Hər yeni gün Ermənistanın Azərbaycana qarşı törətdiyi müharibə cinayətlərinin növbəti izləri aşkarlanır. Azad olunmuş ərazilərimizdə tikinti-quruculuq, bərpa illəri ilə bağlı həyata keçirilən işlər zamanı müxtəlif yerlərdən kütləvi məzarlıqlar aşkarlanıb. Toplu məzarlıqlardan başqa bir neçə yerdə ermənilərin kütləvi halda basdırdığı da mina da üzə çıxarılıb.
Elə ərazilərimiz, elə gümanımız gəlməyən yerlərimiz var ki, ermənilər ora saysız mina basdırıb və bu da təsadüf nəticəsində aşkarlanır. Son olaraq Sarıbaba yüksəkliyində 350-dən artıq minanın aşkarlanması faktı artıq dünyaya məlumdur. Maraqlıdır ki, bu minaların Ermənistanın Gümrü mina zavodunda istehsal edildiyi barədə məlumatlar yayılıb. Rəsmi məlumata görə, indiyə kimi, Sarıbaba yüksəkliyindən 1300-dən artıq mina aşkarlanıb. Bütün bunlar isə Ermənistanın mina cinayətlərinin tərkib hissədidir. MN nazirliyindən bildirilib ki, Azərbaycan Müdafiə Nazirliyinin dəvətinə əsasən Azərbaycan ərazisində müvəqqəti yerləşdirilən Rusiya sülhməramlı qüvvələrinin komandanı general-mayor Andrey Volkov, Türkiyə-Rusiya Birgə Monitorinq Mərkəzinin Türkiyə kontingentinin rəhbəri general-mayor Fatih Akpınar və Rusiya kontingentinin rəhbəri kontr-admiral Oleq Semyonov ərazidə olublar. Bu yüksək vəzifəli şəxslərin Sarıbaba yüksəkliyində aşkarlanan Ermənistan istehsalı olan minaları gözləri ilə görməsi, bundan başqa xarici ölkə səfirliklərinin, diplomatların, hərbi atteşelərin
olunmuş ərazilərdən aşkarlanan kütləvi məzarlıqları, minaları gözləri ilə görməsi nəticəsiz qalmır, onlar bu və başqa şəkildə erməni cinayətləri barədə danışırlar.
Ermənistanın müharibə cinayətləri ilə bağlı xarici ölkələrin səfirləri, hərbi atteşelər və başqaları daim məlumatlandırılır, qeyd etdiyimiz kimi, bəziləri gedib toplu məzarları görüblər.
Əlbəttə, bütün bunların beynəlxalq aləmə çatdırılmasında o şəxslər əsaslı rol oynaya bilirlər. Müzəffər Ali Baş Komandanın rəhbərliyi ilə beynəlxalq aləmdə erməni cinayətlərinin hərtərəfli ifşası prosesi həyata keçirilir. Prezident iştirak etdiyi yerli və xarici tədbirlərdə, görüşlərdə çıxışı zamanı Ermənistanın törətdiyi müharibə cinayətlərindən geniş danışır. Təbii ki, ayrı-ayrı diplomatlar da öz sosial şəbəkə hesablarında Ermənistana ağır zərbə vuran faktlardan bəhs edirlər.
“Müharibə bitsə də, hələ də Ermənistanın müharibə cinayətləri davam edir”
İSBAM sədri Samir Adıgözəlli “Bakı-Xəbər”ə şərhində bildirdi ki, Müzəffər Ali Baş Komandan İlham Əliyevin doğru-düzgün seçilmiş siyasi kursu, siyasi strategiyası əsasında torpaqlarımız işğaldan azad edilib. 27 sentyabr 2020-ci ildə başlayan və noyabrın 10-da başa çatan Vətən müharibəsi və qələbəmiz dünya hərb tarixinə qızıl hərflərlə yazılıb. S.Adıgözəlli qeyd etdi ki, biz müharibədə torpaqlarımızı azad etdik, zəfər qazandıq. Vətən müharibəsinin hər detalının dünya hərb elmi tərəfindən öyrəniləcək deyən S.Adıgözəlli qeyd etdi ki, biz torpaqlarımızı azad etdikdən sonra burada daha dəhşətli erməni cinayətləri ilə üzləşdik. S.Adıgözəlli vurğuladı ki, biz özümüz həm qazandığımız zəfər təntənəsini, həm də Ermənistanın çox geniş müharibə cianyətlərini dünyaya yaymaqda davam etməliyik. “Biz İSBAM olaraq mütamadi olaraq bu yöndə çalışırıq. İndiyə qədər bununla bağlı bir neçə tədbir keçirmişik. Həm vətəndaş cəmiyyəti institutları, həm də media bu istiqamətdə işləməlidir. Ermənistanın müharibə cinayətləri ilə bağlı faktların dünya ictimaiyyətinə çatdırılması məsələsindəki fəaliyyət daha da geniş miqyas almalıdır. Doğrudur, bu istiqamətdə işlər gedir. Həm müharibə, həm də postmüharibə dövründə diplomatiyanın başında Ali Baş Komandan dayanıb və o öz çıxışlarında, müsahibələrində, görüşlərində erməni cinayətlərini bütün dünyaya yayıb. Bu gün də proses davam edir. Məsələ burasındadır ki, müharibə bitsə də, hələ də Ermənistanın müharibə cinayətləri davam edir. Biz hər gün o cinayətin şahidi oluruq. Azad edilmiş ərazilərimizdə erməni cinayətlərinin izləri o qədər dərindən kök salıb ki, bu barədə danəşanda adamı dəhşət bürüyür. Son 30 ildə bunlar bizim ərazilərimizdə çox dəhşətli cinayətlər törədiblər. O dəhşətli cinayətlərdən biri də insanlarımızın kütləvi şəkildə öldürülərək toplu məzarlıqlarda dəfn edilməsidir. O məzarlıqlar açıldıqca biz dəhşətə gəlirik. Çox yaxşı haldır ki, Azərbaycanda fəaliyyət göstərən xarici ölkə səfirləri, diplomatlar, hərbi attaşelər bu barədə məlumatlandırılır və onlar həmin məzarlıqları gözləri ilə görür. Heç şübhəsiz ki, biz daha çox diplomatın bu məzarlıqları gözləri ilə görməsinə, Ermənistanın cinayətlərini ifşa etməsinə çalışmalıyıq. Biz bundan faydalanmalıyıq ki, onlar obyektiv olsunlar, öz ölkələrinə qayıtdıqdan sonra bu barədə danışsınlar, yazsınlar. Əlbəttə, bu təbliğatda çox maraqlıyıq, innıram ki, bu təbliğatda bizə dəstək olanların sayı daha da çoxalacaq”.
“...Bunun özü də imkan yaradır ki, yaxın gələcəkdə Ermənistan beynəlxalq məhkəmələrdə...”
S.Adıgözəlli hesab edir ki, xarici diplomatlar Azərbaycan həqiqətləri və Ermənistanın müharibə cinayətləri ilə bağlı dünya ictimaiyyətinə, dünya mediasına daha ətraflı məlumatlar verə bilərlər: “Çünki gedib Ermənistanın müharibə cinayətlərini, insanlıq əleyhinə terrorunu öz gözləri ilə görməsi imkan verir ki, onlar bunu təbliğ etsinlər, dünya ictimaiyyətinə çatdırsınlar. Artıq neçə diplomat, xarici nümyəndə Ağdamı, Füzulini gördükdən sonra dəhşət gəlib və gördükləri vandalizmi etiraf ediblər. Ermənilər şəhərlərimizi yerlə-yeksan edib, daşı-daş üstə qoymayıb. Ağdam şəhəri yoxdur, yerlə yeksan olunub. Ermənistanın faşist Almaniyasından daha dəhşətli müharibə cinayəti törətdiyi dünyaya məlumdur. Ermənistan faşistlərdən də artıq insanlıq əleyhinə cinayət törədib, ekosid, genosid, kultursid törədib. Erməni vandalizmini, kütləvi məzarlıqları xarici diplomatlar böyük dəhşətlə, vahimə ilə izləyiblər. Hesab edirəm ki, bunun özü də imkan yaradır ki, yaxın gələcəkdə Ermənistan beynəlxalq məhkəmələrdə müttəhim olaraq ittiham olunsun.
Təsəvvür edin ki, belə bir cinayət törədən dövlət, terrorçu hərbi-siyasi rəhbərlik hələ də məsuliyyətdən kənarda qalıb. Xocalı qatilləri, ərazilərimizi viranə qoyan cinayətkarlar öz cəzalarına çatmalıdır”-deyə S.Adıgözəlli qeyd etdi.
İradə SARIYEVA Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
