Rusiya, İran və Ermənistanın apardığı bu təbliğat suda boğulanın saman çöpünə ümidinə bənzəyir
Suriyada yeni iqtidara gəlmiş Colani hökuməti, sözsüz ki, Əsəd rejiminin tör-töküntülərinə qarşı mübarizə tədbirləri görür və bu, yeni hökumət üçün adi haldır. Colani Rusiya və İranın dəstəyi ilə toparlanmağa çalışan üsyançilara qarşı əməliyyatlar həyata keçirir, ölkədə əminamanlıq və sülhü bərqərar etməyə çalışır.
Amma rus və erməni mediası bunu İŞID-in əvvəlki fəaliyyəti ilə əlaqələndirərək belə qələmə verir ki, guya İŞİD Suriyada şıə ələvilərə və xristianlara qarşı soyqırım törətnəklə onlardan qisas alır.
Burada rus və erməni mediası incə bir məqamdan istifadə edir. Hamıya bəllidir ki, Suriyanın hazırkı lideri Əhməd əl-Şaraa İŞİD-in keçmiş komandirlərindəndir. Onlar bu təbliğtda məhz bu keçmişdən istifadə edirlər.
Məsələn, erməni mediası "Bloknot"a istinadən yazır ki, Suriyada ələvilərin və xristianların bütün ailələri güllələnir, öldürülür və başları kəsilir, etnik-dini prinsiplərə əsaslanan kütləvi qətllər sürətlənir. Hətta yazıda Putinin "Vahid Rusiya" partiyasından olan bir deputatın paylaşdığı video-görüntülərə də istinad edilir.
Əslində Suriyanın yeni hakimiyyətinin Əsəd rejiminin tör-töküntülarinə qarşı əməliyyatlar həyata keçirməsi adi haldir. Sadəcə olaraq, Rusiya və İranın Suriyada itirilmiş mövqelərinin öcünü almaq məqsədləri heç vaxt arxa plana keçməyib. Yəni bu təbliğatın əsas ruporu Rusiya və İranın molla rejimidir. Ermənilər isə, həmişə olduğu kımi, İran və Rusiyanın ardınca gedir, onların apardığı təbliğata dəstək verir.
Bununla yanaşı, Əsəd rejimi ilə Ermənistan arasında əlaqələr kifayət qədər yüksək olub. Burinci və ikinci Qarabağ müharibəsində Suriya döyüşçülərinin erməni cəbhəsində döyüşdüyü çoxsaylı faktlarla təsdiqlənib. Hətta erməni əsilli suriyalı snapyer qadın Maral Nacaryanin Şuşada əsir düşməsi, yəqin ki, oxucularımızın yadındadır. Yəni erməni mediası bununla həm də devrilmiş Əsəd rejiminə özünün "ayı xidməti"ni göstərir. Bu təbliğatın aparılmasinda isə, qeyd etdiyimiz kimi, onlar üçün Əhməd əl-Şaraanın İŞİD-lə bağlı keçmişi göydəndüşmə alibidir.
Dünyada bu cür təbliğat aparmaqda Rusiyanın məqsədi Colani hökumətinə təzyiq edərək onu öz şərtlərı ilə razılaşdırmaq və Rusiyanın Suriyadakı mövcudluğunu qorumaqdır. Məlumdur ki, hazırda Rusiyanın Suriyada iki hərbi bazası var. Colani hökuməti bu mövcudluğu qorumaq üçün Rusiyadan ölkənin bərpasına sərmayə qoymağı, Bəşər Əsədi və onun ölkədən qaçırdığı sərvəti təhvil verməyi istəyir. Rusiya isə, təbii ki, Suriya hökumətinin şərtlərini qəbul etmədən ölkədə mövcudluğunu qorumaq istəyir.
İrana gəldikdə, İranın bu məsələdə iki qayğısı var - PKK-ya onu silahı yerə qoymağa məcbur etmiş Türkiyənin Suriyada başını qaptmaq üçün yeni problemlər yaratmaq və Suriyadakı varlığının itirilməsini öcünu almaq.
Lakin hər üç tərəfin məqsədi dünya birliyinə tam olaraq məlumdur və bu məqsədlər dünyanın yeni geosiyasi trendləri ilə ciddi ziddiyyət təşkil edir. Yaxın Şərqin əsas oyuncuları sırasında artıq Rusiya və İran kimi dövlətlərin adı yoxdur. Suriya və İraq məsələsində Amerikanin patronajlığı ilə hərəkət edən iki əsas aktor mövcuddur - Turkiyə və İsrail. Düzdür, bu iki dövlət arasında da müəyyən problemlər var, onların da mənafeyi müəyyən məsələlərdə toqquşur. Amma hər iki ölkə Ağ Evlə razılaşdırılmış şəkildə hərəkət edir.
İran və Rusiyanın Yaxın Şərqdə pərdəarxası tərəfdarı isə Avropa Birliyidur. Son zamanlar ABŞ ilə Avropa arasında münasibətlərin soyumasının bir səbəbi də məhz Yaxın Şərqə olan fərqli münasibətdir.
Nəticə olaraq qeyd edək ki, Rusiya, İran və Ermənistanın apardığı bu təbliğat suda boğulanın saman çöpünə ümidinə bənzəyir.
Akif NƏSİRLİ
