Prezident İlham Əliyev “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda sualları cavablandırarkən ermənilərin Azərbaycana olan nifrətinin kökünü tutarlı arqumentlərlə belə qruplaşdırdı:
“Cəmiyyəti diaspor və erməni millətçilərinin təbliğatı zəhərləmişdir. Onların azərbaycanlılara qarşı törətdiyi dəhşətli hərəkətlərin, bizim şəhərlərimizi nəyə görə məhv etdiklərinin səbəblərindən biri də bu idi. Məsələn, Ağdam, Şuşa, Füzuli və başqa şəhərləri nəzərdə tuturam. Onların beyni diaspor tərəfindən yuyulmuşdur. Çünki biz onlara heç bir ziyan vurmamışdıq. Nəyə görə bu qədər nifrət var? Nəyə görə məzarları eşirlər? Nəyə görə məscidləri dağıdırlar? Cavab onların təhsil sisteminin zəhərli olmasındadır. Onlar uşaqlarını Türkiyəyə və Azərbaycana nifrət aşılamaqla böyüdürlər. Beləliklə, türkofobiya və azərbaycanofobiya onların ideologiyasıdır”.
Bütün bunlar bir daha erməni cəmiyyətinin nə dərəcədə zəhərləndiyini ortaya qoyur.
“Biz erməni yazıçılarının sülh, barış əvəzinə zorakılıq, nifrət çağırışlarının canlı şahidləriyik”
Sözügedən məsələ ilə bağlı fikirlərini “Bakı-Xəbər”lə bölüşən AMİP-in sədr müavini Afsəddin Nəbiyevin sözlərinə görə, Prezident İlham Əliyev erməni millətçilərinin davranışlarının faşizmdən fərlənmədiyni dilə gətirməklə bu toplumun əsl mahiyyətini dünyaya nümayiş etdirdi: “Erməni cəmiyyəti onilliklər boyu diaspor tərəfindən uydurma təbliğatla elə zəhərlənib ki, nəinki Cənubi Qafqazda, bütün dünyada sivil dünyaya təhlükə yaratmaqdadır. Baxın, məşhur əslən azərbaycanlı alim Lütfüzadə Berkli Universitetində təhsil almış, dünya elminə böyük töhvələr verərək qeyri-səlis nəzəriyyənin banisi olaraq bir çox elmi kəşflərə imza atıb. Ancaq həmin Universitetdə təhsil almış erməni Monte Melkonyan terrorçu olaraq neçə-neçə dinc insanları qətlə yetirib. Azərbaycanlı yazıçılar öz əsərlərində dünyanı sülhə, barışa, səsləyir. Erməni yazıçıları isə nümayişkaranə şəkildə zorakılığı, müharibəni təbliğ edirlər. Azərbaycan romantizminin banisi Hüseyn Cavid dünyaya müraciət edərək, "Kəssə hər kim tökülən qan izini, qurtaran dahi odur yer üzünü" deyib. Belə nümunələri çox sadalamaq olar. Erməni millətçiliyinin sağalmaz bir xəstəlik olduğunu elə bu nümunələrdən də görmək mümkündür. Azərbaycanlı ziyalılar bəşəriyyətə səslənərək hər zaman insanları sülhə, barışa səsləyib. Ancaq biz erməni yazıçılarının sülh, barış əvəzinə zorakılıq, nifrət çağırışlarının canlı şahidləriyik. Erməni yazıçıları Xaçatur Abovyanın, Zori Balayanın, Aqanbekyanın "yaradıcılığın"da ancaq zorakılıq, kin-nifrət təbliğ olunur. Görünən odur ki, diaspora bu zərərli davranışları hətta erməni yaradıcı insanlarının da beyinlərinə yeritməyi bacarıb. Erməni "ideoloqları"nın insanlığa sığmayan davranışları son nəticədə nəinki regionda yaşayan dinc xalqlara, bütün dünyaya böyük bir təhlükədir. Onların işğal dövründə Azərbaycana məxsus dini abidələri, infrastrukturu necə vandallıqla məhv etmələri bütün dünyanın gözü qarşısında baş verib. 44 günlük müharibədən sonra Azərbaycan dövlət və hökumət nümayəndələrinə belə bir çağırış etmişdim ki, işğaldan azad olunmuş torpaqlarımızda dərhal quruculuq işləri aparılmasın. Çünki ilk öncə biz bütün dünyaya erməni vandallığını göstərməliyik. Hazırda bu işlər davam etdirilir. Dünya ictimaiyyəti erməni vəhşiliyini əyani sürətdə görür. Biz erməni millətçiliyinin asanlıqla təslim olmasına inana bilmərik. Bu günlərdə erməni millətçiləri Fransadan, İrandan və digər dövlətlərdən dəstək alaraq işğalçı niyyətlərini gizlətmirlər. Ona görə də Azərbaycan dövləti uğurlu "Dəmir Yumruq " əməliyyatlarına daim hazır vəziyyətdə olmalıdır və bu belə də olacaq. Erməni millətçiliyi artıq bütün dünya üçün bir təhlükədir”.
Bu baxımdan sədr müavini hesab edir ki, bu problem dünya ictimaiyyətini də narahat etməlidir.
Vidadi ORDAHALLI
