Başa çatmaqda olan 2022-ci ölkəmizin tarixində bir sıra mühüm hadisələrlə, o cümlədən də beynəlxalq və yerli mədəni-humanitar tədbirlərlə qaldı. Azərbaycanın mədəni həyatında böyük canlanma yaşandı, Prezident İlham Əliyevin təşəbbüsü ilə bir sıra mədəniyyət, ədəbiyyat hadisələri gerçəkləşdi, Şuşa Azərbaycanın Mədəniyyət Paytaxtı seçildi, burada Vaqif Poeziya Günləri, Xarı Bülbül Festivalı və başqa mədəniyyət tədbirləri keçirildi.
Heç şübhəsiz, mədəniyyət sahəsində həyata keçirilən islahatlar, yeniliklər dövlət başçısının mədəniyyət siyasətinə verdiyi böyük töhfələrdəndir. Ölkə başçısının ədəbiyyata, mədəniyyət və incəsətə, aşıq sənətinə, kinoya, teatra qayğı və diqqəti misilsizdir. Bugünə qədər onlarla sənət adamı Prezidentin qayğısı ilə əhatə olunub. Prezidentin ədəbiyyat, kino, mədəniyyət sahəsinə verdiyi töhfələr hər zaman müzakirə olunur və təqdir edilir. Tanınmış elm, mədəniyyət, sənət adamlarının fikrincə, dünyanın heç yerində ədəbiyyat, kino, mədəniyyət, bu sahədə çalışanlar dövlət başçısının diqqəti ilə bu qədər əhatə olunmayıb.
Əməkdar İncəsənət Xadimi, tanınmış şair Baba Vəziroğlu bildirir ki, tarixin bu çətin mərhələsində İlham Əliyevi əvəzləyəcək, onun yerində olacaq başqa bir şəxs təsəvvür etmək çətindir: “Bəlkə də bu bizə Tanrının bir ətası, töhfəsidir ki, məhz tarixin bu çətin mərhələsində İlham Əliyev məmləkətimizə rəhbərlik edir. Bəzən deyirlər, şəxsiyyətlərin tarixdə rolu yoxdur, yaxud çox azdır. Mən tamamilə əksini düşünürəm. Bəşər tarixində məhz tarix yazan rəhbərlər olub, var və olacaq. O varlardan, bu gün mövcud olanlardan bəlkə də dünya çapında bir neçə nəfər varsa biri İlham Əliyevdir. Mən dəfələrlə cənab Prezidentlə görüşmüşəm, söhbətləşmişik, iki dəfə Şuşada olmuşuq. Mən həm də bir insan kimi onun necə sadə, eyni zamanda qətiyyətli, siyasi iradəsi olan, insani keyfiyyətlərə malik bir şəxs kimi tanımışam. Bu mənim şəxsi təəssüratımdır. Amma dünya çapında, məmləkətimizin tarixində, həyatında oynadığı rolu hər kəs bilir. Bu gün bizim qalib ölkənin vətəndaşları kimi yaşamağımızın, əmin-amanlığımızın, firavan həyat içində yaşamağımızın səbəbkarı məhz İlham Əliyevdir. Prezidentin sənət adamlarına münasibəti barədə günlərlə, saatlarla, aylarla danışsan yenə də bitməz. Çünki cənab Prezidentin nəzərində hər bir ziyalı, hər bir sənət insanı, o cümlədən də yazarlar prioritet bir yerdə dayanır. Hər zaman hamını izləyir, hamının yaradıcılığı ilə tanışdır, hamının da qayğı ilə əhatə olunmasına həmişə səy göstərir. Mənim də yaradıcılığımda cənab Prezidentin bu tarixi missiyası həmişə ön yerdə olub. Son illərdə bəstəkar, mənim əziz dostum Kamal müəllimlə yazdığımız “Cənab Ali Baş Komandan” şeiri və mahnısı buna əyani sübutdur ki, tarix yazan sərkərdə haqqında öz səmimi fikirlərimizi bildirmişik.
Sən yalnız, tək deyilsən Mətin türk qardaşın var. Bir vəfalı, Mehriban- Ürək, can sirdaşın var. Bircə sözün, əmrinlə Bu xalq ayağa qalxar Səninlə Azərbaycan, Bir könüldə iki can Cənab Ali Baş Komandan!”...
Leyla QARAXANLI
