təşkilatının insidentlərə tez və uzlaşdırılmış reaksiyasını test etməyə cəhd göstərirlər". Rusiyalı politoloqların fikrincə, bu qaynar nöqtədə kövrək "status-kvo"nun pozulmasının Rusiya üçün mənfi nəticələri olacaq: "Birincisi, bu, üzvləri arasında Ermənistana hərbi-siyasi dəstəyə görə konsensusun olmaması nəzərə alınmaqla, Avrasiya inteqrasiya layihələrinin (Avrasiya İqtisadi Birliyi və KTMT) perspektivini sual altına qoyur. İkincisi, bu durum Moskva ilə Bakının maraqlarının kəskin ziddiyyətinə səbəb ola və Gürcüstan ssenarisinin təkrarlanmasına qədər gedib çıxa bilər. Üçüncüsü isə, Rusiyanın mövqeyinin zəifləməsi nizamlanma prosesinin daha böyük miqyaslı beynəlmiləlləşdirilməsi məsələsinin vacibliyini gündəmə gətirəcək və Rusiyanın təsiri zəifləyəcək". Ekspertlər qeyd edib ki, Moskva ilə konflikt nəticəsində Ankara Ermənistana təzyiqi gücləndirmək məqsədilə Azərbaycana hərbi dəstəyi daha da artıra bilər: "Lakin Ermənistan və Azərbaycan arasında hərbi-siyasi balans tərəflərdən heç birinə üstünlük əldə etməyə imkan verməyəcək və münaqişənin qarşısını alacaq". Doğrudanmı Rusiya "status-kvo"nun qorunub saxlanmasında maraqlıdır?

Azərbaycan Milli İstiqlal Partiyasının sədr müavini Elşən Mustafayevin fikrincə, hazırkı vəziyyətdə regionda geopolitik maraqları olan ölkələrin çoxu vəziyyətin olduğu kimi saxlanmasında maraqlıdır: "Xüsusilə də Rusiya. Biz bilirik ki, Dağlıq Qarabağ konfliktinin istər yaranmasında, istərsə də mövcud vəziyyətə gəlib çıxmasında Rusiyanın xüsusi fəaliyyəti olub. Hazırda da həmin ölkə Ermənistana hamilik edir və onlar Kollektiv Təhlükəsizlik və Müdafiə Təşkilatı kimi bir qurumda hərbi partnyorluq edirlər. Rusiyanın "status-kvo"nu saxlamaqda maraqlı olmasını bir çox amillər şərtləndirir. Birincisi, hazırda Rusiyanın Avropa və ABŞ-la müharibə vəziyyətində olması, neftin qiymətinin məqsədli şəkildə aşağı salınması və Suriyadakı konfliktə cəlb olunması dövlətin gücünü zəiflədib. Təbiidir ki, belə məqamda Rusiya yeni bir konfliktdə tərəf olmasını istəməz. İkincisi isə, hazırda Azərbaycanla həmsərhəd və yaxın olan Türkiyə kimi bir dövlətlə Rusiyanın münasibətlərinin gərgin olması Dağlıq Qarabağ ətrafında yarana biləcək yeni vəziyyətə təsir edə bilər. Yəni Türkiyə bu məsələdə birmənalı mövqe ortaya qoya bilər ki, bu da Rusiya üçün əlavə problem yaradar.

Başqa bir faktor isə İrandır. Bilirsiniz ki, İranın ABŞ və Qərblə yaxınlaşması Rusiyanı ciddi narahat edir. Ənənəvi müttəfiqlik hər an pozula və nəticədə Rusiya təklənə bilər.

Bu baxımdan da rusiyalı politoloqların fikrində tam məntiq görürəm".

Məhəmmədəli QƏRİBLİ

DİGƏR XƏBƏRLƏR

Tarix: 27.04.2026 / 17:31

Zaxarova Aİ-nin "maliyyə monitorinqi" adı ilə Ermənistanda seçkiyə müdaxilə edəcəyini bildirdi...

Tarix: 27.04.2026 / 17:06

Tramp Britaniyanı "Folklend adaları kartı" ilə vuracaq - NATO-ya qarşı planın şok detalları...

Tarix: 27.04.2026 / 16:57

İran imtina etdi, Tramp isə ləğv etdi...

Tarix: 27.04.2026 / 16:56

Zavod direktorunun videosu Putin iqtidarını silkələdi - Solovyov efir qonağına "fahişə" dedi...

Tarix: 27.04.2026 / 16:50

Rusiya-ABŞ, Türkiyə-İsrail, İsrail-Suriya vasitəçiliyindən sonra Azərbaycan üçün yeni şans...

Tarix: 27.04.2026 / 16:40

Məzahir Pənahov yenidən MSK sədri seçildi...

Tarix: 27.04.2026 / 16:35

Ermənistanda seçki çəkişməsi qızışır - hakimiyyət sülh, müxalifət müharibə deyir...

Tarix: 27.04.2026 / 15:48

Prezident İlham Əliyevin adından Çexiyanın Baş nazirinin şərəfinə rəsmi lanç verilib - FOTO

Tarix: 27.04.2026 / 15:45

Brüssel Rusiyaya görə Bişkeki cəzalandırdı, İrəvana "göz yumdu"...

Tarix: 27.04.2026 / 15:21

ABŞ-da "terrorun" Trampın daxili və xarici siyasəti ilə bağlılığı...

Tarix: 27.04.2026 / 15:10

Qaçqın "şahzadə" müharibə istəyir - Rza Pəhləvi atəşkəsi pislədi...

Tarix: 27.04.2026 / 14:52

QMİ-dən Eçmiədzin Kilsəsinə tutarlı cavab - bunlara birdəfəlik son qoyulmalıdır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 23.04.2026 / 17:22

Rusiya ABŞ və Azərbaycana xoş gəlmək üçün Zəngəzur dəhlizini özü inşa etmək niyyətinə düşüb...

Tarix: 23.04.2026 / 17:17

Xəzər dənizi fəlakətli dərəcədə dayazlaşır, su hövzəsinin xilası üçün vaxt daralır...

Tarix: 23.04.2026 / 14:49

Latviya Bakı-İrəvan sülhünə böyük önəm verdi...

Lobbiçilər müharibə canilərinin Bakıda mühakiməsini dayandıra bilmədilər...