Yaxın günlərdə Ermənistan Azərbaycan arasında qarşılıqlı rəsmi səfərlərin olması ilə bağlı nəsə deyə bilmərəm. Bunu bu gün xarici işlər naziri Ceyhun Bayramov 2025-ci ilin yekunlarına həsr edilən mətbuat konfransında deyib.
Nazir qeyd edib ki, 2026-cı ildə böyük ehtimalla bunun davamını görəcəyik: "Səfərlərin olmaması üçün bir səbəb görmürük. Güman etmək olar ki, bu proseslər davam edəcək".
Nazir deyib ki, Azərbaycanın milli maraqları tələb edərsə, o, Ermənistana səfər edə bilər.
C.Bayramov bildirib ki, Ermənistanla təmaslar son bir neçə ay ərzində baş tutub. Bütün bunlar 2025-ci ildə müşahidə olunan müsbət dinamikanın inkişafının göstəricisidir. Bu, gələcəkdə daha da genişlənmə ehtimalının əsasını qoyur.
“Konkret misallara gəldikdə, məsələ ilə bağlı ekspertlər və beynəlxalq mərkəzlər artıq iki dəfə Ermənistana və Azərbaycana səfər ediblər. Bu səfərlər nəticəsində iş birliyi və qarşılıqlı anlaşma istiqamətində müəyyən irəliləyişlər müşahidə olunub. İnanmaq olar ki, bu proseslər 2026-ci ildə də davam edəcək”, - deyə Azərbaycanın xarici işlər naziri vurğulayıb.
ZÜMRÜD
