06/02/2023 13:08
728 x 90

Qarabağda sülhməramlılarla İranın terror-təxribat qrupunun gizli işbirliyi açılır…

Elşən Həsənov: “Səbəbləri isə hamımıza məlumdur - Azərbaycana təzyiq, Ermənistan və Azərbaycan ərazilərində mövcud olan hərbi birləşmələrini qoruyub saxlamaqdır”

img

Qarabağda müvəqqəti yerləşdirilmiş rusiyalı sülhməramlıların mandatlarına zidd olaraq Azərbaycan ərazisinə keçidini təmin etdikləri İran terror-təxribat qrupunun üzvlərinin ad və soyadları məlum olub.

Onların siyahısı Teleqram kanallarında yayılıb:

- Mohmadi Vahab Mehr Əli

- Heydari Abdullah Alah Ram

- Mohmadi Dariuş Avaz

- Əmiritolmarani Elza Məhəmməd

- Fərzad Nader Salahşuri Douraki

- Məhəmməd Aref Hosseyn

- Almasian Nejad Ebrahim Mohammad

- Mohmadi Abdollah Mehr Əli

- Mohmadi Nəsrullah Mehr Əli

- Safari Hosseyn Hatəm

- Kuravand Taxt Kerrot Əlişir Hüseyn

- Məhəmməd Omid Mehr Əli

- Məhəmmədi Muxtar Bar Əhməd

- Salahşuri Douraki Kəramət Nader.

Qeyd edək ki, Qarabağ ərazisinə buraxılan 14 nəfərin hamısı İran İslam Respublikasının vətəndaşlarıdır. Onlar noyabrın 24-ü günorta saat 13-14 radələrində eyni avtomobildə sülhməramlıların postunu keçərək Xankəndiyə gəliblər və hazırda oradadırlar.

Qəribədir ki, 14 nəfərdən 12-si İranın eyni bölgəsindən - ölkənin cənub-qərbindəki İzeh şəhərindəndir. Qeyd edək ki, İzehin daxil olduğu Xuzistan vilayətinin əhalisi arasında ermənilər çoxluq təşkil edir və burada əsas işlək dillər arasında erməni dili də var.

Məlumata görə, iranlılar rusiyalı sülhməramlıların müvəqqəti nəzarəti altında olan ərazilərdə özünü çox rahat hiss edən terrorçu dəstələrə terror-diversiya təlimləri keçmək və konkret diversiyalar hazırlamaq üçün göndəriliblər. Bundan başqa, onların Qarabağda qalmış terrorçu dəstələrə İran istehsalı olan silah-sursatdan istifadə üçün təlim keçə biləcəkləri də deyilir.

Bunu Qarabağda sülhməramlılarla İranın terror-təxribat qrupunun gizli işbirliyi  saymaq olarmı?

Təhlükəsizlik məsələləri üzrə ekspert Elşən Həsənov “Bakı-Xəbər”ə açıqlamasında bildirdi ki, heç  bir mandatı və səlahiyyəti, faktiki olaraq hüquqi əsaslara malik olmayan,  quru Bəyanat  əsasında Azərbaycan ərazilərinə “sülhməramlı” adı altında soxulmuş  Rusiya hərbi kontingentinin nəzarət  dairəsi  altında olan ərazilərə İran vətəndaşlarından ibarət olan terror qrupu üzvlərinin keçməsi,  hazırda müzakirə olunan ən müəmmalı və hiddət doğurucu məsələlərdən biridir: “Qeyd etdildiyi  kimi,  qrup üzvlərinin tam siyahısı “Teleqram” kanalları və artıq mətbuat səhifələrində də  dərc olunub. Onların ərazilərimizə maneə olmadan keçməsinə şərait yaradan başlıca səbəbkar, tərəflər arasında imzalanmış üçtərəfli Bəyanatın altında imzasını atmış Rusiya tərəfini təmsil edən dırnaqarası sülhməramlı qüvvələrdir ki, onlar da yəqin öz rəhbərliklərinin razılığı olmadan belə bir hərəkəti etməyə cəsarətləri çatmazdı. Əlbəttə ki, fakt göz qarşısındadır və burada Rusiyanın Azərbaycana qarşı düşmən hərəkəti, regionda, eləcə də iki ölkə arasında gərginliyi saxlamaqla burada söz sahibi olaraq çıxış etmək, ən azından ərazilərdə mövcudiyyətini qoruyub saxlamaqdan ibarət olan niyyəti durur. İran təbəələri olan qrup üzvlərinin isə düşündüyüm qədər buradakı missiyaları təkcə təxribat və terror deyildir. Əslində Azərbaycana təzyiq olaraq Qarabağ ərazisində fəaliyyət göstərən separatçı qüvvələrə  bu məsələdə yardımı elə Rusiya tərəfinin özü göstərir. Qrup üzvlərinin məqsədi, ilkin variant olaraq  separatçılara ötürülmüş hərbi – texniki ləvazimat, eləcə də döyüş dronlarının idarə edilməsi üzrə təlimatlar keçmək məqsədi də daşıya bilər.

Hər halda belə bir hadisənin Ukraynanın işğal olunmuş ərazilərində də baş verməsi haqqında xəbərlər  yaxın günlərdə yayılmış xəbərlər sırasındadır. Orada da fəaliyyət göstərən İran təlimat qrupunun üzvləri aşkara çıxarılara zərərsizləşdirilmişdi.

İş ki, qaldı rus dırnaqarası sülhməramlılarının baş verənlərə göz yummasına, mən hadisələrə belə bir qiymətin verilməsinin əleyhinəyəm və belə bir baxışı sadəlövh baxış adlandırardım. Bütün bunlar məhz Rusiya rəhbərliyinin birbaşa göstərişləri və onların nəzarəti altında həyata keçirilən əməliyyatlar sırasına daxil olan məsələlərdən biridir. Səbəbləri isə hamımıza məlumdur - Azərbaycana təzyiq, Ermənistan və Azərbaycan ərazilərində mövcud olan hərbi birləşmələrini qoruyub saxlamaq, Qafqazın cənubunda söz sahibi olaraq qalmaq.

Bu və buna bənzər faktlar tərəfimizdən toplanılaraq Rusiya tərəfinə təqdim olunur. Amma hər səbrin də bir sonu var. Yəqin ki, Ukrayna cəbhəsində uğursuzluğa düçar olan,   həm də maliyyə - iqtisadi cəhətdən çökdürülən Rusiyanın buradakı dayaqları da zəifləyərək və sonu məlum olan nəticəyə gətirib çıxaracaqdır – Məğlubiyyət !

Rusiyanın məğlubiyyəti isə həm Federasiyanı təşkil edən subyektlərin, həm də ətraf və qonşu dövlətlərin rahat nəfəs alması deməkdir.

Ən azından Rusiyanın başına gətirilənlər İran üçün də bir dərs olmalıdır. Daxilində baş verən narazılıqları qan gölündə boğan, qonşu dediyi dövlətlərin ərazilərinə təxribat – terror qrupları göndərən dövlət olaraq onun aqibətinin heç də yaxşı sonluqla bitməyəcəyi göz qabağındadır”.

Məhəmmədəli QƏRİBLİ

Peşə etikası

Son xəbərlər