Ruben Vardanyan hansı "dövlətin naziri" olub, dünya, o cümlədən də Ermənistan belə bir dövlət tanıyırmı?
Ermənistan müxalifəti Bakıda mühakimə edilən erməni əsilli cinayətkar qrupun müdafiəsi üçün fantastik addımlar düşünür və atır. İnformasiya məkanında olmazın yalanlarını uydururlar. Ermənilər dünya dindarlarını çaşdırmağa çalışır ki, guya Bakıda mühakimə edilən canilərin heç bir günahı yoxdur.
Birincisi, bu canilər ən azı 30 il işğalçı Ermənistan dövlətinin dəstəyi və havadarlığı ilə Azərbaycan dövlətinə qarşı döyüşüb, ölkə ərazisinin 20 faizini işğalda saxlamaqla, həmin ərazilərdəki yaşayış məskənlərinin dağıdılmasına, bölgənin təbii sərvətlərinin talan edilməsinə şərait yaradıblar.
Bununla yanaşı, mühakimə edilənlərin böyük əksəriyyəti birinci Qarabağ müharibəsində Azərbaycanın Respublikasının dinc vətəndaşlarına, o cümlədən qadınlara, qocalara və uşaqlara divan tutulmasında, onlara ağlagəlməz işgəncələr verilməsində iştirak və ya təşkilatçılıq ediblər. Həmin şəxslər haqqında həbs edilənə qədər Azərbaycanın hüquq-mühafizə orqanlarında cinayət işi qaldırılıb və həmin şəxslər barəsində axtarış elan edilib. Yoxsa Azərbaycanda yüzlərlə həm hərbi, həm də mülki kateqoriyadan olan erməni əsilli əsir olub, həmin əsirlərin hamısı qeyd-şərtsiz, heç bir tələb irəli sürülmədən Ermənistana təhvil verilib. Əgər cinayət əməlləri olmasaydı bu şəxşlər də minlərlə erməni əsilli əhali kimi sərbəst buraxılardı, sapxlanmazdı. Lakin bu şəxslər konkret olaraq ağır cinayətlərdə təqsirli bilinirlər və onların əksəriyyətinin cinayət əməlinin cəzası, yəqin ki, ən ağir cəza olacaq. Ermənilər isə yaxasın cırır ki, bu şəxslər günahkar deyil. Hələ belə cinayətkarların bir qismi hazırda Ermənistanda qəhrəman hesab edilir. Zamanı yetişəndə onlar da Vardanyanın oturduğu kürsüdə əyləşib, ittihamlara cavab verəcək.
Konkret Vardanyana gəldikdə, onun Qarabağla heç bir bağlılığı yoxdur. Sadəcə olaraq, onu Rusiya Qarabağda reytinq yığıb, sonradan Ermənistanda baş nazir seçilməsi üçün göndərmişdi. Ona görə də qondarma qurumda "dövlət naziri" vəzifəsinə "təyinat almışdı". Amma qisməti Bakıda müttəhim kürsüsündə oturmaq oldu.
Erməni mediası yazır ki, guya dünya erməni kilsələrinin nümayəndələri birgə dünya xristianlarına Azərbaycanda saxlanılan hərbi əsirlərin və mülki şəxslərin dərhal və qeyd-şərtsiz azadlığa buraxılması üçün təcili müraciət ediblər. Əslində isə bu, erməni mediasında yayılan imformasiyadan başqa bir şey deyil, heç bir kilsə heç kimə müraciət ünvanlamayıb. Çünki erməni kilsələrinin belə bir səlahiyyəti yoxdur. Bu barədə bir qədər sonra söhbət açacağıq.
Erməni mediası yazır ki, bu, xristian dəyərlərinə və insan ləyaqətinə dərin bağlılığı ifadə edir, sülh və barışıq üçün təcili ehtiyacdır. Ermənilərin hansı xristian dəyərlərindən danışdığı neç kimə bəlli deyil. Məgər köməksiz dinc əhalini gülləbaran etmək, evinin içində qətlə yetirmək, işgəncələrlə edam etmək, əsir göturub, məhv edib izini itirmək, qonşu dövlətin ərazisini işğalda saxlamaq, müsəlmanlara məxsus yaşayış məntəqələrini dağıtmaq və s. xristian dəyərlərinə uyğundurmu?
Məqalədə yazılir ki, müraciətdə zorakılığa və qeyri-insani rəftara son qoyulmasının, milliyyətindən asılı olmayaraq bütün insanlara xas olan ləyaqətə hörmətin göstərilməsinin vacibliyi vurğulanır.
Birincisi, bu insanlara heç bir təzyiq göstərilmədiyini beynəlxalq ziyarətçilər dəfələrlə təsdiqləyib. Bunu dustaqlar özü də etiraf edir. İkincisi, bu insanlar Azərbaycan xalqının qanına susayanda, azərbaycanlıların başını kəsəndə, dinc əhalini evində qətlə yetirəndə hardaydı o xristian dünyası?
Digər tərəfdən, indi Ermənistanda və bütün dunyada mövcud olan "erməni kilsələri"nin xristianlığa heç bir dəxli yoxdur. Xalxidon Şurası və ya Kadıköy Şurasının 8 oktyabr 451-ci ildə başlayan və 1 noyabrda sona çatan ekumenik məclisində ermənilər kilsədən qovulub. Xalxidon bu gün İstanbul şəhərindəki Kadıköy ilçəsinin mərkəzidir. Xristianların həmin ekumenik məclisində ermənilərin kilsədən qovulmasına qərar verilib. Bunun səbəbi isə erməni dindarların xristianlığa xəyanət etmələri idi. Bundan sonra xristianların heç bir ekumenik məclisi "erməni kilsəsini" geri, kilsəyə qaytarmayıb.
Yazıda qeyd edilir ki, bu vəziyyətin ciddiliyini başa düşmək çox vacibdir, çünki keçmiş "dövlət naziri" Ruben Vardanyanın səhhəti günü-gündən pisləşir. Əvvala, Ruben Vardanyan hansı dövlətin naziri olub, o dövlət hardadir və o "dövləti" heç olmasa Ermənistan özü tanıyırmı? Yəni Vardanyan nazir olmayıb, separatçı xuntanın bir üzvü olub ki, reytinq qazanib Paşinyanı devirsin və Ermənistanda hakimiyyətə gəlsin. Paşinyan isə bunu duyan kimi onu qondarma kürsüdən belə qovdurdu.
Digər tərəfdən, məhbus Vardanyanın vəziyyətini öyrənmək üçün Beynəlxalq Qızıl Xaç Komitəsinin nümayəndələri onu ziyarət etdi və hər şeyin yaxşi olduğunu təsdiqlədilər. Vardanyan Bakıya turist gəlməyib ki, onu beşulduzlu oteldə yerləşdirsinlər. O, hələlik mənəvi baxımdan cinayətkardır, mühakimə edilir, ədalət məhkəməsi cəzasını verəcək.
Akif NƏSİRLİ
