07/02/2023 01:52
728 x 90

“Azərbaycanla yanaşı, birlikdə yox” - Vardanyanın xüsusi tapşırıqla Qarabağa gəldiyi təsdiqlənir...

Təbriz Musayev: “Vardanyan təlimatı İrəvandan yox, Kremldən alır”

img

“Qarabağ xalqı öz gələcəyini Azərbaycanın tərkibində görmür və artıq bu məsələ ilə bağlı öz mövqeyini bildirib”. Bunu Rusiyanın emissarı, qondarma qurumun “dövlət naziri” Ruben Vardanyan Facebook səhifəsində yazıb.

R. Vardanyan hazırkı gərgin dövrdə sərsəmləyərək sülhlə bağlı gözləntiləri baltalayıb: “Qarabağ xalqı öz gələcəyini Azərbaycanın tərkibində görmür və bu məsələ ilə bağlı öz aydın mövqeyini çoxdan ifadə edib. Azərbaycan da anlamalı və qəbul etməlidir ki, sülhə nail olmağın yeganə yolu eyni regionda yanaşı yaşamaqdır, amma birlikdə deyil. Bunu Almaniyanın ictimai televiziya kanalına verdiyim müsahibədə bir daha təkrar etmək imkanım oldu. Telekanal Ermənistan və Qarabağ, xüsusilə 13 sentyabr hadisələri və onun nəticələri haqqında geniş reportaj təqdim edib. Biz dünya mediasının bu münaqişəyə diqqətini alqışlayırıq”.

Bütün bunlar bir daha onu sübut edir ki, R.Vardanyan Qarabağa Rusiyadan “xüsusi tapşırıqla” gəlib. Məqsəd Qarabağdakı separatçılığa birdəfəlik son qoyulmasını önləməkdir.

  • “Rusiya etnik separatizmi körükləməklə Cənubi Qafqazı öz təsir dairəsində saxlamağa çalışır”

Məsələyə münasibət bildirən İrəvan Azadlıq Təşkilatının sədri Təbriz Musayevin fikrincə, Vardanyanın ora göndərilməsində məqsəd Qarabağ məsələsinin həllinin qarşısını almaqdır: “Ona görə də Vardanyanın sərsəmlənməsində təəccüblü heç nə yoxdur. Vardanyan təlimatı İrəvandan yox, Kremldən alır. Məqsəd Qarabağda təşəbbüsü ələ alandan sonra Ermənistanda hakimiyyəti ələ keçirməkdir. Necə ki, bir vaxtlar Robert Köçəryan kimi qulduru pərvazlandırıb Ermənistanda prezident kürsüsünə oturtdular. İndi də həmin ssenarini reallaşdırmaq istəyirlər, sadəcə situasiya əvvəlki deyil. Azərbaycan 90-cı illərdəki kimi zəif durumda deyil və s. Tamamilə yeni geosiyasi vəziyyət yaranıb. Ancaq biz nəzərə almalıyıq ki, Rusiyanın ambisiyaları dəyişməyib. Rusiya etnik separatizmi körükləməklə Cənubi Qafqazı öz təsir dairəsində saxlamağa çalışır. Vardanyanın da Rusiya vətəndaşlığından çıxarılaraq desant olaraq Qarabağa atılması bu məqsədə xidmət edir. Bu həm də onu göstərir ki, Qarabağdakı separatçılar xoşluqla ram olmayacaqlar. Bu isə Qarabağda növbəti antiterror əməliyyatlarının aparılması zərurətini yaradır. Sadəcə, bunu uyğun məqamda həyata keçirmək lazımdır. Azərbaycanın rəsmi səviyyədə son vaxtlar Qarabağda atdığı bir sıra addımlar, Ekologiyə və Təbii Sərvətlər Nazirliyinin gördüyü işlər onu göstərir ki, separatçıların axırına çıxılacaq gün elə də uzaqda deyil. O baxımdan hesab edirəm ki, Vardanyan öz missiyasını sona qədər yerinə yetirə bilməyəcək”.

Vidadi ORDAHALLI

Peşə etikası

Son xəbərlər