07/02/2023 12:36
728 x 90

Sülhməramlı komandan general Volkov Rusiya Müdafiə nazirliyindəki "erməni dəstəsini" ifşa etdi...

Məhərrəm Zülfüqarlı: “Bu da ondan xəbər verir ki, Rusiya Müdafiə Nazirliyində ermənilər, ermənipərəst qüvvələr var və bu təxrtibatı bilavasitə onlar edir”

img

Son günlər Rusiya Müdafiə Nazirliyinin saytında Qarabağdakı Azərbaycan toponimləri saxtalaşdırmaya məruz qalır, onlar öz adları ilə deyil, qondarma adlarla təqdim olunur. Azərbaycan Müdafiə Nazirliyinin dəfələrlə etiraz etməsinə və tələb irəli sürməsinə baxmayaraq, təəssüf ki, hələ də bu yanlış təqdimat aradan qaldırılmayıb. Rusiya Müdafiə Nazirliyi bu yanlışlığı sanki bir “ənənəyə” çevirib.

Azərbaycan ərazisində müvəqqəti yerləşdirilən Rusiya sülhməramlı qüvvələrinin komandanı, general-mayor Andrey Volkov yerli jurnalistlərə açıqlamasında “Azərbaycan toponimlərinə hörmətlə yanaşırıq” - deyib.

“Rusiya-Türkiyə Birgə Monitorinq Mərkəzindən bütün toponimləri Azərbaycan tərəfinin bizə göndərdiyi adlarla yazırıq.

Amma təəssüf ki, Rusiya Müdafiə Nazirliyinin saytında bu adlara düzgün əməl edilmir. Lakin qeyd etdiyim kimi, biz sülhməramlılar bütün toponimləri düzgün təqdim edirik. Yoxlaya da bilərsiniz” - deyə Volkov vurğulayıb.

Volkov açıq şəkildə bildirib ki, günahkar sülhməramlı kontingent deyil, bu yanlışlığa Rusiya Müdafiə Nazirliyinin saytında yol verilir. Buradan açıq görsənir ki, Rusiyanın hər bir rəsmi orqanında olduğu kimi, Müdafiə Naizrliyində də erməni “çetesi” mövcuddur və bu dəstə istədiyi kimi hərəkət edir, toponimləri, informasiyaları saxtalaşdırır. Əslində, bunlar heç biri baş verməməlidir. Ən azından Rusiya və Azərbaycan arasında informasiya təhlükəsizliyinə dair sənəd imzalanıb. Amma görürük ki, Rusiya tərəfi etməni fitvasına uyub tez-tez bu sənədin şərtlərini pozur. Azərbaycan toponimlərinin saxtalaşıdırılması da bu qəbildəndir.

  • “Bunların sözü ilə əməli heç zaman düz gəlmir”

AVCİYA-nın vitse-prezidenti, siyasi şərhçi, professor Məhərrəm Zülfüqarlı “Bakı-Xəbər”ə bildirdi ki, Rusiyanın bütün qurumlarında olduğu kimi, Müdafiə Nazirliyində də ermənilər aktivdir və onlar öz təsir imkanlarından istifadə edərək hər cür təxribata əl atırlar. O vurğuladı ki, Qarabağdakı Azərbaycan-türk toponimlərinin saxtalaşdırılmasında Rusiya tərəfinin də, ermənilərin də ciddi maraqları var və bu da Rusiya Müdafiə Nazirliyində ermənipərəst qüvvələr tərəfindən gerçəkləşdirilir. “Son günlər bu məsələ daha da aktuallaşıb və bu təxribat bizi ciddi narahat edir. Rusiya da artıq yaxşı bilir ki, “Dağlıq Qarabağ” adlı ərazi vahidi yoxdur, Qarabağ İqtisadi Rayonu var, buradakı bütün toponimlərin adları da Azərbaycan dilindədir və Azərbaycan xalqının tarixinin bir parçasıdır. Amma özünü elə aparır ki, guya bunları bilmir, görmür. Məsələ burasındadır ki, Azərbaycan və Rusiya arasında informasiya təhlükəsizliyinə dair sənəd imzalanıb, amma ermənilər Rusiya mediasından istifadə edərək yenə də bizə qarşı   iddialar irəli sürürlər, ərazilərimizin, toponimlərimizin adlarını saxtalaşdırırlar. Bu azmış kimi, Rusiya Müdafiə Naziliyi də öz bülletinlərində, məlumatlarında bu saxtakarlığı davam etdirir. Azərbaycan tərəfin xəbərdarlığına isə fikir vermirlər. Maraqlıdır ki, Rusiya Müdafiə Nazirliyi toponimlərin saxtalaşdırılması işini sülhməramlıların boynuna atsa da, Volkov əksini bildirir. Azərbaycan ərazisində müvəqqəti yerləşdirilən Rusiya sülhməramlı qüvvələrinin komandanı, general-mayor Andrey Volkov bildirir ki, onlar toponimlərin adlarını düzgün təqdim edirlər, amma saxtalaşdırma işi Rusiya Müdafiə Nazirliyində həyata keçirilir. Təbii ki, bu da ondan xəbər verir ki, Rusiya Müdafiə Nazirliyində ermənilər, ermənipərəst qüvvələr var və bu təxrtibatı bilavasitə onlar edir. Yaxşı, belədirsə, onda nə üçün Rusiyanın rəsmi qurumu buna yol verir? Azərbaycan çox düzgün olaraq Rusiya Müdafiə Nazirliyinin, eləcə də sülhməramlıların təxribatlarına cavab verir, onlardan hesabat tələb edir. Bu, Azərbaycanın gücünü göstərir.

Amma yadda saxlamaq lazımdır ki, Putin rejimi Sovet rejiminin formaca dəyişmiş, məzmunca eyni olan bir modelidir. Yəni bunların sözü ilə əməli heç zaman düz gəlmir”.

M.Zülfüqarlı qeyd etdi ki, o zaman bolşeviklər ilk olaraq sülh haqda dekret, torpaq barədə dekret təqdim edib, eyni zamanda da millətlərin öz müqəddaratını təyin etməsi qarşısında heç bir maneənin olmadığını bəyan ediblər, amma bunların heç biri 70 ildə həyata keçməyib. Onun vurğuladığına görə, bu onu göstərir ki, biz bağlanan sazişlərlə deyil, daha çox onun necə yerinə yetiruilməsi ilə maraqlanmalıyıq. “Bu gün Rusiya öz imzaladığı sənədə əməl etmirsə, sülhməramlıların təxribatçı separatçılara və fars-molla rejiminin xəfiyyələrinə qucaq açırsa, rejimin agentura şəbəkəsinin üzvlərini Qarabağa buraxırsa, biz artıq bunun cavabını verməliyik. Sazişdə əks olunan maddələrə uyğun tələblər qoymalıyıq. Amma tələbimiz yerinə yetirilmirsə, öz suveren hüquqlarımızdan istifadə etməliyik”-deyə qeyd edən M.Zülfüqarlı bildirdi ki, sülhməramlılar Qarabağda separatçıları və separatçılığı himayə edir, bu da bizim təhlükəsizliyimiz üçün təhdid yaradır, bu məsələ ilə bağlı Rusiyaya sözümüzü daha geniş və sərt şəkildə deməliyik. “Bu gün toponimlərimiz saxtalaşdırılır, bunu qəsdən edirlər. Təbii ki, burada rusların da, ermənilərin də rolu eynidir”-deyə M.Zülfüqarlı qeyd etdi.

İradə SARIYEVA

Peşə etikası

Son xəbərlər