05/02/2023 15:14
728 x 90

Sülhməramlılar 14 ölkənin casuslarını və tör-töküntülərini Xankəndiyə buraxdı...

Aqşin Kərimov: “Sülhməramlıların belə əmələ yol verməsi təəccüblü də deyil, çünki onlar xidmət dövrlərində mandatlarından kənara çıxan xeyli addım atıblar”

img

Qarabağda müvəqqəti yerləşdirilmiş Rusiyanın sülhməramlı kontingentinin öz missiyasına zidd davranışları davam edir. İki ildir burada fəaliyyət göstərən sülhməramlılar indiyə qədər rəsmi Bakıdan icazə almadan Qarabağa müxtəlif xarici ölkələrin nümayəndələrini, Ermənistanın rəsmi və qeyri-rəsmi şəxslərini buraxıb. Onlar 10 noyabr 2020-ci il bəyanatının heç bir bəndinə əməl etmək istəmirlər, hər addımda özbaşınalıq edirlər.

Mətbuatda son yayılan məlumatlara görə, rusiyalı sülhməramlılar tərəfindən Qarabağ ərazisində 14 xarici ölkə vətəndaşının keçidi təmin olunub.

Qeyd edilir ki, onların xarici ölkənin xüsusi xidmət orqanlarının əməkdaşları və ya digər müvafiq təyinatlı şəxslər olması haqda məlumatlar var.

Mənbə mətbuata bildirib ki, hazırda məsələ araşdırılır və müvafiq dəqiqləşdirmədən sonra Qarabağa keçidi təmin olunmuş xaricilərin kimliyi haqda əlavə məlumat veriləcək.

Xatırladaq ki, Qarabağ ərazisinə daxil olmaq istəyən şəxslər rəsmi Bakının icazəsindən sonra bu addımı ata bilərlər.

Qeyd ediliyi kimi, sülhməramlıların Qarabağa buraxdığı 14 nəfərin arasında casusluq fəaliyyəti ilə məşğul olanlar da var, onlar bura öz əməllərini həyata keçirmək üçün gəliblər.

  • “...düşünürəm ki, bu, Rusiyanın maraqlarına cavab verir”

Siyasi ekspert Aqşin Kərimov “Bakı-Xəbər”ə şərhində bildirdi ki, Rusiya sülhməramlıları hər zaman belə qanunsuzluqlara yol verib. “Azərbaycan ərazilərində xidmət müddəti müvəqqəti olaraq təsbit edilmiş Rusiya sülhməramlılarının 14 xarici ölkə vətəndaşını özlərinin müvəqqəti məsuliyyət zonasına buraxması məlumatları hələ təsdiqini tapmayıb. Ancaq sülhməramlıların belə əmələ yol verməsi təəccüblü də deyil, çünki onlar xidmət dövrlərində mandatlarından kənara çıxan xeyli addım atıblar.

Azərbaycanla Rusiya Müdafiə nazirlikləri arasındakı son söz atışmalarının qarşılıqlı şəkildə şiddətlənməsi elə Moskvanın sülhməramlıların yerləşdiyi ərazilərə dair bizə məchul, lakin dövlətə məlum planından xəbər verir.

Məchulu şərh vasitəsilə aydın təsəvvürə keçirmək işinə girişsək, o zaman deyə bilərik ki, Rusiya Qarabağda rus icmasını yaratmaq işini rus iş adamlarının regiona gəlməsi ilə nəticələndirmək istəyir.

Çünki Qarabağ zəngin resurslara sahibdir, xüsusən də qızıl yataqları Rusiyanın diqqətini cəlb edir. Qızıl yataqlarının gələcək istismarında pay sahibi olmaq Moskvanın ambisiya çevrəsində yer tutur.

Hesab edirəm ki, Rusiyanın regiona ənənəvi “münaqişə ya da mübahisəli məsələ olsun, perspektiv üçün özümə müdaxilə imkanı saxlayım” fikrini həmin qızıl söhbəti də müşayiət edir.

Xarici ölkə vətəndaşlarının Qarabağa girişi ilə bağlı məlumatlara gəlincə, düşünürəm ki, bu, Rusiyanın maraqlarına cavab verir və ruslar onların əli ilə maraqlarının mütləq təmininə çalışırlar.

Ancaq bir məqamı nəzərdən qaçırmalı deyilik ki, Azərbaycan xüsusi xidmət orqanları hər bir prosesi diqqətdə saxlayır, yəni Xankəndiyə giriş-çıxışdan tutmuş, bura kimin hansı niyyətlə gəlməsi barədə dəqiq kəşfiyyat məlumatlarına sahibdir”.

A.Kərimov hesab edir ki, Azərbaycan sonrakı kontr-addımlarını həmin məlumatlardan yola çıxaraq atacaq və burada Rusiya ilə yeni gərginıik gözlənilir.

İradə SARIYEVA

Peşə etikası

Son xəbərlər