06/02/2023 12:47
728 x 90

Molla rejiminin Azərbaycan dili siyasətinin mahiyyəti ifşa edildi - Əliyev dəqiq izah etdi...

Sədrəddin Soltan: “İran hakimiyyətinin Azərbaycan dilinə qarşı çıxması beynəlxalq cinayətdir”

img

“Azərbaycanda tədrisin rus dilində aparıldığı 340 məktəb fəaliyyət göstərir. Bununla yanaşı, respublikada 10 məktəbdə tədris gürcü dilindədir. Gürcüstanda 116 azərbaycandilli məktəb var. İranda tədrisin erməni dilində aparıldığı məktəblər var, ancaq Azərbaycan dilində tədrisin olduğu məktəb yoxdur. Bu necə ola bilər? Əgər kimsə deyir ki, bu, daxili işlərə müdaxilədir, biz bunu tamamilə rədd edirik. Azərbaycanın xarici siyasəti gün kimi aydındır – biz heç bir dövlətin daxili işinə qarışmamışıq və qarışmırıq”.

Bunu Prezident İlham Əliyev noyabrın 25-də ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda çıxışında deyib.

Dövlət başçısı bildirib: “Biz İran məktəblərində Azərbaycan dilində tədris məsələsini ona görə qaldırırıq ki, əks təqdirdə, ana dilində danışan İran azərbaycanlıları dilin ədəbi komponentini itirirlər və Azərbaycan dili sadəcə məişət səviyyəsində qalır”.

  • “İranda Azərbaycan türkcəsi 100 ildən artıqdır ki, İran fars mərkəzi düşüncə sisteminin təzyiqi altındadır”

İranda azərbaycan dilində məktəbin olmaması barədə fikir bildirən Orta Doğu Araşdırmalar Mərkəzinin rəhbəri, siyasi şərhçi Sədrəddin Soltan “Bakı-Xəbər”ə açıqlamasında qeyd etdi ki, Iranda Azərbaycan türkcəsi 100 ildən artıqdır ki, İran fars mərkəzi düşüncə sisteminin təzyiqi altındadır. Danılmaz faktdır ki, Iranda Azərbaycan türkcəsində danışan insanlar cərimə edilir, təzyiqə məruz qalır. Qanunvericilikdə Iranda tədrisin ana dilində keçirilməsi ilə bağlı qeyd olunmasına baxmayaraq İran hakimiyyəti buna əhəmiyyət vermir: “Prezident İlham Əliyev öz açıqlamasında bildirib ki, İranda azərbaycan dili məhv olmaq üzrədir. Bu Iran hakimiyyətinin Azərbaycan türkcəsinə qarşı apardığı siyasətin nəticəsidir. İran hakimiyyəti tərəfindən doğma dilimiz soyqırımla üzə-üzədir.

Prezident İlham Əliyev İran hakimiyyətinin bu cinayətinə qarşı çıxış edib. Həmçinin, ölkə başçısı beynəlxalq ictimaiyyəti Iranın milli-mədəni soyqırım cinayətinin qarşısının alınması ilə bağlı çağırış edib. Prezident İlham Əliyev dünya ictimaiyyətini bu zülm, şiddətə qarşı birləşməyə çağırıb. Bununla bağlı Azərbaycan dövləti bütün beynəlxalq normalara, qaydalara uyğun davranır. Bu bir millətin silinməsi, milli-mənəvi dayaqların məhv edilməsi deməkdir”.

Həmsöhbətimiz hesab edir ki, İran hakimiyyətinin Azərbaycan dilinə qarşı çıxması beynəlxalq cinayətdir. Iran hakimiyyəti bu addımı ilə öz yasasına hörmətsiklik edir. Iran ana yasasının əsasları Quran, Həzrət Əli və Məhəmməd Peyğəmbərin hədislərindən götürülüb. Iran hakimiyyəti qeyri-farsların, xüsusən də Azərbaycan türklərinin haqqını tapdalayır, onlara doğma dilində danışmağı qadağan edir, azərbaycan dilində məktəblərin olmamasına şərait yaratmaqla İran hakimiyyəti ana yasaya qarşı çıxır.

Günel CƏLİLOVA

Peşə etikası

Son xəbərlər