07/02/2023 02:59
728 x 90

Türkiyə İranda da PKK-ya qarşı antiterror əməliyyatı apara bilər...

Cahandar Bayoğlu: “Türk dünyasına qarşı açılan bu savaşla mübarizədə Azərbaycan və Türkiyə ordusu qətiyyət nümayiş etdirməlidir”

img

Güney Azərbaycan televiziyasının (GünAztv) rəhbəri Əhməd Obalı Sosial Tədqiqatlar Mərkəzinin (STM) keçirdiyi "İran yeni baxış bucağında" adlı tədbirdə deyib ki, PKK terror təşkilatının əsas kökü İrandadır.

O bildirib ki, Türkiyə İranın daxilində ciddi etnik dəyişikliyin yaranmasından narahatdır:

"Amma türkiyəli siyasətçilər regional hadisələrin nə qədər sürətli olduğuna diqqət etməlidirlər. Bu gün PKK terror təşkilatının əsas kökü İrandadır. PKK yarandığı gündən İranla əlaqədə olub".

Obalı deyib ki, PKK-nın İranda ayrıca qolu var:

"Güney məsələsinin həlli Türkiyəyə qarşı kürd məsələsini də həll edə bilər. Güney Azərbaycan azad olarsa, Türkiyə ilə sərhəddə kürd fəaliyyəti ola bilməz. Bir zaman xəyal etdiyimiz türk dünyası artıq reallaşır. Amma bu, ancaq Güney Azərbaycan sayəsində mümkün olacaq. Biz də Güney azərbaycanlı qardaşlarımızdan dəstək gözləyirik".

Bu faktlar təsdiqini taparsa, Türkiyə İranda PKK-ya qarşı antiterror əməliyyatı apara bilərmi?

Turan Partiyasının başqanı Cahandar Bayoğlu “Bakı-Xəbər”ə açıqlamasında bildirdi ki, İkinci Dünya müharibəsindən sonra keçmiş SSRİ-nin dəstəyi ilə bütün dünyada kommunist hərəkətlənməsi başlamışdı: “Hətta özündən uzaq coğrafiyalarda belə inqlablar edirdi. Həmin dönəmdə Türkiyədə də mövqeyini bərkitmək üçün addımlar atırdı. İranda özünün adamı olan Bərzaniyə verilən dəstək hesabına İraqda bir kürd muxtariyyəti də qurdu. Həmin vaxt Bərzanilərin vətəni İran ərazisi sayılırdı. Əslində isə həmin muxtariyyəti Pişəvəri onlara hədiyyə etmişdi. Elə həmin dönəmdə onlar İran ərazisində kommunist hərəkətlənməsinə başladılar. Sonra Bərzanilər ailəsi İraq ərazisinə köçürüldü. Ardınca Türkiyəni də hədəf alan  kommunist yönümlü PKK adlı bir terror hərəkatı yaratdılar. İran islam inqlabından sonra Moskvanın orbitində  fırlanırdı. İranın özündə kürdləri bizim soydaşlarımızın yaşadığı ərazilərə köçürdülər. Bu proses indinin özündə də davam edir. Bu baxımdan da İranda Rusiya ilə bağlı bir kürd hərələklənmənin olması qeyri-adi görünə bilməz. ABŞ da çox yerlərdə  PKK-nı dəstəkləyir. Bu terror təşkilatının tam quruluşları da var. İranda hazırda rejimə qarşı etirazlarda da bu qurumların koordinasiyasında olanlar fəal  görünürdü. Onların da bir başı Ərbilə bağlıydı. İstanbuldakı son qanlı terroru da bunlar etdi. Bir planları da İranın daxilində kürd dövləti yaratmaqdır. Əsas hədəf isə Türkiyə və Azərbaycanın bəzi əraziləridir. Kürdüstan adlı dövlətin qurulması planını Qərb bə ABŞ-dakı bəzi dairələr dəstəkləyir. Bunun adı düşmənçilikdi. Təbii ki, qardaş Türkiyənin  silahlı qüvvələri İraqda, Suriyada olduğu kimi, yeri gəlsə, İranda da bu hərəkətlənmənin qarşısını almalıdır. Türk dünyasına qarşı açılan bu savaşla mübarizədə Azərbaycan və Türkiyə ordusu qətiyyət nümayiş etdirməlidir. Terrorist qüvvələrə qarşı sərt mübarizə aparmalıyıq”.

Məhəmmədəli QƏRİBLİ

Peşə etikası

Son xəbərlər