Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarına, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və QHT təmsilçiləri Şuşa - Laçın yolunda aksiyanı davam etdirir. Aksiya iştirakçılar ekoloji terror, yataqların qanunsuz istismarı əleyhinə şüarlar səsləndirir. Ermənistan və ermənipərəst dairələr feyk məlumatlar yayır ki, Azərbaycan guya aksiya keçirilən yerdə yolu tam bağlayıb.
Halbuki, burada yolun blokadaya alınmasından ümumiyyətlə söhbət getmir, yoldan təcili yardım maşınları, mülki şəxslər sərbəst keçə bilər.
Yolu məhz Rusiya sülhməramlıları bağlayıblar. Ora toplaşan Azərbaycanın vətəndaş cəmiyyəti, ictimaiyyət nümayəndələrinin tələbləri, istəkləri aydın, tamamilə qeyri-siyasi mahiyyətlidir. Azərbaycan ictimaiyyəti bu yoldan və ümumiyyətlə Rusiya sülhməramlılarının müvəqqəti nəzarətində olan yerlərdən məhz qanunsuz yükdaşımalara, hələ də ərazidən qovulmamış Ermənistan ordusunun tör-töküntülərinə, qanunsuz silahlı dəstələrinə, onlarla əlbir şəkildə Azərbaycanın təbii sərvətlərini talayanlara, qanunsuz istismarla məşğul olanlara qarşıdır.
Soydaşlarımıza qarşı misli görünməmiş, insanlığa sığışmayan vəhşiliklər törətmişlər
Azərbaycan dövləti və ictimaiyyəti bu cür qanunsuz hərəkətlərə yol verənlərə qarşı, suveren ərazisində baş verən özbaşınalıqlara göz yummayacaq.
Üzərilərinə düşən öhdəliyi pozanlar və təbii reaksiyadan şou yaradanlar məhz ifşa olunduqları üçün müxtəlif feyk məlumatlar yaymaqla məsuliyyətdən yayınacaqlarını, mövzunu dəyişdirə biləcəklərini düşünürlər. Bu cəhdlərin hamısı əbəsdir. Azərbaycan ictimaiyyəti qəti mövqeyini ifadə edib. Azərbaycanın dövlət qurumlarının monitorinq qrupunun ərazidə işləməsinə tam şərait yaradılmalıdır. İki əsrdən artıqdır ki, erməni millətçilərinin türk xalqlarına qarşı düşmənçilik siyasəti davam edir. Mənfur, riyakar, ikiüzlü erməni millətçiləri zaman - zaman xalqımıza qarşı soyqırımlar törətmiş, soydaşlarımıza qarşı misli görünməmiş, insanlığa sığışmayan vəhşiliklər törətmişlər. Dünya ölkələrinin və beynəlxalq təşkilatların gözü qarşısdında törədilən bu cinayətlər cavabsız qalıb.
Onların nə qədər qəddar, mədəniyyət, təbiət düşməni olduqlarını göstərmək baxımından bu aksiya böyük əhəmiyyət daşıyır
Təəssüflər olsun ki, cəzasızlıq onları bu cinayətlərdən çəkindirməmiş, indinin özündə də erməni terroru, erməni xəyanəti davam etməkdədir. 2020-ci ildə qazanılan Möhtəşəm Zəfərdən sonra işğaldan azad edilmiş ərazilərimzdə mövcud olan mənzərə insanı dəhşətə gətirirdi. Çünki hər tərəf, bütün infrastruktur dağıdılmış, yaşayış binaları və inzibati binalar sökülmüşdü. Həmin yerlərdə yaşamaq üçün heç bir şərait qalmamışdı. Azğın düşmən bizim üçün müqəddəs olan məscidləri, qəbristanlıqları yerlə - yeksan etmiş, ölkəmizin təbiətinə, ekologiyasına ciddi ziyan vurmuşdular. Laçında, Kəlbəcərdə, Zəngilanda, Qubadlıda, Hadrutda, Xocavənddə planetimizin ağ ciyərləri olan meşələrimizi məhv ediblər. Vəhşi düşmən bizim meşələrimizi, yaşıllıqları 30 il ərzində qırmış, talamış və son müddət ərzində yandırmış, bir sözlə, ərazilərimizi ekoloji terrora məruz qoyub. Qarabağ yaralarını yeni-yeni sarmağa başlayıb. Tarixçilərə, ədəbiyyatçılara, psixoloqlara, bu işğalın vurduğu ziyanı bizə anladacaq iqtisadçılara ehtiyacımız var. Erməni vəhşiliyini, onların nə qədər qəddar, mədəniyyət, təbiət düşməni olduqlarını göstərmək baxımından bu aksiya böyük əhəmiyyət daşıyır. Beynəlxalq ictimaiyyətin bu məsələyə diqqətinin daha ciddi yönəldilməsi baxımından bu aksiya və onun tələbləri geniş təbliğ edilməlidir.
Artıq bu aksiyaya dünyanın bütün ölkələrində yaşayan soydaşlarımızdan da ciddi dəstək gəlir. ABŞ-ın Texas ştatında fəaliyyət göstərən Amerika-Azərbaycan İnteqrasiya Mərkəzinin üzvləri Rusiya sülhməramlılarının müvəqqəti nəzarətində olan Şuşa-Xankəndi yolunda azərbaycanlı eko-fəalların keçirdiyi etiraz aksiyasını dəstəklədiklərini bəyan ediblər. Qurumdan bizə verilən məlumatda bildirilir ki, onlar UNESCO-nun Nyu-Yorkdakı nümayəndəliyinin rəhbəri Eliot Minxenberqə və Texas ştatının konqresmeni Troy Nelsə ünvanlanan müraciət edib. Azərbaycan icmasının üzvləri yaranmış vəziyyətdən dərin narahatlıq keçirirdiklərini bəyan ediblər.
Otuz ilə yaxın dövrdə erməni silahlı qüvvələrinin Azərbaycanın suveren ərazilərini işğal etdiyini, Qarabağ bölgəsinin təbii sərvətlərini, suları, meşələri qeyri-qanuni və qəddarcasına sui-istifadə etməklə regionda əsl ekoloji terrorizm həyata keçirdiyi yada salınıb.
Yaranmış durumu “ekoterror aktı” adlandıran müraciət müəllifləri ermənilərin törətdikləri ekoloji terror aktlarını qətiyyətlə pislədiklərini bildirib,
Beynəlxalq təşkilatları Rusiya “sülhməramlılarının” müvəqqəti yerləşdiyi Azərbaycan ərazilərində təbii sərvətlərin qeyri-qanuni istismarına və erməni ekoterrorizminə dərhal son qoyulması naminə beynəlxalq konvensiyalara uyğun olaraq hərəkətə keçməyə çağırıblar.
Göründüyü kimi, artıq dünyanın müxtəlif ölkələrində yaşayan soydaşlarımız da aksiyanın gerçək tələbinin erməni vəhşiliyinə qarşı olduğunu diqqətə çatdırmağı bacarırlar.
Məhəmmədəli QƏRİBLİ Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
