Sirr deyil ki, Fransa müstəmləkə əsarətində saxladığı ərazilərdə başlanan azadlıq mübarizəsinə görə daha çox Azərbaycanı ittiham etməyə çalışır. Fransa rəsmilərinin, qanunverici orqanının təmsilçilərinin, media orqanlarının, müxtəlif ekspert dairələrinin Azərbaycana qarşı böhtan və iftira kampaniyası da bütün bunların faktiki təzahürləridir.
Fransanın dənizaşırı ərazilər naziri Manuel Valsın qısa zaman kəsiyində Azərbaycana qarşı dalbadaı səsləndirdiyi ittihamlar Parisin artıq Bakının siyasətindən çox əndişəyə düşdüyünü göstərir. Ötən ayın sonunda Manuel Vals belə bir iddia ilə çıxış etmişdi ki, guya Azərbaycan Yeni Kaledoniyada müstəqillik çağırışlarını dəstəkləməklə sabitliyi pozur. Onun dediklərindən belə çıxır ki, Azərbaycanın müstəmləkə altında olan xalqların müdafiəsi üçün fəaliyyəti Fransaya zərər verir. Yeni Kaledoniya və digər Fransa müstəmləkələrində də xalqların hüququnun müdafiəsi istiqamətində Azərbaycanın atdığı addımlara bundan əvvəl Fransa prezidenti Emmanuel Makron daxil olmaqla sözügedən ölkələrin digər rəsmiləri də reaksiya veriblər. Makron iddia edib ki, “Fransanın özü son aylarda bir çox dənizaşırı ərazilərində, xüsusilə də Yeni Kaledoniyada Azərbaycan tərəfindən qəbuledilməz müdaxilələrlə hücumlara məruz qalıb”. İndi bu yanaşma Manuel Vals tərəfindən davam etdirilir. Yeniən bu mövzuya toxunan Manuel Vals bu dəfə “BFMTV”yə müsahibəsi zamanı ölkəmizin əleyhinə əsassız iddialar səsləndirib. Azərbaycan bu dəfə də Manuel Valsın ittihamlarına müvafiq cavab verib. Jurnalistlərin “Fransanın dənizaşırı ərazilər naziri Manuel Valls “BFMTV”yə müsahibəsi zamanı növbəti dəfə Azərbaycanı Fransaya qarşı guya hibrid müharibə aparmaqda, habelə dənizaşırı ərazilərdə müstəqillik tərəfdarlarını dəstəkləməklə Fransaya xarici müdaxilədə günahlandırıb. Məsələ ilə bağlı Xarici İşlər Nazirliyinin rəsmi mövqeyi nədən ibarətdir?” sualına Xarici İşlər Nazirliyinin mətbuat katibi Ayxan Hacızadə belə cavab verib: “Fransa nda a həyati ğtərəfinin dənizaşırı ərazilərdəki uğursuz siyasətini, kolonializm keçmişini davam etdirmək səylərini ört-basdır etmək üçün ölkəmizi ittiham edərək, təkrar-təkrar səsləndirdiyi əsassız iddiaları qətiyyətlə rədd edirik. Fransanın kolonial siyasətini təbliğ edən və bu ölkənin “3 okean və 5 qitədə” mövcud olduğunu iddia edən Manuel Vallsın Azərbaycana qarşı növbəti dəfə səsləndirdiyi cəfəng iddialar Fransanın həmin xalqlar arasında dayaqlarını itirməsi ilə barışmadığının növbəti təzahüründən başqa bir şey deyil.
Ölkəsini “nadir güc” kimi qələmə verən nazir Manuel Vals səsləndirdiyi ziddiyyətli fikirlərin Fransanın dənizaşırı ərazilərində baş verən zorakılıq aktları, müstəqillik tələb edən xalqların hərəkatlarının boğulması faktları qarşısında nə qədər zəif arqumentlər olduğunu özü də etiraf edir. Nazir Manuel Vallsın fikirləri, Fransanın öz “strateji maraqları” müzakirə mövzusu olduqda fikir azadlığı, müstəqillik kimi anlayışları da qurban verməyə hazır olduğunu nümayiş etdirməsi, əslində, bu ölkənin ikili standartlar yanaşmasından xəbər verir. Fransa tərəfindən bu kimi iddialar səsləndirməklə ölkəmizə qarşı apardığı əsassız qarayaxma kampaniyasını dayandırmağı tələb edirik”. Bakının məqsədi Fransanın müstəmləkəçilik siyasətinə son verilməsinə nail olmaqdır. Hzırda Fransa müstəmləkəçilik və əsarət altında saxladığı ərazilərdə əsl soyqırımı siyasəti həyata keçirir. Məsələn, ötən il Fransanın Yeni Kaledoniyada həyata keçirdiyi irticaçı tədbirlər, Yeni Kaledoniyada Fransa zülmü əleyhinə baş verən iğtişaşlara cavab olaraq adaya fransız ordusunun yeridilməsi, 20-yə yaxın insanın öldürülməsi, 200-dən çox yaralının olması, kütləvi həbslər, tətbiq olunan qanunsuz və ağır şərtli komendant saatı, həmçinin Fransa təhülkəsizlik qüvvələrinin yerli kanak xalqına qarşı onların məhz fransız olmadıqları üçün həyata keçirdiyi zorakılıqla müşahidə olunan təqib birmənalı şəkildə soyqırımdır. 1948-ci il “Soyqırım cinayətinin qarşısının alınması və cəzalandırılması haqqında Konvensiya”ya əsasən, hər hansı milli, etnik, irqi və ya dini qrupun üzvlərinin qismən və ya qismən məhv etmək məqsədilə öldürülməsi, bədən xəsarəti və ya ruhi zərər vurma, tamamilə və ya qismən fiziki məhv edilməsi üçün nəzərdə tutulmuş bu cür yaşayış şəraitinin hər hansı bir qrupu üçün qəsdən yaradılması soyqırım hesab edilir. Bu gün Fransanın kanaklara qarşı siyasəti məhz qeyd olunan cinayətlərdə ehtiva olunur və Fransanın təcavüzkar mahiyyətini ortaya qoyur. Qeyd edək ki, Fransa hökuməti artıq uzun illərdir ki, Korsikadan dənizaşırı ərazilərinə qədər bütün müstəmləkələrində istilanı əbədiləşdirmək üçün cinayətkarcasına məcburi assimilyasiya tədbirləri həyata keçirir. Təəssüf ki, uzun bir dövr ərzində Fransanın müstəmləkə siyasətinə, törətdiyi çoxsaylı qırğınlara dur deyən, bu cinayət əməllərinə layiqli qiymət verən olmayıb. Yalnız Qoşulmama Hərəkatının rəhbəri qismində Azərbaycan prezidenti İlham Əliyev Əlcəzairdə Ərəb Dövlətləri Liqasının konfransında ilk dəfə olaraq Fransanın müstəmləkə cinayətlərini ifşa edərək, bu ölkəni üzr istəməyə və aidiyyəti şəkildə törətdiyi əməllərin nəticələrinin aradan qaldırılması istiqamətində fəaliyyətə çağırıb. Fransa isə bu reallıqları qəbul etməkdənsə, yenidən radikallaşaraq istər öz müstəmləkələrində, istərsə də yeni maraq dairəsinə daxil olmuş Cənubi Qafqaz kimi regionlarda davamlı şəkildə təxribat fəaliyyətlərini intensivləşdirib. Amma burada da Fransa iflasa məhkumdur.
Tahir TAĞIYEV
