Üzeyir Cəfərov: "Üçüncu dünya ölkələri sayılan Afrika ölkələri ilə silah-sursat ticarəti həm müdafiə sənayesinin inkişafina təkan verəcək, həm də ölkəmizə gəlir gətirəcək"
Hərb müstəvisində Azərbaycanın əldə etdiyi uğurlar ölkəmizin müdafiə qabiliyyətini yüksəltməklə yanaşı, onun xaricdən getdikcə daha az əsgəri məhsullar almasına gətirib çıxarır. Çünki əvvələr alınan məhsulların əksəriyyətinin artıq ölkə daxilində istehsalı həyata keçirilir ki, ekspertlər bunu təhlükəsizlik baxımından çox vacib sayır.
Digər tərəfdən, Azərbaycan tədricən dünyanın müxtəlif ölkələrinə hərbi təyinatlı məhsulların satışını həyata keçirir ki, bu da qeyri-neft sektorunda ölkəyə gəlir gətirən əsas sahələrdən birinə çevrilməyə başlayır.
Bu baxımdan Azərbaycanın Afrika ölkələri ilə silah satışına dair bağladığı müqavilələr diqqət çəkir. Somali, Qvineya-Bisaunun və digər Afrika ölkələri prezidentlərinin ölkəmizə səfəri zamanı ordu quruculuğu, müdafiə qabiliyyətinin yüksəldilməsi istiqamətində bağlanan müqavilələr buna bariz nümunədir. Bu baxımdan Azərbaycanın üçüncü dünya ölkələri ilə silah ticarəti ölkəmizin hərbi sənayesinin inkişafına hansı töhfələr vərə bilər?
Baki-xeber.com saytının sualını cavablandıran hərbi ekspert Üzeyir Cəfərov bildirdi ki, Azərbaycan öz müdafiə sənayesini yaradanda bizim həll edilməmiş qalan Qarabağ problemimiz var idi: "Hərbi sənaye kompleksinin yaradılması ölkənin müdafiə qabiliyyətinin yüksəldilməsini hədəfləyirdi ki, biz bu sahədə xarici ölkələrdən asılı olmayaq. Bu gün biz Ukrayna timsalında o vaxt düzgün addım atdığımızı bir daha təsdiqləyə bilərik. Çunki bəzi ölkələr sanksiya qorxusundan və ikitərəfli münasibətlər səbəbindən silah-sursat satışını əngəlləyirlər. Amma Azərbaycan bu gün özünün hərbi-sənaye kompleksindən həm daxildə, həm də beynəlxalq silah bazarında yararlanır. Məsələn, Afrika ölkələrinin müdafiə sənayesinin inkişaf etdirilməsi Azərbaycana milyardlar qazandira bilər. Bu ölkələr kasıb olsa da, kifayət qədər emalını gözləyən mineral sərvətləri var. Afrika ölkələrinin birinci şəxslərinin Azərbaycana səfəri zamani bizim hərbi komplekslərə, xüsusi təyinatli və komando hərbi hissələrinə baş çəkmələri, respublikanın müdafiə sənayesinin məhsulları ilə tanış olmaları xüsusi önəm kəsb edir. Çunki həmin ölkələrinin müdafiə və təhlükəsizlik baxımından ciddi problemləri var və həmin problemləri onlar bizim dəstəyinizlə aradan qaldırmaq istəyirlər. Onlar Azərbaycana səfərlərində həm hərbi hissələrdə olub, həm də müdafiə sənayemizini zavod və emalatxanalarına baş çəkiblər. Eyni zananda bu sahədə çoxsayli müqavilələr bağlanıb. Bu müqavilələr həm onlar, həm də bizim üçün sərfəlidir. Ona görə də üçüncu dünya ölkələri sayılan Afrika ölkələri ilə silah-sursat ticarəti həm müdafiə sənayesinin inkişafina təkan verəcək, həm də ölkəmizə əlavə gəlir gətirəcək. Bu da müdafiə sənayesinə qoyulan investisiyanin iqtisadi baxımdan özünu doğrultmasına gətirib çıxaracaq. Bizim müdafiə sənayesi kompleksinə qoyduğumuz investisiya mənəvi baxımdan artıq özünü doğruldub - hərbi sənaye kompleksinin yaradılması Qarabağ probleminin həllinə öz töhfəsini verdi.
Afrika ölkələri ilə əməkdaşlıq isə bu investisiyanın iqtisadi baxımdan səmərəliliyini artıracaq. Ölkəmizdə istehsal edilən silah-sursatın qonaqlara nümayiş etdirilməsi, hərbi hissələrinizin döyüş hazırlığı ilə tanış olmaları əməkdaşlığın daha geniş spektrlərı əhatə edə biləcəyindən xəbər verir. Azərbaycan həm də bu ölkələrin ordularının döyüş hazırlığının yüksəkdilməsinə dəstək verə bilər. Azərbaycanın digər sahələri də Afrika ölkələri liderlərinin diqqətindən kənarda qalmayıb".
Dəniz NƏSİRLİ
