Paşinyanın İrəvanda KTMT liderlərini qarşılaması anormal jestlər kimi dəyərləndirilir...

Tofiq Abbasov: “Ermənistan bilir ki, KTMT üzvü olan həmin siyasi liderlərin hamısı Azərbaycanın dostudur”

img

Ermənistan Baş naziri Nikol Paşinyan KTMT-nin sammitində iştirak etmək üçün İrəvana gələn üzv ölkə liderlərinə qarşı qeyri-etik davranışa yol verib.

Qazaxıstan, Qırğızıstan, Tacikistan və Belarus liderləri Qasım-Jomart Tokayev, Sadır Japarov, İmaməli Rəhman və Aleksandr Lukaşenkonu hava limanında XİN-in rəhbəri də deyil, müavini qarşılayıb.

İrəvana ən sonuncu gələn Rusiya lideri Vladimir Putini isə hava limanında, təyyarənin önündəcə Baş nazir Nikol Paşinyan qarşılayıb. N.Paşinyan, eyni zamanda, Vladimir Putinlə bərabər Rusiya liderinin limuzininə oturub.

Heç bir protokol qaydalarına uyğun gəlməyən bu davranışdan hansı nəticə çıxara bilərik və hörmətsizlik görən ölkə başçılarının buna münasinəti necə olmalıdır?

Politoloq Tofiq Abbasov “Bakı-Xəbər”ə açıqlamasında bildirdi ki,  İrəvana gələn KTMT-yə üz ölkəlırin rəhbərləri bu cür davranışdan dərin təəccüb və anlaşılmazlıq keçirməyiblər: “Çünki onlar Paşinyan və onun komandasını gözəl tanıyır. Fransada “moviton” deyilən bir söz var. Mənası normadan kənar, həyasızlıqdır. Erməni “etikasında” “moviton” geniş yer tutur. Onların bütün davranışları, tarixi saxtalaşdırmaq cəhdləri “moviton”la  tam uzlaşır. Görün vəziyyət nə həddə çatıb ki, onlar ukrayınlara məxsus olan borş yeməyini  belə özünküləşdirməyə cəhd edirlər. Bu millətin özünün heç nəyi olmadığı halda, onlar dünyaya yayırlar ki, siviluzasiyanın “beşiyi” Ermənistandır. Halbuki, Ermənistanın indiki ərazisində onlar  heç vaxt yaşamayıb. Bu məsələdə isə biz siyasi “movitonun” konturlarını görürük. Protokol deyilən bir anlayış var. Diplomatiya və siyasətdə ciddi riayət edilən bu məfhumu ayaq altına qoyublar. Bununla da göstərirlər ki, mədəni xalq deyillər. Əgər təşkilatçı ölkənin rəhbəri gedib Rusiya  prezidentinin limuzininə oturursa, bu heç təhlükəsizlik  normasına sığmır. Bəlkə sən mindiyin avtomobilə nəsə yerləşdirmək istəyirsən? Ermənilərin siyasi liderləri belədə özlərinin tərbiyəsizliyini nümayiş etdirmiş

olurlar. Çox güman ki, Paşinyan bu sayğısızlığı  bilərəkdən edib. Ermənistan bilir ki, KTMT üzvü olan həmin siyasi liderlərin hamısı Azərbaycanın dostudur. Lukanşenko dəfələrlə onlara deyir ki, KTMT-dəki ölkələri  Azərbaycanla toqquşdurmağa çalışmasınlar, rəsmi Bakı ilə dil tapmağa cəhd eləsinlər. Ermənistana heç bir hörmət-izzət qalmayıb. Onlar öz müttəfiqləri ilə belə davranırlarsa, sonra hansı üzlə güya bizim onlara qarşı məkrli mövqe tutmağımızdan danışa bilərlər? Hansısa aktor, yəni siyasi oyunçu  yalnız bir tərəflə dil tapmırsa, onda deyərlər ki, səhv digər tərəfdə belə ola bilər. Axı Ermənistan heç kimlə yola getmir. Buna görə də məhvə doğru irəliləyir. Bu məsələdə sensasiya nüvəsi görmürəm. Ermənistan özünü hamıdan üstün saymağa cəhd etməklə, yenə öz ampluasını seçmiş olur. Belə bir fəlsəfə var - deyir, axmaq çaşırsa dəyməyin ki, axıra qədər çaşsın və öz iflasını tapsın”.

Məhəmmədəli QƏRİBLİ

Peşə etikası

Son xəbərlər