Xaqani Cəfərli: "Öcalanın həbsdən çıxaraq Türkiyədə bir siyasi partiyanın rəhbərliyinə seçilməsi Türkiyə üçün sonun başlanğacı olar"
Həbsdə olan kürd lideri Abdullah Öcalan qırx ildir davam edən və on minlərlə insanın həyatına səbəb olan münaqişəyə son qoymaq üçün yeni təşəbbüsün bir hissəsi olaraq silahlı qruplaşmasını silahlarını yerə qoymağa və dağılmağa çağırıb.
İstanbul yaxınlığındakı bir adada cəza çəkdiyi həbsxanadan göndərdiyi məktubda Öcalan deyib ki, Krüdüstan Fəhlə Partiyası (PKK) qurultay keçirməli və ləğv olmaq barədə qərar verməlidir.
“Qurultay keçirin və qərar verin. Bütün qruplar tərksilah olunmalı və PKK ləğv olunmalıdır,” deyə, Öcalanı ziyarət edən kürd tərəfdarı partiyadan olan siyasətçilər tərəfindən yayılan məlumatda Öcalandan sitat gətirilib.
Öcalanın bu mühüm açıqlaması qrupla Türkiyə dövləti arasında sülhüh yaradılmasına dair aparılan yeni səylərin bir hissəsidir. Bu səylər oktyabr ayında Prezident Rəcəb Tayyib Ərdoğanın koalisiya tərəfdaşı Dövlət Bahçeli tərəfindən başladılıb. İfrat-sağçı siyasətçi, qrup zorakılıqlara son qoyub dağıldığı halda, Öcalanın şərti azadlığa buraxıla biləcəyinə işarə edib.
Öcalanın həbsdən çıxması və kürdlərin yeni bir partiyasının lideri olması, hətta parlamentə seçilməsi mümkündür?
Baki-xeber.com-a bu barədə açıqlamasında politoloq Xaqani Cəfərli bildirdi ki, uzun illər Türkiyədə qanlı terror əməliyyatlarının həyata keçirilməsinə rəhbərlik etmiş, yalnız İsrailin yardımı nəticəsindı həbs olunaraq 1999-cu ildə ömürlük həbsə məhkum edilən Abdullah Öcalanın qurucusu olduğu Kürdüstan Fəhlə Partiyasını (PKK) özünü buraxmağa çağırması Türkiyə və Azərbaycanda yanlış olaraq Ankaranın uğuru kimi dəyərləndirilir. Əslində PKK-nın varlığı kürd təşkilatlarının hamısına zərər verir. Çünki kürd təşkilatlarının içərisində yalnız PKK əksər dünya dövlətləri tərəfindən terror təşkilatı olaraq tanınır. Terror təşkilatı ilə bağlılıqda adlarının hallanması bütün kürd təşkilatlarına ciddi maneə olmağa başlamışdı. Türkiyənin özündə də millət vəkilləri, bələdiyyə sədrləri, vətəndaş cəmiyyəti liderləri PKK ilə bağlılığa görə həbs olunurdular. İndi terror təşkilatı, yəni PKK ortadan qalxdıqdan sonra kürd siyasətçilərin siyasətə müdaxilələri daha da artacaq. PKK kürdlərin etnik kimlikləri ilə siyasi proseslərə müdaxiləsinin mümkün olmadığı vaxtlarda kürdlər üçün faydalı görünə bilərdi. Türkiyə parıamentində üçüncü böyük fraksiya formalaşdıra bilən, paytaxt Ankara daxil olmaqla ölkənin bütün iri şəhərlərində millət vəkili seçməyə, bir neçə böyük şəhərdə və onlarla rayon mərkəzində bələdiyyə sədri seçmək gücü olan kürdlərə indi terror fəaliyyətləri ancaq zərər verir.
PKK-nın varlığı Suriya, İraq və İrandakı kürd hərəkatlarına zərər verdiyi üçün terror təşkilatının buraxılması Suriya və İraqdakı kürd hərəkatlarının fəaliyyəti üçün əlavə imkanlar yaradacaq. Öcalanın həbsdən çıxaraq Türkiyədə bir siyasi partiyanın rəhbərliyinə seçilməsi Türkiyə üçün sonun başlanğacı olar. Bütün dünya kürdlərinin lideri hesab olunan Öcalanın Türkiyədə bir siyasi partiyanın sədri seçilməsi PKK liderinin yeni strategiyasının işə düşməsi demək olardı.
Ümumiyyətlə, kürd məsələsi hər ötən gün Türkiyənin əleyhinə işləyir və təəssüf ki, zaman keçdikçə Türkiyə üçün təhdidi daha da böyük miqyas alır".
Onu da qeyd edək ki, PKK-nin ləğv edilməsi həm də Rəcəb Tayyib Ərdoğan üçun yeni fürsətlər aça bilər. Belə ki, konstitusiyaya görə, Ərdoğan növbəti prezident seçkilərinə namizəd olaraq qatıla bilməz. Amma o, PKK-nın ləğvini Türkiyənin inkişafında yeni mərhələ kimi təqdim edərək parlamentdəki çoxluqla bilrlikdə növbədənkənar seçkilər təyin edə və bu növbədənkənar seçkidə prezidentliyə namizəd kimi iştirak edərək prezidentlik dönəmini bir neçə il uzada bilər. Bu baxımdan ötən ilin son aylarından başladılan proses Rəcəb Tayyib Ərdoğanın nəzarətində və marağındadır.
Akif NƏSİRLİ
