ABŞ-ın NATO-dakı daimi nümayəndəsi Metyu Uitaker Ukraynadakı müharibənin növbəti 90 gün ərzində başa çata biləcəyini irəli iddia edib. Uitaker bu prosesin yalnız ABŞ prezidenti Donald Trampın rəhbərliyi altında mümkün olacağını bildirib.
"Əgər bu münaqişə başa çatacaqsa, bu, növbəti 90 gün ərzində baş verəcək" – deyən ABŞ-ın baş diplomatı bildirib ki, Rusiyanın enerji infrastrukturuna hücumları səbəbindən bu qış ukraynalılar üçün "həqiqətən çox çətin" ola bilər. O, Vaşinqtonun sülhə nail olmaq üçün "hər iki tərəfə təzyiq göstərməyə davam etməyi" planlaşdırdığını deyib.
Uitaker bildirib ki, ABŞ Kiyevin nə istədiyi barədə "kifayət qədər yaxşı təsəvvürə" malikdir və indi onlar münaqişənin həlli üçün "Moskvanın nəyə razı ola biləcəyini anlamaq" istəyirlər.
Uitakerin bəyanatını şərh edən ekspertlər hesab edir ki, bu tərəfləri, xüsusən də Rusiyanı daha çevik mövqe tutmağa məcbur etmək üçün hazırlanmış diplomatik bir vasitədir.
Digər tərəfdən, analitiklər tərəflər arasında ərazi statusu, təhlükəsizlik zəmanətləri və NATO-nun genişlənməsi ilə bağlı dərin fikir ayrılıqlarına baxmayaraq, belə mürəkkəb müharibənin cəmi 90 gün ərzində həll edilməsini son dərəcə nikbin yanaşırlar.
Uitakerin bəyanatları göstərir ki, ABŞ administrasiyası məsələnin həllinə ciddi önəm verir və aktiv diplomatiya aparmaq niyyətindədir. Lakin bu iddialı müddətin konkret razılaşmaya çevrilib-çevrilməyəcəyi qarşıdakı həftələrdə tərəflərin planlarında nə qədər çevik olmalarından asılı olacaq. Diplomatik əlaqələrin intensivliyi göstərir ki, 2026-cı ilin əvvəlində münaqişənin həllində əhəmiyyətli irəliləyiş əldə edilə bilər.
TAHİR
