06/02/2023 14:20
728 x 90

Toivo Klaar bir az da konkret danışsaydı... Güclü siyasi iradəsi olmayan bizik, ya Ermənistan...

Bəhruz Quliyev: “Azərbaycan İrəvanı sülhə məcbur etmək üçün sərt və qətiyyətli tədbirlər görə bilər”

img

"Gərginliyin azaldılması və Azərbaycanla Ermənistan arasında hərtərəfli tənzimlənmənin əldə olunması üçün təmkinlilik və güclü siyasi iradə lazımdır" . Bu barədə Aİ-nin Cənubi Qafqaz üzrə xüsusi nümayəndəsi Toivo Klaar öz Twitter səhifəsində yazıb.

O, həmçinin, Prezident İlham Əliyevin Avropa İttifaqı tərəfindən dəstəklənən formata sadiqliyini vurğulayıb.

" Azərbaycanla Ermənistan arasında sülhün əldə olunması üçün güclü siyasi iradə lazımdır" deyən Aİ təmsilçisi, əslində bu siyasi iradəni Ermənistandan tələb etməlidir ki, bu siyasi iradəni bu ölkə göstərsin.

Çünki Azərbaycan ortaya kifayət qədər əzm və iradə qoyub, mövqeyi birmənalı olaraq aydındır. Burada, əlbəttə, Aİ təmsilçisinin daha konkret danışması vacibdir. Bu baxımdan da Aİ rəsmlərinin Ermənistanı siyasi iradə nümayiş etdirməyə məcbur etməsi zəruridir. Çünki Ermənistan bundan yayınır.

“Biz son vaxtlar, xüsusilə  Fransanın Ermənistana açıq dəstəyini göstərməsinin, o cümlədən digər regional proseslərin ardınca rəsmi İrəvanın yenidən sanki 44 günlük müharibədən əvvəlki ab-havasına geri döndüyünü müşahidə edirik və bütün bunlar ilk baxışdan onu göstərir ki, hələ də işğalçılıq meylləri ilə var-gəl edən bu ölkənin sülhə məcbur edilməsi get-gedə daha çox zərurətə çevrilməkdədir”.

  • “Azərbaycanın güclü siyasi iradəsi ortadadır, Ermənistanın siyasi iradəsi yoxdur, bu konkret ifadə olunmalı idi”

Bu fikirləri “SƏS” qəzetinin baş redaktoru, siyasi ekspert Bəhruz Quliyev Avropa İttifaqının Cənubi Qafqaz üzrə xüsusi nümayəndəsi Toivo Klaarın "Azərbaycanla Ermənistan arasında sülhün əldə olunması üçün güclü siyasi iradə lazımdır" ifadəsini şərh edərkən deyib.

B. Quliyev hesab edir ki, T. Klaar bu məsələdə konkret danışmalı və Ermənistanın güclü siyasi iradəyə sahib olmadığını qeyd etməli idi. "Azərbaycanın güclü siyasi iradəsi ortadadır, Ermənistanın siyasi iradəsi yoxdur, bu, konkret ifadə olunmalı idi".

Onun sözlərinə görə, əslində həmin siyasi iradəni Azərbaycan 44 günlük müharibə zamanı göstərdi və torpaqlarını işğaldan azad etdi, sonrakı müddətdə isə Ermənistan rəhbərliyi 10 noyabr 2020-ci il üçtərəfli bəyanatı vasitəsi ilə kapitulyasiya sənədinə imza atmalı oldu, əks halda həmin ölkəni daha böyük məğlubiyyətlər və fəlakətlər bürüyə bilərdi. Ancaq Azərbaycan Prezidenti İlham Əliyev bu dəfə də böyük humanizm nümayiş etdirməklə rüsvayçı məğlubiyyətlə üz-üzə qalmış işğalçıya aman verdi, zaman tanıdı ki, yerdə qalan ərazilərdəki qanunsuz silahlı formalaşmalarını suveren torpaqlarımızdan çıxarsın və həmin yerlərdə də məhz Azərbaycanın qanunları bərqərar olunsun: “Təəssüf ki, Ermənistanın siyasi rəhbərliyi bu addımı da anlamadı və hazırda da istər dəqiqləşdirilməmiş sərhədlərimizdə, istərsə də separatçı tör-töküntülərin qaldıqları ərazilərdə atəşkəs rejimini pozur, hərbi cinayətlərə əl atır. Yəni fakt budur ki, Toivo Klaar rəsmi Bakının hazırkı dövrə qədər əldə edilən bütün razılaşmalara əməl etdiyini və sülhə tərəf istiqamət aldığını da ifadə etməsi ilə Azərbaycan Prezidentinin siyasi iradə nümayiş etdirdiyini xüsusilə vurğulayıb və həmin vasitə ilə Ermənistanın baş naziri Nikol Paşinyana eyham vurub ki, artıq onun başqa əlacı da yoxdur – ya sülh prosesinin davamı üçün müxtəlif bəhanələrdən əl çəkilməli, ya da qarşı tərəf sülhə məcbur edilməlidir. Bəs nədir həmin məcburetmə vasitələri? Xatırladım ki, Azərbaycan Prezdenti İlham Əliyev dəfələrlə öz çıxış və bəyanatlarında Azərbaycan xalqının və dövlətinin səbrinin tükənməz olmadığını deyir, Dəmir yumruğu xatırladır. Yəni bu o deməkdir ki, rəsmi İrəvan bundan sonra da öz bəd əməllərini davam etdirmək niyyətində olarsa daha ağır və daha sarsıdıcı zərbələrə məruz qalacaq. Bax, sülhəməcburetmə vasitələrindən biri də budur”.

Siyasi ekspert Toivo Klaarın Prezident İlham Əliyevin Avropa İttifaqı tərəfindən dəstəklənən formata sadiqliyini vurğulaması faktına da toxunaraq qeyd edib ki, Azərbaycanın dövlət başçısı, nəinki Avropanın, ümumilikdə dünyanın siyasi arenasında sözünü, vədini tutan, heç vaxt öz vədindən geri çəkilməyən xarizmatik lider kimi dəyərləndirilir: “Halbuki, artıq Avropa İttifaqının siyasi sahələrində, eləcə də digər dairələrdə Ermənistanın rəhbərliyi öz ayağısürüşkənliyi, etibarzıslığı, həm də etimadsızlığı ilə seçilib. Bu reallıqlar isə əslində mövcud qlobal siyasi mühitə mənfi təsirlərini göstərir, regionun iqtisadi. enerji və s imkanlarını, potensiallarını gecikdirir, hansı ki, bu imkanlar bütövlükdə Avropaya da öz müsbət təsirlərini göstərə bilər. Ona görə də artıq Avropadakı diplomatlar da anlayırlar ki, Ermənistana qarşı siyasi təzyiqlər öz nəticəsini verməzsə Azərbaycanın öz ərazilərini istər sülhəməcburetmə, istərsə də antiterror adı altında azad etmək hüququ var və rəsmi İrəvan da şübhə etməməlidir ki, öz oyunbazlıqlarını bu cür davam etdirsə, həmin addımlar mütləq, qeyd-şərtsiz atılacaq”.

İradə SARIYEVA

Peşə etikası

Son xəbərlər