07/02/2023 02:07
728 x 90

İranın sabiq prezidenti mollakratiyanın faciəli sonunu indikindən daha yaxşı görür...

Mətin Məmmədli: “Məhəmməd Hatəmi ranqında olan bir siyasətçinin, dövlət xadiminin İranda mövcud idarəetməni sərt tənqid etməsi çox ciddi siqnal kimi qəbul eilə bilər”

img

Tehran rejiminin xalqın başına açdığı oyunlar, insanları güllə qabağına düzməsi, öz haqqını tələb edənləri gülləbaran etməsi, onları həbslərə atması, qondarma ittihamlarla dar ağacından asması  mollakratiyanın əsl simasını göstərir. Amma bunlara baxmayaraq, xalq artıq 84 gündür ki, rejimə dirəniş göstərir.

Xalq İran adlandırılan rejimin sabiq rəhbərlərindən, siyasət adamlarından da ciddi dəstək alır. Məsələ burasındadır ki, sabiq rəhbərlərin çoxu İbrahim Rəisi hökumətini xalqın tələblərini eşitməyə çağırır, amma bu çağırışlara əhəmiyyət verilmir. Xalqın səsinə səs verənlərdən biri də İranın sabiq prezidenti Məhəmməd Hatəmidir.

İranın sabiq Prezidenti “Instagram” səhifəsində dərc olunan açıqlamasında "Mövcud vəziyyətin davam etməsi sosial çöküşün əsaslarını hər an daha da genişləndirir" - deyə bildirib. Məhəmməd Hatəmi İranın İslam Respublikasının idarə üsulunu “yanlış və düzgün olmayan” adlandırıb. O, “xalqın pis vəziyyətini görməməyi və ya inkar etməyi” tənqid edib.

Hatəmi, Rəisindən fərqli olaraq, mollakratiyanın faciəli çöküşünü görür və hökumətə qarşı etiraz səsini qaldırır.

  • “Hazırda mötədillərlə mühafizəkar qanad arasında qarşıdurma meylləri daha da güclənir”

Mövzuya şərh verən Beynəlxalq Münasibətlərin Təhlili Mərkəzinin aparıcı məsləhətçisi, siyasi elmlər üzrə fəlsəfə doktoru  Mətin Məmmədli “Bakı-Xəbər”ə bildirdi ki, İranın sabiq prezidentinin baş verənlərə münasibət göstərməsi təbiidir. “Fikrimcə,  Məhəmməd Hatəmi ranqında olan bir siyasətçinin, dövlət xadiminin İranda  mövcud idarəetməni sərt tənqid etməsi çox ciddi siqnal kimi qəbul edilə bilər. Bunu bir növ İran cəmiyyətində olan siyasi böhranın göstəricisi kimi qəbul edə bilərik. Hatəmi İran siyasi elitasının mötədil qanadına aiddir. Bildiyiniz kimi, o bir müddət İrana rəhbərlik edib. İranda baş verən bu etiraz hərəkatlarından sonra görünür ki, bu ölkənin siyasətində, siyasi elitasında qarşıdurma melləri də buna adekvat olaraq artır”.

İran siyasətində üç qanad olduğunu deyən M.Məmmədli vurğuladı ki, İran İslam İnqilabı baş verdikdən sonra 43 illik molla hakimiyyətinə baxsaq burada üç siyasi qanadı görə bilərik- mühafizəkarlar, mötədil qanad və hərbçilər. “İndiki məqamda görünən oldur ki, hazırda mötədillərlə mühafizəkar qanad arasında qarşıdurma meylləri daha da güclənir. Yəni mötədillərin nümayəndəsi olan Hatəminin də,  bütövlükdə bütün mötədillərin də fərqli cəhəti ondan ibarətdir ki, onlar İranda idarəetmə qaydalarının bir qədər yumşaldılmasının tərəfdarı kimi çıxış edirlər. Təbii ki, islam respublikasını qoruyub saxlamaqla onlar qeyd etdiyimiz kimi qaydaların yumşaldılmasına tərəfdardırlar. Bu məsələdə də mötədillərlə mühafizəkar qanad arasında ciddi fakir ayrılığı var. Təbii ki, İranda baş verən proseslərin fonunda hər iki qanad arasında qarşıdurmanın artması, fikrimcə, İran daxilində siyasi böhranı daha da dərinləşdirə bilər”-deyə M.Məmmədli şərhinin sonunda bildirdi.

İradə SARIYEVA

Peşə etikası

Son xəbərlər