30/01/2023 01:41
728 x 90

Üçtərəfli İşçi qrupun Moskva görüşü Naxçıvana dəhliz məsələsini həll etmədi - Paşinyan hələ dəmiryolundan danışır...

Əhəd Məmmədli: “Bu dəhlizin açılması yalnız Azərbaycanın yox, ilk növbədə Ermənistanın məlum hərbi kapitulyasiyasını təsdiqləyən üçtərəfli Bəyanatın 9-cu bəndinin tələbidir”

img

Dekabrın 7-də parlamentdə Ermənistanın Baş naziri Nikol Paşinyan deyib ki, ölkəsi bəzi proqramların  gerçəkləşməsinə  hazırdır:

“Dekabrın 6-da Moskvada keçirilən üçtərəfli işçi qrupunun iclasında dəmir yolunun açılması məsələsi ilə bağlı konkret nəticə qeydə alınmayıb”.

Nikol Paşinyanın sözlərinə görə, iclasda Yerax-Ordubad-Mehri-Horadiz dəmir yolunun açılması məsələsi müzakirə olunub:

“Mən deyə bilmərəm ki, bizim konkret nəticələrimiz var. Amma bir daha təsdiq etmək istəyirəm ki, Ermənistan bu proqramın həyata keçirilməsinə hazırdır və maraqlıdır. Təklifimiz hələ də qüvvədədir. Ermənistan dəmir yolunun bərpasına başlamağa hazırdır. Dəmir yollarının və avtomobil yollarının Ermənistan qanunvericiliyi çərçivəsində fəaliyyət göstərməsi barədə anlayışımız haqqında danışmağı lüzumsuz hesab edirəm.  Müzakirələr təkcə dəmir yolu ilə bağlı olsa da, yollar məsələsi də gündəmdədir. Biz əvvəllər qeyd etdiyimiz üç keçid məntəqəsini açmağa, eləcə də ən yaxşı marşrutla yeni yol infrastrukturlarını yaratmağa və qurmağa hazırıq. Bu bizim yolumuzdur və biz böyük beynəlxalq tranzitin təmin edilməsini gözləyirik”.

Paşinyan bu açıqlama ilə Zəngəzur dəhlizinin açılmasına icazə vermək fikirlərinin olmadığını bir daha təsdiq etmiş oldumu?

Politoloq Əhəd Məmmədli “Bakı-Xəbər”ə açıqlamasında bildirdi ki, Moskvada Ermənistanın Baş nazirinin müavini Mher Qriqoryanın, Rusiya Baş nazirinin müavini Aleksey Overçukun və Azərbaycanın Baş nazirinin müavini Şahin Mustafayevin həmsədrliyi ilə üçtərəfli işçi qrupunun 11-ci iclası keçirilsə də, heç bir ciddi nəticə əldə edilməyib. Maraqlıdır ki,  Azərbaycan tərəfi 6 dekabrda keçirilən iclas haqda detallı  açıqlama yaymayıb. Ermənistanın yaydığı açıqlamadan isə çox şey bəlli oldu. Son dövrlər Paşinyan, birmənalı olaraq, Zəngəzur dəhlizindən imtina etdiklərini açıq mətnlə bəyan edir. Hansısa dəmir yolundan, üç fərqli marşrutdan bəhs edir.  Ermənistanın nəzarəti altında olacaq hansısa avtomobil və ya dəmir yolu Azərbaycanın maraqlarına cavab vermir. Çox məntiqsiz bir yanaşmadı. Ermənistan rəhbəri gözəl bilir ki, öz üzərinə hansı öhdəliyi götürüb. İndi də erməni hiyləgərliyini işə salıb dəhliz əvəzində bizə yol vermək istəyir. Bu o anlama gəlir ki, Ermənistan həm də sülh sazişindən yayınır. Çünki sülh sazişinin əsas komponentlərindən biri elə Zəngəzur dəhlizidir. Ola bilsin ki, ermənilər Rusiya, Fransa, İran və başqalarından aldıqları hərbi-siyasi dəstəyin təsiri altına düşüb belə davranırlar. Məqsədləri vaxt udub, Azərbaycandan hərbi müstəvidə revanş almaqdır. Azərbaycan üçün başqa çıxış yolu qoymurlar. Bizim növbəti antiterror əməliyyatı keçirməkdən və Ermənistanı Qarabağla birləşdirən yolu bağlamaqdan başqa çarəmiz qalmır. “Qisas” və ondan sonrakı əməliyyatları biz hər an təkrarlaya bilərik. Vaxtında onların cavabını verməsək, daha cəsarətli danışmağa başlayacaqlar. Bakıda keçirilən "Qlobal dünya nizamına təhdidlər" mövzusunda Qlobal Bakı Forumunda prinsipial və qəti mövqeyini ifadə edən İlham Əliyev bir daha bəyan etdi ki, Zəngəzur dəhlizinin açılması məsələsi ən qısa zamanda həlli gələcək regional sülhün fundamental elementlərindəndir. Əgər Azərbaycana Naxçıvanla qərb rayonları arasında əlaqə yolu təqdim edilməyəcəksə, sülh haqqında danışmaq çətin olacaq və birgə yaşayış, normal qonşuluq münasibətlərinin qurulmasına yönəlmiş bütün səyləri uğursuz olacaq.

Bu dəhlizin açılması yalnız Azərbaycanın yox, ilk növbədə Ermənistanın məlum hərbi kapitulyasiyasını təsdiqləyən üçtərəfli Bəyanatın 9-cu bəndinin tələbidir. Ermənistanın baş naziri Nikol Paşinyan nə qədər sərsəmləyərək həmin bənddə Zəngəzur dəhlizinin açılmasından söhbətin getmədiyini iddia etsə də, bu, sənəddə aydın şəkildə yazılır.

Azərbaycan dəhlizin açılması istiqamətində 2 layihə reallaşdırır -  Horadiz-Zəngilan-Ağbənd dəmir yolu xətti və Horadiz-Cəbrayıl-Zəngilan-Ağbənd avtomobil yolu.

Bu layihələrlə Azərbaycan ilk növbədə 10 noyabr Bəyanatına sadiqliyini dünyaya nümayiş etdirir. Ermənistan isə onu sabotaj edir”.

Məhəmmədəli QƏRİBLİ

Peşə etikası

Son xəbərlər