Rusiya Federasiyası Prezidentinin mətbuat katibi Dmitri Peskovun bəyanatı Ermənistanda çaxnaşma yaradıb. Peskov bəyan edib ki, Moskva ABŞ prezidentinin Demokratiyanın Müdafiəsi Assambleyası təşəbbüsünə mənfi yanaşır. Peskovun sözlərinə görə, bu, dünyanı yaxşı və pisə ayıran yeni ayırıcı xətlərin təşəbbüsüdür. Onun sözlərinə görə, onlar 90-cı illərdən bu ayırıcı xətləri aradan qaldırmaq üçün mübarizə aparırlar. Peskov kimlə döyüşdüklərini açıqlamayıb.
Məsələ burasındadır ki, 1990-cı illərdə Rusiyada ayırıcı xətləri hamarlamaq və neytrallaşdırmaq meyllərini özündə ehtiva edən siyasət var idi. Rusiya demokratik, liberal məntiqə əməl etməyə çalışırdı ki, bu da Qərblə müəyyən biznes kombinasiyasına gətirib çıxarırdı. Lakin 1990-cı illərin sonlarında Sovet İttifaqının dağılmasını XX əsrin geosiyasi fəlakəti kimi qəbul edən və əslində həmin “fəlakətin” nəticələrini aradan qaldırmağa çalışan bir adama Rusiyada sovet nostaljisi zəfərlə qalib gəldi. Sovet təsir dairələrini Rusiya bayrağı altına toplamağa başladılar. Bu, Qərblə qarşıdurmanın dərinləşməsinə və yeni kataklizmlərə gətirib çıxardı. Bunların arasında Qarabağ məsələsi də var idi. Şübhə yoxdur ki, Demokratiyanın Müdafiəsi Assambleyası Amerikanın geosiyasi strategiyasının elementidir. Digər tərəfdən, bu strategiya Rusiyanın təsir və ya məsuliyyət zonası hesab edilən regionda mövcud olan mürəkkəb, ziddiyyətli və hətta böhranlı təhlükəsizlik mühitində Qafqaz ölkələri üçün fürsəti ehtiva edir. Məsələ ondadır ki, Peskovun bəyanatı ABŞ-ın təşəbbüsü ilə qurulan Assambleyada Ermənistanın iştirakına qarşı olduğunu ifadə edir. Assambleya onlayn rejimdə olacaq və orada KTMT üzvü Ermənistan da iştirak edəcək. Ermənilər deyir ki, Peskovun Rusiya-ABŞ geosiyasi qarşıdurması fonunda verdiyi bəyanat Ermənistanı hədəfə alır.
Görünən odur ki, erməni tərəfi Peskovun son açıqlamasından ciddi narahat olmağa başlayıb.
“Ermənistan-Rusiya müttəfiqliyi artıq kağız üzərindədir və bunu Paşinyan ən aşağı səviyyəyə endirib”
Sözügedən məsələni “Bakı-Xəbər”ə şərh edən politoloq Məhəmməd Əsədullazadə bununla bağlı bir sıra məqamlara toxundu: “Birləşmiş Ştatlar prezidentinin demokratiya sammitinə Ermənistanın dəvət alması, təbii ki, Rusiyanı narahat edir. Ən azından ona görə ki, Ermənistan Rusiyanın forpostudur. Ermənistan Rusiya ilə müttəfiqlik sazişinə malikdir. Rusiyanın yaratdığı Avrasiya Birliyində və KTMT-də təmsil olunur. Belə olan təqdirdə İrəvanın bu tədbirə qatılması Kremldə anti-Rusiya addımı kimi xarakterizə edilir. Ona görə də Peskovun bu açıqlması Ermənistanda narahatlıq doğurur. Hətta erməni mətbuatı bunu Ermənistanın daxili işlərinə qarışmaq kimi xarakterizə edir. Hesab edirəm ki, bundan sonra da Rusiya-Ermənistan əlaqələrində ciddi problemlər olacaq. Ən nəhayət, Nikol Paşinyan çalışacaq ki, Qərblə, ABŞ-la münasibətləri Rusiya əleyhinə çevirsin. Ermənistanda anti-Rusiya isteriyası formalaşdırsın. Düşünürəm ki, Ermənistan-Rusiya müttəfiqliyi artıq kağız üzərindədir və bunu N.Paşinyan ən aşağı səviyyəyə endirib”.
Bu səbəbdən politoloq münasibətlərin daha da gərginləşəcəyini proqnozlaşdırdı.
Vidadi ORDAHALLI
