Azər Həsrət: "Suca şəhərində çar Rusiyasının bayrağının qaldırılması bir növ mesajdır ki, biz imperiya xislətinizdən hələ əl çəkməmişik"
Rusiya qoşunları Suca şəhərinin mərkəzini Ukrayna Silahlı Qüvvələrindən geri alıb. Bunu Rusiya Müdafiə Nazirliyinin Şimal qrupunun komandiri “RİA Novosti”yə bildirib.
Rus əsgərləri şəhərin mərkəzində, Sovetskaya meydanında yerləşən Suca bələdiyyəsinin binası qarşısında Rusiya Federasiyasının, Rusiya İmperiyasının, Hava Desant Qüvvələrinin və özəl hərbi şirkətlərdən birinin bayraqlarını qaldırıblar.
Rus əsgərlərinin asdıği bütün bayraqların anlamı başadüşüləndir, bəs çar Rusiyasının bayrağının, yəni Rusiya imperyasınin bayrağının Suca şəhərində asılmasınin hansı rəmzi mənası ola bilər?
Baki-xeber.com saytınin sualıni cavablandiran siyasi şərhçi Azər Həsrət bildirdi ki, rusların bu cür bayram etməsi Rusiya üçün cöx böyük bir qəbahət və ayıbdır: "O boyda nəhəng bir dövlət, supergüc dünyanın bu çağında Ukraynanın əlində girinc qalıb, əsir-yesir qalıb. Bu azmış kimi, öz torpaqlarının Ukrayna tərəfindən nəzarətə götrülməsi ilə barışmalı olub. Bu, Rusiya imperiyası üçün tarixin ən xəcalətli səhifəsidir. Digər tərəfdən, Suca şəhərində çar Rusiyasının bayrağının qaldırılması bir növ mesajdır ki, biz imperiya xislətinizdən hələ əl çəkməmişik. Yəni Rusiya dünyaya göstərmək istəyir ki, onların imperiya iddiaları hələ də yaşayır. Amma ruslar çox böyük hesabla yanılırlar. Hazırda nəhəng Rusiyanın öz həyatına ciddi təhlükə var. Bu gün Rusiyanın ərazi bütövlüyünün saxlanıla bilməsi artıq sual altındadır.
Məncə, imperiya iddiasına düşməzdən əvvəl hazırda əllərində olan o nəhəng torpağı qoruyub saxkamaği götür-qoy etsələr daha yaxşi olar. Çunki bugünkü reallıqlar Rusiyanın dağilma ehtimalıni gücləndirir. Tarixi gedişat göstərir ki, Rusiya hökuməti bunu bacarmayacaq. Necə ki, bir vaxtlar çar Rusiyası darmadağin oldu, ardınca SSRİ adi altında yeni imperiya yarandı, o da darmadağin oldu, indi də sıra Rusiya Federasiyasınındır. Yəni indi Rusiya Federasiyasının dağılmaq vaxtı yetişib. Heç bir bayraq bu dövləti xilas edə bilməyəcək. İstənilən bayrağın altına sığına bilərlər, lakin bu, Rusiya Federasiyasının tarixin arxivinə düşməsinin qarşısıni ala bilməyəcək".
Doğrudan da, dünyada hər bir imperiya ən uzağı bir neçə yüz ildən sonra dağılmağa məruz qalub. Bu gün özü dağılmaqda olan Rusiya Federasiyasınin xarabalıqları üzərində Putin yeri rus imperiyası qurmaq iddiasındadır. Ona görə də Vladimir Putin özünün sələfi saydığı rus imperiyasının xaç atasına haqq qazandıraraq deyir: "I Pyotr heç kimin torpağını işğal etməyib, sadəcə olaraq rus torpaqlarıni birləşdirərək toparlayıb”. Deməli, Putin I Pyotr bir imperiya daxilinə cəmləşdirdiyi bütün torpaqları "rus torpaqları" hesab edir. Amma unudurlar ki, Uraldan Şərqə nə bir qarış rus torpağı, nə də bir rus toponimi var. Bütün ərazilər və toponimlər türklərə məxsusdur. Rusiyanin 22 respublikasından 16-si türk kökənli xalqlara məxsusdur. Elə isə, Putin və ya I Pyotr hansı rus torpaqlarından danışır?
Akif NƏSİRLİ
