06/02/2023 13:00
728 x 90

Ermənistan parlamentində Azərbaycanla bağlı qətnamənin rədd edilməsinin pərdəarxası mənaları...

Abutalıb Səmədov: “Hakim partiya bu dəfə sənədin müzakirəyə imkan versə də, qəbuluna şərait yaratmadı”

img

Ermənistan parlamenti Azərbaycan əleyhinə layihəyə “YOX” deyib. Ermənistan parlamentində müzakirəyə çıxarılan Azərbaycan Milli Məclisinə qarşı bəyanat layihəsi qəbul edilməyib. Layihənin lehinə 29 müxalifətçi deputat səs versə də, yetərli səs toplanmayıb və bəyanat qəbul olunmayıb. Parlamentdə iqtidarı təmsil edən deputatlar layihənin əleyhinə səs veriblər.

Azərbaycana qarşı layihəni müxalif “Hayastan” fraksiyası təklif etmişdi. 3 saat davam edən gərgin müzakirələrdən sonra qəbul edilməyən layihənin Azərbaycan Milli Məclisinin noyabrın əvvəlində Ermənistanı pisləyən bəyanatına “cavab xarakteri daşıdığı” bildirilir.

Ermənistan parlamentində Azərbaycanla bağlı qətnamənin rədd edilməsinin hansı pərdəarxası mənaları var?

Azərbaycan Naminə Alyans Partiyasının sədri Abutalıb Səmədov “Bakı-Xəbər”ə açıqlamasında bildirdi ki,  Ermənistan parlamentində təmsil olunan müxalifıt partiyaları bir necə dəfə anti-Azərbaycan layihələri ilə müzakirə açmaq istəyiblər: “Hər dəfə də, hakim partiya belə müzakirələrin açılmasına imkan verməyib. Müxalifətçilərin sayı isə belə müzakirələri təşkil edib, parlamentdə anti-Azərbaycan şousu qurmağa imkan vermədiyindən, hər dəfə bu cəhdlər uğursuzluqla nəticələnib. Bu dəfə hakim partiya bu müzakirələrin qarşısını almadı. Məsələnin parlamentin müzakirəsinə çıxarılması müxalifətdə  ümidlər yaratdı ki, nəhayət Azərbaycan əleyhinə hansısa sənədin qəbuluna nail ola bilərlər. Aydındır ki, məqsəd öz populyarlıqlarını artırmağa hesablanıb. Onlar Ermənistan cəmiyyətindən müəyyən dividentlər əldə etmək istəyirlər. Hakim partiya bu dəfə sənədin müzakirəyə imkan versə də, qəbuluna şərait yaratmadı. Hakim partiya həmin səsvermədə bitərəf qaldı.  Bir daha sübut olundu ki, Ermənistanda ağlı başında olan qüvvə Paşinyanın rəhbəri olduğu partiyadır. Bundan əvvəl ABŞ dövlət katibi Blinken Azərbaycana qarşı tutduğu qeyri-konstruktiv mövqeyinə görə, Paşinyana öz iradını bildirmişdi. Bu ərəfədə ABŞ-ın Cənubi Qafqaz üzrə xüsusi nümayəndəsi Filib Riker Azərbaycana, ardınca Ermənistana səfər etdi. Görünür onun da Ermənistan rəhbərliyinə iradları olub və bu, təsirsiz qalmayıb. Paşinyanın növbəti danışıqlarda Makronla əl-ələ iştirak etmək cəhdləri də ABŞ-ın xoşuna gəlməyib. Çünki son dərəcə məntiqsiz və əsassız yanaşmadır. Yəqin ki, Paşinyan bu ayın sonlarına doğru Makronsuz növbəti görüşə razı olacaq”.

Məhəmmədəli QƏRİBLİ

Peşə etikası

Son xəbərlər