BMT Təhlükəsizlik Şurasında Laçın yolundakı vəziyyətlə bağlı müzakirələrdə Rusiya nümayəndəsinin çıxışı erməniləri bərk narahat edib. Məntiqlə, onları narahat edən mövzu bizim xeyrimizə olmalıdır. Ancaq təəssüf ki, bizim mediada bu detalla bağlı heç bir məlumata rast gəlmədik.
Heç erməni mediasının özü də nədən narazı olduqıarını tam şəkildə açıqlamır, yalnız ümumi kontekstdə etiraz ifadə edir. Nümayəndənin çıxışının tam mətnini Rusiya mediasından tapıb tanış olduq. Sən demə, BMT-də Rusiya nümayəndəsi deyib ki, Qarabağda təbii yataqlara azərbaycanlı mütəxəsisləinin gəlişini təmin etəmək yollarını axtarırırlar. Bu, elə bizim aksiyanın tələbi ilə razılğın olduğuna dair dəlil sayıla bilər. Ermənilər də məhz bi detala görə narahatdırlar. Gəlin, ermənilərin ifadə etdikləri narazılığın mətni ilə tanış olaq.
Ermənistan parlamentinin spikeri Alen Simonyan BMT Təhlükəsizlik Şurasında Laçın yolundakı vəziyyətlə bağlı müzakirələrdə Rusiya nümayəndəsinin çıxışına münasibət bildirərkən deyib ki, Rusiya ya bacarmır, ya istəmir, ya da nə bacarır, nə də istəyir: “Rusiya nümayəndəsinin BMT-dəki çıxışını mənfi dəyərləndirirəm. Çünki hesab edirəm ki, müttəfiq ölkə kimi Rusiya Ermənistanla sıx münasibətləri olmayan ölkələrin etdiyi kimi, daha ünvanlı çıxış edə bilərdi. Düşünürəm ki, Rusiya ya bacarmır, ya istəmir, ya da nə bacarır, nə də istəyir. Son baş verən hadisələrdən sonra bu məni təəccübləndirmir”.
Bu vəziyyətlə bağlı bizim ekspertlər nə düşünür?
Politoloq Yeganə Hacıyeva “Bakı-Xəbər”ə açıqlamasında bildirdi ki, Azərbaycanın güya Laçın yolunu bağlaması ilə əlaqədar olaraq ermənilərin yaydığı dezinformasiyanın bir neçə hədəfi var: “Onlardan ən başlıcası budur ki, güya biz belə səs-küydən narahat olub geri çəkiləcəyik. Vardanyan da bunudan sonra həm Qarabağdakı yataqları, həm də hakimiyyəti ələ keçirəcək. Vardanyan Qarabağda öz qanunsuz biznes fəaliyyətini 2000-ci illərin əvvəlindən qurub. Bunun özü də düşündürücüdür. Maraqlıdır ki, bütün bu layihələrində o, yerli yox, kənardan gətirilən ermənilərdən istifadə edib. Rusiyanın bu məsələdəki mövqeyi bəllidir. 2021-ci ilin may ayında məhz Moskvada keçirilən baş nazirlərin müavinlərindən ibarət işçi qrupun iclasında formalaşıb. Həmin işçi qrupun bu istiqamətdəki fəaliyyəti hətta gecikib. Rusiya BMT-nin prosesi onun əleyhinə çevirəcəyindən ehtiyat edir. Buna görə də, yataqların monitorinqi ilə bağlı BMT-də belə mövqe tutub. Faktiki olaraq Rusiya bizim tələbimizim haqlı olduğunu və bununla razılaşdığını dilə gətirib. Ermənistanın BMT-də qaldırdığı təşəbbüsləri başa düşülən deyil. Bununla Ermənistan işğalçılğı davam etdirmək niyyətini açıq bəyan edir. Rusiyanın bu etirafı onu deməyə əsas verir ki, Azərbaycanın haqlə tələbinə əməl etməkdən başqa heç bir yolları qalmır”.
Məhəmmədəli QƏRİBLİ
